؛ أكلي الي يعجبچ ، البسي الي يعجبچ ، سوي المقتنعه بي ، أضحكي لا تبخلين بـ أبتسامتج طويله ، قصيره ، سمينه ، ضعيفه ، سمره ، بيضه
أنتي حلوه بكل الاحوآل حسيتي بيوم بخنكه أبجي ماكو احد ميبجي ! حسيتي بيوم تريدين تصيحين من الفرح ؟ صيحي وكأنو محد ديسمعچ ، فكري بنفسچ اولا، محد يدوم لأحد أنولدتي وحدچ ورح تموتين وحدچ وراح تتحاسبين وحدچ
الي يفهمچ غلط مشكلته ، الي يسأل عليچ شووكت ميريد جاوبي شوكت متريدين خلي همچ الوحيد نفسچ وبس ، غلطانه بحياتچ اهوايه ؟ الغلط هو سبب حتى تصيرين احسن وتتعلمين من اخطائچ كل يوم هو فرصه جديده، كل يوم تكدرين تسوين بي شي يفرحچ ويريحچ ، مو ضروري تبررين لأحد شي !
فاهمه غلط لو يحبچ جآن فهمچ صح مو ضروري تجبرين أحد يحجي وياچ ! الي يريد يحچي وياچ ماكو شي يمنعه ، الي يكرهچ اضحكي بوجهه حتى لتصيرين مثله
مو يكولون الدنيا يوم الك ويوم عليك؟ لا خليها كلها الچ بأيدج مو يكولون الضحك بلا سبب من قله الادب ؟ لا انت اضحكي بلا سبب الضحك يريح ، مو يكولون بلعجله الندامه وبل تأني السلامه ؟ لا الي تريدين تسوي هسه كومي سوي لتنتظرين وتضيع عليچ فرصه
خلي حياتچ حلوه بأيدچ ولتخلين شي يعكر مزاجچ صيري وفيه للكل الكل رح توفيلچ صيري طيبة گلب محد رح يكرهچ لتغيرين نفسچ علمود احد ، الي يحبچ يحبچ مثل ما انتي اهم شي ؛ لتخلين يوم يعبر عليچ و تضيعينه بدون متتونسين او تتقدمين خطوه بحياتچ بي ، ثاني شي خلي رضى ربج اول شي بخطواتچ ،
﹏﹏﹏﹏﹏﹏﹏﹏﹏﹏﹏﹏﹏﹏
الـكاتبـــة فــاطمـــة عـلـــي🦋🦋
﹏﹏﹏﹏﹏﹏﹏﹏﹏﹏﹏﹏﹏﹏
شهد
من بين الضلام والاصوات من بين كل الي اسمعه جنت حاسه بالامان
اكو يد دافيه لازمتني اكو ريحه قريبه عليه
احس روحي بين احضانه حاولت افتح عيني اريد اشوفه بس ما اكدر احساس بعدم الحركه
صرت اكول اسمه بس بصعوبه
شهد : حـ..... ـسـ... ـيـ..... ـن
حسين : يا عمر حسين اني يمج لا تخافين
شهد : من سمعت صوته امنت رجعت استسلمت للنوم او للتعب
حسين
وره ما ولدت شهد طلعت بشرتهم ورجعت يمها
مابين ما كملت عمليتها ونقلوها لغير غرفه كلها لتمت يمنه بالغرفه
بالبداية استحيت من عمي انوب ما انطاني گلبي اكون بعيد عنها
رحت كعدت يمها على الكرسي ولازم ايدها انتظرها تكعد انتظر ترجعلي حبيبتي
كلها تسولف واني بالي يمها لحد ما حسيت بيها بدت تصحى
حجيت وياها عرفتها رجعت نامت لان تعبانه خليها براحتها المهم كعدت
وره نص ساعه بدت تصحى شويه شوي فتحت عيونها لو رجعتلي روحي
اعرف وضعها مو خطر والعملية كلش عاديه بس خوفي عليها جان من كلبي ما يفهم طب او علم
خليتها تصحى كلش خابرت يجيبون الطفله
