سيف بعصبيه . اني ما اخذهه سدوا الموضوع
سعد . انته لتزوجهه واكسر حجايتي وشوف منو ميتبره منك
سيف بعصبيه . خوش يصير خير انشالله يصير خير ... وصلنه للبيت واني نااااار من العصبيه صاير رحت كبل للغرفه كعدت اراسلهه بس مكلتلهه الصار بقينه نحجي لليل خليت راسي ونمت
يم ايات
ايات . راحوا بيت خاله احنه نضفنه البيت وخواتي رجعن لبيوتهن احنه كعدنه امي وابويه راحوا للغرفه اني هم صعدت فوك وبقيت احجي ويا لليل هوة كال رح انام اني هم كلتله تمام طفيت المبايل ورحت لبست ملابسي مال النوم فتحت شعري ونمت
بغرفة اهل ايات
خالد . عيني حنان اريد احجي وياج
حنان . كول عيني
خالد . اليوم ابو سيف خطب ايات من عندي
حنان بصدمه . شنو
خالد . مثل ما سمعتي
حنان . وانته شكلت
خالد . اني كتله من طرفي موافق بس خل اشوف امهه وهية واردلك خبر
حنان . والله ما اعرف شكلك
خالد . شوفي اول شي همة خوش ناس ونعرفهم وسيف خوش ولد ثانيه اذا تجين ع اخلاق ف اخلاقهم عاليه وثالثا اذا ع امكانيه خير من الله عدهم ومناقصهم شي واذا تجين ع شكل ف سيف حلو ومن تربيه متربي من متمكن متمكن وخوش ولد والكل تحلف براسه
حنان . والله القرار بيدك اني ما ادخل
خالد . مو ع تدخلين ومتدخلين انتي شتكولين
حنان . ليش لا سيف خوش ولد ومابي اي عيب
خالد . لعد هاهية
حنان . وايات
خالد . اني عمري كله مجبرتهه على شي بس هل مره اذا مقبلت ف الحجي وياهه يختلف لان علمود مصلحتهه
حنان . الله يتمم الي بي خير
خالد . انشالله
بعد مرور اسبوع
سيف . كمت بدلت الصبح ساعه 6 ونص سبحت وبدلت وسويت شعري وعدلت لحيتي وشواربي لبست احذيتي تكرمون اخذت غراضي وطلعت شفت الكل كاعدين مصبحت عليهم عفتهم ورحت للشركه بقيت اهناك اكمل الشغل المتراكم وخلصته كله بالليل يلا طلعت من الشركه كلت ما دام جاي خل امر البيت خالتي رحت البيتهم طبكت ودكيت الباب طلعت بنيه بس شنو من بنيه ملاك اني كلبي بقه يدك ما اعرف حسيت بنفس الاحساس الي يجيني من احجي ويه ايات صفنت بوجهه وصحيت من هية حجت سبحان الله نفس الصوت حته رديت عليهه وكلت
ايات . مر اسبوع مصار شي مهم ف جان يوم خميس دنيه ليل ساعه 10 بابا مجان بالبيت وماما طالعه اندك الباب رحت حته افتحه كلت يجوز جهال الجوارين فتحته شفت رجال طويل وضخم هوة ضل صافن اني حجيت
