ظفر الجوى (مكتملة)

part 35

#ظفر_الجوى

للكاتبة _ زهراء امجد

#البارت_ الخامس_والثلاثون

لتنسون تصويت للبارت + متابعه حسابي واتباد

طوارفها ثلج ، ومكحلة بليل
وخضار البؤبؤ يوديني سفرة
هاي عيونها ، والباقي مضموم
اغار عليها ماراويك شَعرة
بكثر ما حلوة اني الاسمر الطوخ
من اذكُرها تصير خدودي حمرة

آزر _ براحتج لا تصدكين عافني وصعد يركض
فوك صعدت وراه ،

_ شبيك آزر وين رايح ،

آزر _ بسام ابن اخوي مريض ولازم اسافر باسرع وقت ومحد يعرف بيه ميريد احد يعرف ،

_ خلينه نسافر وياك ،

آزر _ جوازج منتهيه مدته وجمانه ماعدها جواز ,

_  هو صدك بتركيا !؟

آزر _  لا بدوله .... اوربية

_ هاا وراح تروح وحدك ،

آزر _ اي لازم هذا معزته تختلف عن معزة احمد ومروان هذا ابني مو ابن اخويه ،

_ الله يكومه بسلامه ،

آزر _ امين يارب لا جيبين طاري لاحد لان ميعرفون حتى امه وابوه ،

_ اي تمام ،

آزر _  حضريلي ملابسي والشغلات الي احتاجهن

_ حضرتله كلشي وصدك وره يومين سافر آزر 
واجه احمد ومروان يباتون يمنه طبعا ثنينهم
يعرفون باخوهم مريض بس ميكدرون يسافرون ،

طول آزر اكثر من شهرين هناك ويوميه اتصل عليه كاميرا ويكلي هانت مابقى شي ان شاء الله وكله مشتاقتلك شلون ،

آزر _ واني بعد اكثر منج بس ماكدر ارجع هسه تحملي بوسيلي جمانه وانتي بوستج من ارجع
انطيها الج ،

_ صارن هواي اطلبك ضحك ،

آزر _ تدللين سجلي انتي واني وفيهن الج ،

واحمد طبعا صار هو ابو البيت يجيب ويخلي يحتار شيسوي وبين يوم ويوم يطلعنه عود نتونس لو البيت اهله نروح نزورهم لو بيت اهلي نروح ساعه ونرجع وشقه وضحك هو وتقي مرات يجيب رشا يمنه تبقى ودائما يوصي كل بجمعات الاهل لا تشتغلين والي تغثج كوليلي كلت بقلبي سبحان الله طبع عمك ،

وبكل ما يجمعون ام سجاد دكول شعنده رايح آزر  يوتنس هلكد باقي خاف شهر عسل  ماخذله وحده وطلع وياها لو وياه بالدوام لو شوف منين ،

وجنتها هم نفس طبعها يعجبها تحجي دكلها اني اخلي سجاد يسافر ويعوفني حامل غير ماخلي
صبح يصبح عليه وهل مره ام كريم هم وياهن عفتهن يحجن ورحت للحديقه ،