ظفر الجوى
بقلمي زهراء امجد
البارت 41
لاتنسون التصويت للبارت قلبي + تعليق حلو على الفقرات يصعد القصة 💙
عن الامام الصادق عليه السلام
مَا فِي الْمِيزَانِ شَيْءٌ
أَثْقَلَ مِنَ الصَّلَاةِ عَلَى مُحَمَّدٍ وَ آلِ مُحَمَّد.
Insta : Zz__127_
Tektok : zahra_12_amjed
********************
رحت وراه لزمني من أيدي حچه بحدية ملامحه عصبية خفت منه
آزر : ولچ من شوكت بناتچ إثنين
سنر : ما سمعت كل الكلام
آزر : اش سنر ميحتاج تحچين شيء كافي السمعته،
هد ايدي وراح يبدل ويطلع عافني وطلع بقيت بالغرفة گلت شبيه هذا ضايجة ومقهورة كلش نزلت
ام سجاد : هاا آزر شراد منچ
سنر : احضر ملابسه عنده طلعة
ام سجاد : اي شفته مستعجل
صعدت البنات ونومتهن ، عدنا گروب مال معلمات گتلهن ضايحة شسوي كل وحدة گالت
گاعدة شنو تسوي وحدة منهن گالت اقري قصة
هسه يتغير مودج وتنسيچ كلشي گتلها وين گالت
تعالي بالخاص انطيچ برنامج قصص واقري بيهن تلتهين عن كل مشاكل البيت
نزلته وانطتني اسماء كاتبات وقصص الهن گالت
هاا حيل كومة هذني مالي خلك اقرأ وماعندي
وقت
المدرسة : وقت فراغچ لهي نفسچ بيهن
سنر : ان شاء الله نزلت اخذت حليب ومميات وصعدت منا لحد مصارت بـ 12 بالليل رجع آزر باوعت عليه عرفته بعده ضايج من طبگت حاجبه
- آزر المفروض تسمع مني مرات الكلام من تسمعه على النص ما يفهمك كل الحقيقة او يوضحلك شيء سهل مثل من المدرس يشرح مثال بالرياضيات ويجي طالب على الاخير ويشوف الناتج واحد ويگول سهلة
آزر : سنر عوفيني هسه خليني انام
سنر : ما تنام وانتَ عاگد هالحاجب
آزر : طفي الضوه ونامي ما ضايج منچ ببالي غير شغلة ومالي خلك احچي
سنر : براحتك آزر بس مو بعدين تگولّي احچيلي شصار
آزر : لا كلشي سمعت بناتچ إثنين موو
سنر : هذا احساسك
آزر : طفي الضوه ما ريد نتعارك
سنر : هاي هيَّ آزر ،
طفيت الضوه واخذت موبايلي اباوع على اسماء القصص گلت اقراهن ومنو تعجبني استمر عليها كل وحدة قريت المقدمة مالتهن ماعجبني اي شيء گلت هسه اني شسوي بهالدوخة واقرالي قصة طفيت الموبايل ونمت
ثاني يوم الصبح گعدت ضايجة ما متعودة آزر
هيچ يزعل عليَّ وحتى من يصير زعل بيناتنا
بالليل وهو زعلان او اني زعلانة يمدلي ايده
وانام عليها
