ظفر الجوى (مكتملة)

part 34

#ظفر_الجوى

للكاتبة _ زهراء امجد

#البارت_ الرابع_والثلاثون

لتنسون تصويت للبارت + متابعه حسابي واتباد

"الكَوْنُ عَيْنَاك لا شَمْسُ وَلا قَمَرُ
والرّوْضُ خَدّاك لا غُصْنٌ ولا ثَمَرُ
وأنْت في دَوْحَة الأحْلامِ أُغْنيَة
يشدو بِها الحُبّ، لا نَايٌ ولا وَتَرُ"

احمد _ اريدج بخدمه

_ ياستار ياربي كول ،

احمد _ تعالي ويايه ،

_ وين ،،،،،

احمد _ اني وياج وازر نشتري ذهب لرشا ،

_ ليش مو هيه تروح ويانه !؟

احمد _ مشغوله على اساس نروح اني وياها بس طلعت عدها شغل وامي هم جاي تحضر وتدرين ماعندي خوات ،

_ ليش اني شنو مو اختك ،

احمد _ مشوفين اجيتج ،

_ تمام ابدل واجي بدلت ورحت وياه ابو ذهب
شتريتلها كومة اشياء حلوه كلاده طويله وحده قصيره وبيها ازرق ومحبس واحد عادي واحد بيه شذره وتراجي ثنين وسوار وحلقه هي رشا متروسه شويه كتله احمد بعد عندك فلوس ،

احمد _ اي ،

_ اخذلها هذا !؟

احمد _ شنو ،

_ يتخله على الزند كلش حلوو ،

احمد _ اخذيه الج اذا تردينه ،

_ لا ما يلوك اليه جان شتريته بس يطلع حلو عليها

احمد _ يله اخذيه ،

شفت موديل حلقه عجبني كتله آزر اريد هاي حلقه وجانت اكو منها رجالي فضه عند نفس المحل واخذ انت هاي شافها آزر وعامل ابو محل على سعرها واخذناهن كتله خلي نلبسهن هسه وانطيني هاي حلقتك اضمها ،

آزر _ عندي هاي ثمن لان انتي مشتريتها ،

_ هاي هم ذوقنه سووه من وصلنه للبيت كتله
حبيبي انطيني فلوس محتاجه كم شغله ،

آزر _ مو جنه بالسوك ليش ما شتريتي ،

_ لا اوصي بنات ،

آزر _ شكد تردين ،

_ 50 الف انطاني شويه كتله ترى هاي بالاعتبار مصرفي يعني اليه ،

آزر _ شنو بويه قبل مداعيج بفلوس ،

_ يعني جاي اكولك ،

آزر _ الج ،

_ يعني مالاتي ،

آزر _ اي ،