ဆယ်စက္ကန့်က သိပ်မကြာမြင့်လိုက်သော်လည်း ရထားလုံးထဲမှ လူအပါအဝင် အားလုံးကို ခြိမ်းခြောက်ဖို့ လုံလောက်ပေည်။
ဆယ်စက္ကန့်အပြီးတွင် လုကျိုး၏ ပွင့်ချပ်ကိုးလွှာ စိတ်ဝိညာဉ်သဏ္ဌာန်က အားလုံးရှေ့မှောက် ပျောက်ကွယ်သွား၏။
ကောင်းကင်ဘုံကိုးကွယ်ရေးရင်ပြင်တစ်ခုလုံးက အပ်ကျသံ ကြားရလောက်အောင်အထိ တိတ်ဆိတ်သွားသည်။
ရထားလုံးပျံထဲမှ လူက သူသည် မည်မျှတုံးအကာ ဉာဏ်နည်းကြောင်း သဘောပေါက်သွားသည်။ လောင်ချန်းပေ့က စိတ်ဝိညာဉ်သဏ္ဍာကို ပြန်သိမ်းလိုက်သော်လည်း သူက အရှက်မဲ့လှစွာ ရယ်စရာကောင်းလှသည့် ပွင့်ချပ်ရှစ်လွှာ စိတ်ဝိညာဉ်သဏ္ဌာန်ကို ဆက်ထိန်းထားနေသေးသည်။ သူလည်း မြန်မြန် ပြန်ရုပ်သိမ်းလိုက်သည်။
ဒီလူအိုကြီးက ဘယ်သူလဲ …
အားလုံးက ထိုအတွေးမျိုး တွေးမိလိုက်ကြသည်။ သူတို့က ထိုလူသည် မိစ္ဆာဝေဟင်မျှော်နန်း၏ ကျိထျန်းတောက် ဖြစ်နိုင်ကြောင်း မတွေးဘဲ မနေနိုင်ကြတော့ပေ။ တချို့က ထိုလူအိုကြီးသည် မိစ္ဆာဝေဟင်မျှော်နန်း၏ မျှော်နန်းသခင် ဖြစ်လိမ့်မည်ဟု အခိုင်အမာ ယုံကြည်ထားကြ၏။
“ ရထားလုံးပျံကို ဆင်းသက်လိုက် ” ရထားလုံးပျံမှ အသံတစ်သံ ထွက်ပေါ်လာသည်။
တပည့်များက အသိဝင်လာပြီး ရထားလုံးပျံကို နိမ့်နိမ့်လေး ဆင်းသက်လိုက်ကြသည်။
ရထားလုံးပျံ ဆင်းသက်လာသည့်အခါ အသံတစ်သံထွက်ပေါ်လာသည်။ “ ရှန်လွမ့်ရှိုး … ”
“ဟမ်”
“ဒါက မိစ္ဆာဝေဟင်မျှော်နန်းရဲ့ ခေါင်းဆောင်လား ”
ရှန်လွမ့်ရှိုးက အံ့အားသင့်သွားလေသည်။ သူက လူအိုကြီးကို မြင်လိုက်သည့်အခါ မျက်လုံးအပြူးသား ဖြစ်သွားလေသည်။ ကျိထျန်းတောက်နှင့် ယှဉ်လိုက်ပါက ထိုလူအိုကြီးသည် ပိုပိန်ကာ ပိုအသက်ဝင်နေသည်။ သူ့ဆံပင်များကလည်း ပိုမိုနက်မှောင်နေ၏။ သူတို့နှစ်ယောက်လုံးက အသက်ကြီးနေသော်လည်း ထိုလူအိုကြီးသည် မိစ္ဆာဝေဟင်မျှော်နန်းမှ ခေါင်းဆောင်နှင့် တူညီမှုမျိုး မရှိချေ။ ထို့ကြောင့် သူက တုံ့ဆိုင်းမနေဘဲ ပြောလိုက်သည်။
YOU ARE READING
ငါ့တပည့်တွေအကုန် ဗီလိန်တွေချည်းပဲ (Book 3)
Historical FictionBook 1 နဲ့ 2 ကို ဒီအကောင့်ထဲမှာ ဝင်ဖတ်လို့ရပါတယ်
အခန်း(၄၇၈) ပွင့်ချပ်ကိုးလွှာ လု
Start from the beginning
