عروس الجنوب

البـارت " الثـالـث "

‏كان ليكفيني أن لا أهون، ألّا يصبح كسر خاطري أمراً قابلاً للتجاوز .
﹏﹏﹏﹏﹏﹏﹏﹏﹏﹏﹏﹏﹏﹏

الكاتبة فاطمه علي🦋
﹏﹏﹏﹏﹏﹏﹏﹏﹏﹏﹏﹏﹏﹏

عدنان : اكو شخص متقدملج

فرح : ههه اليه؟! 

عدنان : اي انتي

فرح : بابا وين شافني اني حته مجاي اطلع

عدنان : لا شايفج من جايه من الكليه

فرح : بس اني ما اريد اتزوج

عدنان : فرح الولد خوش انسان شوفي، اگعدي وياه ما خسرانه شي

فرح : ماشي بابا ......

وافقت على الموضوع بس هيج كلت هيه كعده شويه وراها اكلهم ما موافقه المهم وره اسبوع اجه بابا كال اليوم معزومين على عشاء بره  ،
كلنه بدلنه وطلعنا بس ليث ومروان ما راحوا ويانه اني ومروه و بتول
لازم بتول تذب سم ويه كل طلعه اني  مجبوره اطلع وياهم اله لو بيدي فلا اشوفهم وجهي بس مروه ضغطت عليه

مروه : اذا ما طلعتي تجيج حجايه وليش بقت ولازم عدها شي وليش ما اجتي ووووو كومه حجي

فرح : لج  مرت ابوج ادق الواحد

مروه : اعرف بس انتي صيري احسن منها البسي الوضع جنج ما تسمعين شي ولا تشوفين شي

فرح : ان شاء الله ولو ما اكدر اله اردها  ...........

رحنا للمطعم من دخلنه شنو المكان
المطعم من احلى مطاعم بغداد بعدنه كاعدين اجه بتجاهنا ولد شاب كلش مرتب  سلم علينا بابا عدنان بس شافه وگف يسلم علي الولد يحجي ويه بابا وعينه يمي اني اذا احد يركز عليه ارتبك بعد ما اعرف اسوي شي انوب عطشت بس ما شربت لان اعرف نفسي هسه بس اخذ الكلاص اذبه على روحي

عدنان : فرح هذا غيث الولد الي سولفتلج علي

فرح : احجي بكلبي..... لا هسه كملت جان تضرب رجلي مروه باوعت عليها عود احجي  .  .......... اهلاً وسهلاً

غيث : اهلاً بيج

عدنان : يله بنات كومو نكعد بغير طاولة

فرح : اني هم كمت جان تكرصني مروه

مروه : وين كايمه لعد الولد يشوف منو امي غير جاي عليج

فرح : وانتي تعرفين جاي عليه واحنه طلعنا علموده زين ست مروه حسابج من نرجع ............نحجي همس ........ راحو همه واني ضليت واكفه مثل ابو صابر ما اعرف شسوي

غيث : تفضلي اكعدي ست فرح

فرح : هااا.......اي.....شكراً الك

غيث : احممم شلونج بالدراسة

فرح : الحمدلله

غيث : شنو ادرسين

فرح : قانون