Mr.Rong's ချစ်မှုရေးရာ ဒိုင်ယာရီ

Chapter 29

Chapter 29

ငါတို့ အချင်းချင်းယုံကြည်ပေးလို့ မရဘူးလား…

ရုန်ယီ အိမ်သာသို့ ထသွားလိုက်၏။

မကြာခင် ကျိူးလီနောက်က လိုက်လာပြီး ရုန်ယီကို လှမ်းဆွဲလိုက်ကာ တစ်ဖက်သို့ကပ်လိုက်ပြီး တိုးတိုးလေးပြောလိုက်၏။

“မင်းနဲ့ မင်းအခန်းဖော် ဘာဖြစ်နေကြတာလဲ…”

“ဘာမှမဖြစ်ပါဘူး…” ရုန်ယီ ခေါင်းငုံ့ပြီးဆက်လျှောက်သွား၏။ “ငါတို့ကအမြဲ အဲ့လိုပဲလေ…”

“တကယ် အဆင်ပြေရဲ့လား…” သိသိသာသာပင် ကျိုးလီ သူပြောတာကိုမယုံချေ။ “မီမီကြောင့်များ နှစ်ယောက်က…”

“မဟုတ်ပါဘူး…” ရုန်ယီ မြန်မြန်ဆန်ဆန်ပင် ငြင်းလိုက်၏။

သူတို့နှစ်ယောက် ကတောက်ကဆဖြစ်နေခြင်းမှာ ကျိုးလီနှင့် ဘာမှမပတ်သက်သောကြောင့် ဖြစ်၏။

ချန်းခယ့်ယောင်မှာ အိမ်ကနေထွက်ပြေးချင်လောက်အောင် မီမီကိုကြောက်သော်လည်း သူ့ကိုကြိုမတိုင်ပင်ဘဲ မီမီကို ခေါ်လာခြင်းအတွက် ရုန်ယီကို စိတ်မဆိုးခဲ့ချေ။

တစ်ဖက်တွင် ထိုညကသူ့လန့်သွားသည့် လုပ်ရပ်ကိုပိုစိတ်ရောက်နေကာ ရှင်းပြချင်နေပုံရသည်။

အကြောင်းအရင်းမှာ အိုမီဂါကြောင့်အန်တတ်သော ချန်းခယ့်ယောင်သာ မဟုတ်လျှင် ရုန်ယီ၏ပုံမှန်စိတ်အရဆိုပါက တစ်ဖက်လူမှာ သူ့ကိုသဘောကျနေသည်ဟုထင်ကာ အိမ်ထောင်သည်ဘဝကိုပင် စိတ်ကူးယဉ်နေမည်ဖြစ်၏။

သူ့မျက်နှာ အမူအရာကြောင့် ကျိုးလီမှာ သူ့စိတ်ကူးယဉ်မှုကို စတင်လိုက်ပြန်၏။

ရုန်ယီပခုံးကို လှမ်းပုတ်လိုက်ကာ “သူက လျှိုယွမ်ထက်တော့ ပိုကြည့်ကောင်းတယ်ထင်တယ်…”

“ငါ လျှိုယွမ်ကို လုံးဝသဘောမကျဘူး…” ရုန်ယီ မြန်မြန်ဆန်ဆန်ပင် ရှင်းပြလိုက်၏။ “ပြီးတော့ သူက…”