بنين . اي صحيح بس احنه بعد عادات وتقاليد
ايات . يلا ميخالف هم من تكبرون كملوا دراسه خارجي
حنين . اي بس هم مرح يخلونه
ايات . ليش
حنين . لان اسم الله ع سامع واسم الله ع اهلنه اذا ماتوا اخوانه مرح يقبلون لان همة يمشون ع نهج ابويه
ايات . لحضه يعني مع احترامي الاخوانكم همة شعليهم اخوان صاروا ومصاروا ابسط شي نفترض اخوكم الجبير مكمل دراسه لو لا
عذراء . اي كلهم مكملين
ايات . اي من ميقبلون كلولهم ليش انتوا كملتوا واحنه لا شنو حرام علينه وحلال عليكم واذا بالغين السن القانوني بعد اصلا محد اله علاقه بيكم حته امكم وابوكم تجون شرع تجون قانون
بنين . اي حته كبل يذبحونه خلاص
ايات . هاي الغرفه صدك انتوا رح تنامون
حنين . والله اني منعسانه
مريم وعذراء . احنه هم منعسانين
بنين . اني هم وياكم منعسانه
ايات . لعد تعالوا خل نروح الغرفتي نكعد نسولف
البنات . يلا
ايات . اخذتهم الغرفتي وكعدنه بالكاع
عذراء . صدك شو احنه هاي اول مره نشوفج كل مره نجي منشوفج
ايات . اي مو انتوا تجون جمعه لو سبت اني جمعه وسبت اروح البيت جدو
مريم . اهل ابوج قصدج
ايات . لا اروح البيت جدو حميد
مريم . اها مو اكول
ايات . تصدوك اني اليوم يلا عرفت عندي خاله اسمهه منال
بنين . ياا
ايات . والله شبيكم بس اعرف خاله سمر وخاله سعاد بعد ما اعرف الحد ما اليوم من رجعت من الامتحان امي كالت
حنين . والله احنه هم اليوم يلا درينه عدنه بت خاله مشايفيهه
ايات . كولي غيرهه
حنين . والله شبيج
ايات . بقينه نسولف ونضحك وحبيتهم صراحه وشقه والى اخره الحد ما صارت ساعه 5 الصبح كلنه نمنه
يم حنان ومنال
منال . بعد ما البنات صعدوا وفاطمه بت حنان راحت تنوم جهالهه اني حجيت ويه حنان
منال . اكلج حنان
حنان . كولي
منال . بتج اذا خوش ناس رادوهه تنطيهه
حنان . ما اعرف والله بكيف ابوهه مو بكيفي
منال . تمام
يم سيف
