لم يكُن حزناً بقدر ما كان عدم القدرة على إستيعاب الأمر أول حدوثه، أنتَ لا تدري كيف يشعر المرء عندما يكتشف مؤخراً أنه كان يصبُ عاطفته لشخص مثقوب.
﹏﹏﹏﹏﹏﹏﹏﹏﹏﹏﹏﹏﹏﹏
الـكــاتبة فـاطمـة عـلــي🦋🦋
﹏﹏﹏﹏﹏﹏﹏﹏﹏﹏﹏﹏﹏﹏
حسين
تقبلت امر الواقع وسكتت بس فكرت وره الخطوبه احجيلها الصدك وخليها تفسخ وبكيفها لو تريد اني افسخ براحتها
بهل فتره علاقتي بتماره مستمره بس ما جبت طاري اني خطبت
رحنا لعمامنا وصار يوم الخطوبه احنا يم بيت عمي صلاح ضلينا
ما اعرف ليش حسيت ولد عمي هل مره ضايجين مني حته طريقة كلامهم تختلف ما عرفت شنو السبب
لحد ما اجه عماد ابن عمي صلاح وطلع الدره
عماد : والله خوش على الجاهز اجيت وخذت
حسين : شتقصد شنو اخذت
عماد : اقصد شهد شوكت شفتها شوكت ردت تتزوجها احنا هنا احق بيها منك
حسين : ليش اني مو ابن عمها لو بس انتم
عماد : يا ابن عمها بالسنه مره نشوفكم وكلشي بيكم يختلف عنا لا طبايعكم ولا عيشتكم تجون خطار وترحون
هسه صارت عندك بت عم وتريدها
حسين : عماد لو ما اكول ابن عمي جان لزكتك بالحايط احترم نفسك
عماد : محترم نفسي بس من حقي احجي هاي بت عمي واني اشوفك مو كد هل مسؤولية
حسين : معليك انته البنيه هم بت عمي وبعد كم ساعه تصير زوجتي على سنة الله ورسوله
عماد : تشوف شهر شهرين وترجعها لان انته ابن بغداد مو كد الزواج و المسؤولية والجهال انتم ناس مخلصينها ونسه
حسين : خلصت..... مع السلامه
حسين
عفته ومشيت طلعت من البيت كله
احس ختنكت منين طلعتلي انته هم
بس والله اله اندمك ميخالف اغصب نفسي عليها وشوفك منو مو رجال ولا كد هل مسؤولية
شربت جكاره وره البيت استحي من ابويه ودخلت لبست ملابسي و جهزت نفسي
وخليت ريحة العطر تترس البيت وشغلت اغاني بالسيارة الي يشوفني يكول كاتل نفسه على هل زواج
بس ضد بيهم كلهم
كلها جهزت طلعنا وعمامي جابو شيخ
ورحنة لبيت عمي صادق
.
.
.
.
بدت السوالف مال الخطوبه وهل شغلات
اني بغير عالم ما حسيت غير ابوي ندسني حته اقره سورة الفاتحة
وراها صاحو حته شهد تجي يم الباب وتم العقد
بس اني احس براحه مو طبيعيه ولا عبالك شهد نفسها الي كارها
ما اعرف يمكن احساس بالانتصار انو اخذتها من ولد عمنا
دخلت عليها شفتها مدنكه من تقدمت هيه وكفت احساس حلو من تحس شخص صار ملكك او شريكك تقدمت عليها وبست راسها
من كعدنه و بدينه نلبس الحلقات
اباوع على اديها ترجف لزمتها دخيل الله شكد ناعمه وترفه شاورتها
