وسيحتضن الله كلّ المتعبين، سيخبرهم
﴿وَلَئِنْ صَبَرْتُمْ لَهُوَ خَيْرٌ لِلصَّابِرِينَ﴾
﹏﹏﹏﹏﹏﹏﹏﹏﹏﹏﹏﹏﹏﹏
الـكــاتبة فـاطمـة عـلــي🦋🦋
﹏﹏﹏﹏﹏﹏﹏﹏﹏﹏﹏﹏﹏﹏
سجاد
رجعنا الضهر لبيت خالي تغدينه انوب هيه راحت ويه البنات ينضفون المطبخ ...... جابولنه جاي بستكان اني ما احب هيج اريد بگلاص كمت وراها شو ماكو سالت سجى عليها
سجى : راحت لغرفتنا تكول تعبانه وحتنام اذا تريد شي كول اني اسويلك
سجاد : اي والله اريد جاي بگلاص
سجى : اوكي هسه اصبلك
سجاد
اخذت الجاي وكفت بره ادخن ......... خلال هل ايام لازم احل هل موضوع
ولازم وراها ارجع للشمال
الشغل هناك كله تخربط عليه هم يراد احل هل موضوع ويه شريكي اني هملت الشغل ........... رجعت دخلت جوه ورحت صعدت للغرفه
دخلت على كيفي اباوع عليها عبالك ملاك ونايم
نايمه بكل برائه بس الحزن ماكل ملامحها
والله هذا عهد عليه ارجعلج حقج
كعدت يم راسها اباوع على ملامحها
شكد احبها ضليت كاعد يمها بوست ايدها الي بيها حلقة زواجنا
اباوع السلسله الي بيها علامة اللانهاية لابستها ..... تركتها تنام مرتاحه وطلعت بره
خابرت على المحامي لكيته موجود اتفقت وياه فد. ساعه موعدنا
بين ما حضرت الاوراق وجهزت السياره نزلت شربت ويه الولد نركيله رجعت صعدت كعدتها حته نروح
سجاد : فرح ....... فروحه.....
فرح : همممم
سجاد : يله يروحي اكعدي
فرح : هااا عيني
سجاد : يله كومي بدلي ملابسج حته نروح للمحامي
فرح : اوكي عيني هسه اكوم
سجاد : يله اني نازل جوه يم الولد خلصي وانزلي
فرح : تمام
سجاد : نزلت سبحت وبدلت وره شويه نزلت فرح مجهزه نفسها سلمنه عليهم وطلعنه
.
.
.
.
.
.
.
سجاد : يله وصلنه
فرح : سجاد خايفه المحامي ما يسويلي شي
سجاد : مستحيل كل الاوراق القانونيه تثبت هل املاك الج ومو من حق اي واحد
فرح : ان شاء الله يكدر يسويلي شي
سجاد : دخلنه للمحامي و فرح شرحتله كلشي ...... والمحامي كال الشغله كلش سهله مدام كل الوراق تثبت انو الاملاك بــ أسم ام فرح اباوع عليها كلش فرحت مبين على ملامحها طلعنه رحنه للحديقه كعدنه ونسولف فرح بيومها عيونها كلها سعادة وراحة
.
.
.
.
.
CZYTASZ
عروس الجنوب
Literatura Kobiecaهي هيچ الصدفه لعبت دور وآهتميتلج تم نشر القصة بتاريخ 2023/8/8
