Extra 1
နောက်ဆုံးတော့ကျိုးလီချစ်မိသွားပြီ -1
အချိန်အများစုတွင် ကျိုးလီသည်သူ့ကိုယ်သူစိတ်အားရှင်းရှင်းလင်းလင်းထားနိုင်သူဟုယူဆခဲ့သည်။
သို့သော် အင်တာနက်တွင် ရုန်ယီနှင့်ချန်းခယ့်ယောင်တို့လက်ဆွဲနှုတ်ဆက်နေသည့်ဓာတ်ပုံများကိုမြင်ရသည့်အခါ သူသည်တမဟုတ်ချင်းစိတ်ရှုပ်ထွေးရဆဲပင်။
သီအိုရီအရသူအနည်းငယ်ဝမ်းနည်းသင့်သည်ဟုထင်မိ၏။ အပေါ်ယံတွင် ငါတို့က သူငယ်ချင်းကောင်းတွေပါ ဟူသောသဘောမျိုးရှိနေစေကာမူ ရုန်ယီသည်သူမြင်မြင်ချင်းချစ်မိသွားခဲ့သူဖြစ်ပြီးသူ၏နှလုံးသားအတွင်း၌မူကွဲပြားသောခံစားချက်တွေ ရှိနေသည်။
ရုန်ယီ၏အကြည့်များက သူ၏နှလုံးသားမှအနူးညံ့ဆုံးအပိုင်းလေးကို အပြည့်အဝထိုးဖောက်နိုင်သည်။ သူသည်မပင်မပန်းနှင့်မေးထောက်၍အနှီသူကိုတစ်နေကုန်ထိုင်ကြည့်နိုင်သည်။ သည့်အပြင် ရုန်ယီသည် အလွန်စာရိတ္တကောင်းသောလူတစ်ယောက်ဖြစ်နေသည်၊ သူ့အားအဆင်မပြေစေမည့်လူမျိုးမဟုတ်၊ သူတို့၏ရည်ရွယ်ချက်များကိုတစ်မျက်နှာလုံးပြထားပြီး တလျှောက်လုံးအတူနေသွားရန်ကသိကအောက်ဖြစ်စေမည့် Alpha များကဲ့သို့လည်းမဟုတ်ပေ။
ထိုကြောင့် မလွဲမသွေပြောရမည်ဆိုပါက ယခုသူသည်အချစ်၏ဒုက္ခသမားလေးပင်။
အသည်းကွဲနေပါသောကျိုးလီသည် သူ၏ဖုန်းကိုလက်ထဲတွင်ကိုင်ကာ ထိုပုံများကိုနှိပ်ကြည့်သည်၊ ချဲ့ကြည့်သည်၊ အပေါ် အောက် ဘယ်နှင့်ညာကိုကြည့်ကာ နောက်ဆုံး၌ခပ်တင်းတင်းဆုပ်ကိုင်ထားသောလက်နှစ်ဖက်အပေါ်အာရုံစိုက်လိုက်သည်။
ပြီးနောက် သူပြုံးလိုက်၏။
နားမလည်နိုင်လောက်အောင်စိတ်လှုပ်ရှားရမှုက သူ၏နှလုံးသားထဲတွင်ဖြည်းဖြည်းချင်းပြည့်ဖောင်းလာသည်။
အစတည်းကသူရုန်ယီကိုမည်သို့ပြောခဲ့သနည်း။ ထိုသူနှစ်ယောက်ကအတူရပ်နေရုံနှင့်ပင် ပြည့်စုံသွားသည်ဟုမြင်ရစေသည်။ သင်ပိုကြည့်လေ သူတို့နှစ်ယောက်က တစ်ယောက်နှင့်တစ်ယောက်လိုက်ဖက်သည်ဟုပိုမိုထင်ရလေပင်။ မျက်စိပသာဒဖြစ်စေသည်။ ကောင်းကင်ဘုံမှတွဲစပ်ပေးထားခြင်းပင်။
YOU ARE READING
Mr.Rong's ချစ်မှုရေးရာ ဒိုင်ယာရီ
Fanfictionမင်္ဂလာ ညချမ်းပါရှင် အသစ်လေးတွေ လာကြေညာတာပါ ရှင့် ???? BL အတိုလေးနှစ်ပုဒ် PICK ထားပါတယ် အပိုင်းသိပ်မများတာလေးတွေပါ ဖတ်ပေးကြပါဦးနော် ... အားလုံးပဲ ကျန်းမာ ဘေးကင်း ဝင်ငွေတိုးကြပါစေ... ပုံအောက်မှာ Description ပါတယ်နော် ...
