گاعدين بالمطبخ نتريك والباب مفتوح ومبينة الحديقة واجتي جمانه وريحانة يركضن ماما نزلينا الالعاب بالحديقة نلعب انتبه عليَّ آزر ضايجة وبالي شارد مو يمهن اصلا
آزر : مو بناتچ يحچن وياچ وين شاردة
سنر : هيچ
آزر : جيبيلي العابهن ماطولها جوو حلو نلعب بره وياهن
صعدت للغرفة الثانية واختارلهن العاب ودخل آزر
آزر : شبيها الحلوة ضايجة ،
بقيت اباوع عليه
- لا تباوعين صفح
سنر : ترى تموتني بمزاجك المتقلب البارحة مالك خلك تحچي وياي گعدت الصبح هيچ عادي
آزر : لا مو متقلب بس گتلچ ببالي شغلة چانت حيل ضوجتني وما ردت تسمعين كلام يضوچچ وهم خلصت عقوبتچ
سنر : شسويت حتى تعاقب
آزر : ما سويتِ شيء بس عجبتني عصبيتچ وهسه انقهرت عليچ
سنر : ليش هيچ سويت ونمت ضايجة منك
آزر : أني سمعت السالفة كلها بس ضجت من ميزتِ ادري بيچ مو قصدچ هاي الحچاية بس ردت اتوبچ حتى بعد ما تگولين إثنين انت مخلفتهن
سنر : لعد شگول غير خلفت بس ثنين تقرب مني خله اديه على چتفي
آزر : گولي ثلاثتهن بنات آزر هو مخلفهن واصلا
لا تبررين لاحد اي شيء
سنر : تمام
آزر : ننزل لو نبقى هنا
سنر : لا ننزل ونزل هذني الالعاب بناتك
آزر : هسه يله شفت ابتسامتچ من الصبح مادة البوز
سنر : ضحكت من وراك غير
آزر : يلا عمي اسفين
ونزلت وياه على الدرج
- آزر شنو اللي مضوجك
آزر : هسه يلا سالتِ
سنر : اي نسيت
آزر : تعالي جوه اسولفلچ
انطاهن العابهن وگعدنا بالحديقة يمهم
آزر : بسام تخرج وما يقبل يرجع للعراق
سنر : والله يفتهم احسن اله شعنده راجع باوع عليَّ
آزر : مو امه وابوه هنا مو من اخوج راد يسافر ما قبلتوا
سنر : لا قصدي هو درس هناك وتعب وشهادة يقدروها هناك مو مثلنا ينذل يلا يتعين
آزر : مهما يكون اهله هنا مايصير يستقر هناك
سنر : تعرف اتمنى اشوفه هم يشبه مروان بالطبع
آزر : لا يختلف جذرياً واحد هادئ وخدوم جداً
part 41
Start from the beginning
