-ميان: هلو هلو عيني منو منورنا اليوم؟
-هلا حبيبي شلونج؟
باوعت لشكلي بأستغراب وهيه تتفقدني وحجت
-ميان: زينه اني بس انتِ مبين لا شصاير؟ شكلج تعبان!
-مصاير شي حبيبي شويه ضغط من الامتحانات وهالسوالف
-ميان: رجعتي تسهرين؟
-امممم
-ميان: ليش ولج بينتي تجننين الفترة الراحت ووجهج نور من عدلتي نومج
-بعد صارت، وين عثمان؟
-ميان: بغرفتة يمكن ما ادري
-راح أصعد عندي سالفة وياه
-ميان: سوالفكم متخلص حبيبي ، اكلي وياي؟
-عوافي عليج ما اشتهي ماكله
-ميان: براحتج
عفتها تاكل ومبينه توها أصلًا راجعه من الجامعة خطية دراسة الصيدلة صعبة
صعدت متوجهه لغرفة عثمان وقبل لا ادخل دگيت البابشويه واجاني صوته يرد
-عثمان: تفضل
فتحت الباب ودخلت چان گاعد گبال الكمبيوتر مالته وما اعرف شنو يسوي شويه ورفع راسه وانتبه الي
-عثمان: هلا ليل تفضلي شكو واگفه بالباب؟
دخلت وگعدت على جربايته وحجيت
-شلونك؟
-عثمان: انتِ اللي شلونج؟ صار فترة ماكو
تنهدت منين أبدي وشحجي؟ من شافني ساكتة هو رأستًا عاف الكمبيوتر وفر الكرسي بأتجاهي صار قريب مني وحجه مستغرب وبلهجه قلقانه
-عثمان: بيج شي؟
-سمعت باللي صار لمجيد؟
نزل نظارته وتنهد وهز راسه
-عثمان: اي سمعت
ذبيت نفس واني ما اعرف شبيه متأثرة لهاي الدرجة
-خطية
-عثمان: لا أعتراض على حكم ربج
-شفت الحادث صاير اشلاء بس
رفع راسه يباوعلي متعجب
-وين شفتي؟
-بابا اله ايد بالقضية يحقق مع صديقه الي هو لازمها .. شفت الصور وصارت سوالف
-عجيب ربط الأمور
-مريت بيومين الله اليعلم بيهم شصار
صفن علية شويه وحجه
-ليش احسچ حيل متأثرة بالموضوع ؟ المتسابقين للآسف أغلب حوادثهم بهالشكل بسبب السرعة
![](https://img.wattpad.com/cover/352359457-288-k368195.jpg)
YOU ARE READING
مراس الدعجاء
Actionمرات تندم أشد ندم على قرار تاخذة بدون تفكير -أي مثل حالتي هسه، حزام الكاميرا ملفوف على رگبتي وواگفه بمكان أظلم بعيد شوي عن الشارع الرئيسي الفارغ بهالمكان.. شلون انثولت وأجيت؟؟؟ خلي أوصف الكم المكان، گدامي سيارات سباق تتحضر حتى تنطلق وانا شنو دوري؟ أ...
Part 11
Start from the beginning