سيف . هية طبت للمطبخ اني طبيت وراهه بسرعه
رانيه بت عم سيف . عمه حته عمه اي والله متشوفين كدامج انتي
ايات . شنو
رانيه . لا وفوكاهه طرشه
ايات . مثلج حبي ... يمه الفلوس وين
حنان . ايات مو وكت مشتره اكعدي دنيه ضهر
ايات . مااا اريد اشتري وبعدين انتي كتيلي شتريدين اسويلج
حنان . امري لله منو هسة ياخذج بهل ضهر
ايات . ما اعرف عود ادز واحد من الجهال
منال . منو
ايات . خل اشوف منو يروح
سيف . ماعدنه زعاطيط يشترون الضهر
حنان . ايات ابوج يصيحج
ايات . ايي
سيف . خاله ليش دزيتيهه
حنان . احسن اذا حجت السانهه محد يلزمه
سيف . اني اريد اخليهه تحجي
حنان . لا والله السانهه اطول منهه م ....
ايات . رحت شفت بابا شيريد وترزلت لان سويت ويه ابن فاطمه وهوة صوجه مو صوجي رجعت للمطبخ خليت الفلوس ع ميز وكلت ... خاله وين الغرفه
منال . فوك ع جه اليمنه اخر غرفه ليش
ايات . تصبحون على خير ... عفتهم ورحت ع غرفه الي كالت عليهه طبيت ذبيت روحي ع جربايه وتمددت ردت الهي روحي بالمبايل بس نعست طفيته وطفيت الاضويه ونمت
سيف . هية راحت وعلامات الزعل مبينه عليهه اشرت الامي تسال خالتي
منال . شبيهه ايات
حنان . ما اعرف والله يجوز ترزلت من وره ابن فاطمه وعذراء
منال . يا خطيه
حنان . منا للسبوع الثاني يلا يرجع الوضع تمام هسة اي واحد يحجي وياهه تكب بوجهه
منال . هاي صارت مثل فد واحد نعرفه اذا عصب الملائكه تتبره منه ومن ايده
سيف . يمه ليش احس الكلام هذة عليه
منال . لا لا مو يمك ابني
سيف . اممم ... صبوا غده وتغدينه وخلصنه وشربنه جاي وكعدوا ينسقون ( يعني يكولون مثلا هاي البنيه الهذة الولد وهيج عود افتهموا انتو 😅 ) بين الولد والبنات
سلمان عم سيف . سيف انته شوكت نفرح بيك
سيف . الله كريم
سعد . لا سيف اني محضرله خوش بنيه
سلمان . منو هية
سعد . من اخطبهه اكوللكم منو
سلمان . صدك تحجي
