سيف . هيو اكعدي
ايات . لا رد
سيف . يمعوده اريد اولي كعدي
ايات . لا رد
سيف . لج اكعدي
ايات . اني جنت نايمه واسمع صوت يحجي يم راسي بعدين من ركزت بالصوت عرفت هذة الولد الاجانه البارحه كمت واني مشتعله من النار
ايات . شكو
سيف . افتحي الباب اريد اطلع
ايات . تمام اطلع هسة اجي
سيف . طلعت بره الغرفه ونزلت جوه للمطبخ كعدت اراسلهه عدهه انترنيت بس متجاوب
ايات . هوة طلع اني اخذت المبايل دكيت على امي
حنان . الو
ايات . يمه ابن اختج يريد يروح
حنان . كليله خل ينتضر احنه بالطريق ايو حبيبتي ما اوصيج سويله ريوك لان عيب خوش
ايات . تمام
حنان . يلا باي
ايات . باي ... سديت المبايل ورحت سبحت بسرعه لبست تراكسود اسود عريض لميت شعري شلون ما جان لبست الكبوس ونزلت جوه رحت للمطبخ شفته كاعد وكلت ... صباح الخير
سيف . صباح النور
ايات . رفعت ارداناتي ورحت طلعت الغراض مال الريوك سويت مخلمه مدري شسمهه وبيض سلك وجاي وجبن وكيمر وزبد والى اخره خليتهن ع ميز جبت الخبز وكلت ... تريك
سيف . اجتي خلتهن وراحت ع مدري شنو ادور
ايات . بقيت ادور ع جهاز مال العصير ملكيته دكيت على امي وكلت .... يمه الجهاز مال العصير وين
حنان . بالكاونتر الجوه يم الخلاط مال الزلاطه
ايات . تمام ... سديته ورحت طلعته طلعت برتقال وعسل وحليب خليتهن بالخلاط وسويت العصير وغسلته ورجعته
سيف . تعاي تريكي
ايات . سويت ريوكي
سيف . عصير من الصبح
ايات . كلمن وطبعه ... صبيت اليه كلاص واله كلاص خليتله يا ورحت كعدت طلعت مبايلي وكعدت اراسل عمي
سيف . دا اباوع بالمبايل هية دزت رساله رديت عليهه وبقينه نحجي
ايات . عمي رح ادك مابيه حيل اكتب
سيف . لدكين هسة خل اطلع وعود دكي
ايات . تمام
سيف . شسوين هسة
ايات . دا اتريك وانته
سيف . هم اتريك
ايات . اوك شويه واجي
سيف . تمام
ايات . عفت المبايل ع كوانتر ورحت فوك ادور ع بزونه مالتي مشفتهه لا البارحه ولا اليوم
