"အဲ့ဒီတော့ သားတော်က ရှီးပေကို လိုက်သွားမှာပေါ့"
"ဟုတ်ပါတယ် ဖု၀မ်... "
ရှောင်းမင်းကြီးက သိပ်စိတ်ချပုံမပေါ်..။
"သားတော်အတွက် ကိုယ်ရံတော်တပ်ဖွဲ့ တဖွဲ့ ထည့်ပေးလိုက်မယ်"
"ရပါတယ် ဖု၀မ်.. ရှီးပေနယ်စားနဲ့ လိုက်သွားတာ အကုန်သိနေတာပဲ.. တခုခုဆို သူပဲခေါင်းခံရမှာဆိုတော့ ထွေထွေထူးထူး မကြံစည်ရဲလောက်ပါဘူး"
ရှောင်းကျန့်မှာလည်း သူ့အကြံနဲ့သူ..။ ကိုယ်ရံတော်တပ်ဖွဲ့ဆိုတာက ၁၀၀ ရာခိုင်နှုန်း ယုံကြည်ရပါ့မလား..။ မတော်လို့ သူအတိတ်မေ့နေတာ အစ်ကိုနှစ်ဆီ ပေါက်ကြားသွားတာက ပိုအန္တရာယ်ရှိမယ်..။ ၀မ်ရိပေါ်ဆိုတဲ့ကောင်က နည်းနည်း အကျင့်ပုပ်ရုံကလွဲရင် ထီးနန်းကို လိုချင်နေတာမျိုးမဟုတ်ဘူးလို့ သူတော့ထင်တာပဲ..။
"ဖြစ်ပါ့မလား.. သားတော်ရဲ့ သိုင်းပညာတွေကလည်း ပြန်ရသေးတာ မဟုတ်တော့"
"ဖြစ်ပါတယ် ဖု၀မ်ရဲ့.. တအားကြီး စိုးရိမ်မနေပါနဲ့"
ရှောင်းမင်းကြီး သက်ပြင်းချလိုက်သည်..။ ဒီကလေး ခေါင်းမာတာတော့ အရင်လိုပဲ..။
"ကောင်းပြီလေ.. သားတော်တို့ ဘယ်အချိန် ထွက်ကြမှာလဲ"
"နောက်သုံးရက်နေရင်"
***
သုံးရက်မြောက်နေ့...။
ရွှေရောင်နေခြည်တို့က လောကတခွင်ပက်ဖျန်းရန် တာစူနေကြသည်..။ နန်းမြို့တော်က အသက်၀င်လှုပ်ရှားစ ပြုပြီ..။ ဟိုဟိုသည်သည်မှာ သွားလာလှုပ်ရှားနေကြသော အရပ်သူအရပ်သားတို့ကလည်း တနေ့တာ၏ နေ့သစ်ကို အစပျိုးရန် ပြင်နေကြပြီ..။
ရွှေနန်းတော်၏ အရှေ့တံခါးတွင်လည်း ရှီးပေသို့ ထွက်ခွာမည့် ခရီးစဥ်က အသင့်ဖြစ်နေပြီ..။ လူက သိပ်တော့မများ..။ လဲ့အာနှင့် အပျိုတော်တဦးလိုက်ပါမည့် မြင်းရထားတလုံး..။ ရှီးပေနယ်စား၀မ်ရိပေါ်.. အိမ်ရှေ့စံရှောင်းကျန့်နှင့် ရှီးပေနယ်စား၏ ကိုယ်ရံတော် ဆယ်ယောက်ခန့်သာ..။
YOU ARE READING
အတိတ်ကို ပြန်ရောက်သွားပေမယ့် ရှောင်ရှောင်းကျန့်လေးကမကွေးဘူး
Fanfictionမင်းတို့ စဥ်းစားကြည့် BL ဖတ်တဲ့သူတိုင်း ကွေးလို့လား... မင်းတို့ကော ကွေးလို့လား.. ငါလည်း မကွေးဘူးကွ.. ဖြောင့်လိုက်တာမှ ဓါတ်တိုင်ကြီးအတိုင်းပဲ..