مسجونتي"(عالم الوحش)" ♡✧✧..

البارت الخامس والعشرون

مسجونتي(عالم الوحش)
البارت الخامس والعشرون

*13-فِـ بقلبك شئ على حد ؟*
*دائماً قول : اللهم إجعلنى من الڪاظمين الغيظ والعافين عن الناس🩵🩵🩵🩵🌸"*
صلوا ع من بكا شوقا لرؤيتنا
اسراء بصدمه: كياان
كيان بفرحه ودموع: قلب كيان.. وحشتيني اووي
جرت عليها اسراء واخذتها ف حضنها
اسراء ببكاء: وحشتيني يا ام لسان طويل
كيان ببكاء هيا الاخري: وانتي كمان اووي انتي كويسه ايه اللي حصل معاكي
اسراء بالم: نفس اللي حصل معاكي اتخطفت واتجوزت وبقيت زي ما انتي شايفه رجعت هنا تاني
كيان: ياااه كل دي حصل معاكي اتجوزتي مين
اسراء: قوليلي انتي حصل ايه انتي كويسه وازاي اتخطفتي من هنا
قصت لها كيان كل شئ حصل معها
اسراء بصت لزين بشر: وانت بقا اللي عملت ف اختي كل دي
زين ببرود: شايفه حد غيري قاعد
سيف: اسراء بلاش كلام ف الموضوع خلاص
اسراء: وانا موجهتش ليك كلام ولا علشان صاحبك هتدافع عنه ولا اقولك انتم الاتنين اصلا نفس الحاجه وعملتوا زي بعض وبصتله بتريقه وياتري بقا هو سقط اختي ولا عمل زي ما عملت
سيف بعصبيه: اسراااء
هناء بعصبيه ومسكت اسراء من يدها: ايه اللي بتقوليه دي اعتزري لجوزك حالا
اسراء: انا مش هعتزر لحد ومش جوزي هيطلقني وحالا
كيان بصدمه: ايه تطلقي
اسراء بعند: ايوا هتطلق
هناء: اهدي يابنتي واعقلي طلاق ايه بس وايه اللي يخليكي تطلقي
اسراء: من غير سبب انا مرتحتش ف الجوازه دي وعاوزه اطلق وبس
شدها سيف بضيق وقال: يلا قومي
حاولت اسراء سحب يدها منه: مش هقوم ابعد بقا
سيف: وانا مش هطلق يا اسراء مش هطلق ومش همشي من هنا غير رجلي ع رجلك
اسراء: تبقي بتحلم انا مش هطلع من هنا ولا هاجي معاك ف اي مكان
هناء: بس بقا انتوا الاتنين اهدوا كده
قربت هناء من سيف: اقعد يابني استحملها وانا هتكلم معاها
سيف تنهد بضيق: انا عارف اني غلطان وهيا معاها حق بس كان غصب عني
ربطت هناء ع كتفه برفق: مهما حصل يابني دي بينكم ومحدش يعرفه وان شاء الله هتهدي دي بتحبك ومتقدرش تستغني عنك
اوما سيف لها براسه وقعد بضيق وتعب
ودخلت هناء الغرفه لسراء وكيان
قرب زين من سيف وجلس بجانبه
زين: ايه اللي وصلك لهنا عملت ايه ياسيف بغبائك
سيف: من اللي كنت خايف منه طول عمري
زين: ليه ياسيف ليه تخلي ماضيك يأثر عليك طول حياتك
سيف بدموع: مقدرتش يازين مقدرتش
زين: انت شايف نفسك زي ابوك
سيف: عمري مكون زيه ولا زي انانيته ولا اي حاجه فيه فياا
زين: بالظبط دي انت لا ابوك ولا هو انت.. انت احسن منه بكتير وهتعوض نفسك ف اطفالك
طب انت شايف ان اسراء زي مامتك
سيف بسرعه: مستحيل اسراء عمرها مهتكون زيها هيا كانت خايفه ع منظرها وشكلها قدام المجتمع بتاعها وباعتني اسراء بتتمني طفل مني ونفسها تعوض حنان الاب مني
زين: بلاش تخذلها ياصاحبي هيا اعتبرتك اخوها وابوها وجوزها وكل حاجه وحابه تاخد حنان ابوها منك اللي هيا اتحرمت منه وعاوزه تجيب طفل منك اللي زيها تتحط ع الراس يابني دي عكس والدتك خاالص والفرق واضح وكبير جدا لو زيها عمرها مكانت زعلت وعملت كل دي او حتي طلبت منك انها عاوزه تخلف
سيف: وانت ياصاحبي انت بتنصاحني وانت كيان محتاجه منك اكتر ما اسراء محتاجه مني كيان ابوها كان بيعاملها اضعاف اضعاف معامله اسراء
زين بغموض: ربنا يسهل دي بتاعتي اناا
.......
ف غرفه كيان واسراء
كانت اسراء تبكي ف حضن كيان وكيان تربط ع ظهرها
كيان: خلاص يا اسراء اهدي حصل ايه لكل دي اهدي
اسراء ببكاء: مش هرجع معاه ياكيان خليه يطلقني
كيان: اهدي بس كده وقولي حصل ايه
اسراء: بس متقوليش لماما
كيان: مش هقول ياحبيبتي اهدي بس وبطلي عياط
اسراء: ضحك عليا ياكيان ومنعني من الخلفه من ورايا
كيان بصدمه: ازاي حصل دي
اسراء: عنده عقده من اهله كان بيحطلي الحبوب ف العصير و.... وقصت عليها كل شئ حصل
كيان: كل دي حصل بس هو ليه ظروفه
اسراء: هتقفي معاه صح
كيان بحنان: ياحبييتي مش بقف معاه ولا معاكي تعالي نحسبها من الجهتين انتي بمعامله بابا لينا كنتي واثقه فيه ف البدايه كنتي اصلا بطيقي الرجاله كنتي بتخافي بسبب معامله بابا لينا هو عمل ايه اما عرف متخانقش معاكي بالعكس احتويكي وحبك وخلاكي تحسي معاه بالامان وكل حاجه انتي افتقدتيها ف بابا لقتيها فيه هو صح
اسراء: صح
كيان: تعالي نحسبها من عنده بقا هو كان اهله بيعاملوه وحش جدا والدته كانت خايفه ع منظرها والمجتمع الراقي وانها اتخلت عنها وانهت وجوده نهائي ووالده عمل ايه حطاه ف ملجأ يعني هو خايف من نحيه يكون هو اب وخايف من نحيتك تكوني ام خايف اللي حصل معاه يحصل مع ابنه او بنته عنده خوف من النقطه دي ولما حس بالذنب منع دي خالص لكن حصل اللي حصل وعلفكره نوعيه سيف انه مكنش هيخبي عليكي كان هيصارحك باللي عمله من نفسه مطلوب منك دلوقتي مش تقولي طلقني وابعد عني وكل دي لاء يا اسراء انتي لازم تحتويه زي ما هو احتواكي لازم تحسسيه بالامان لازم تمحي خوفه وتعرفيه انه هيبقي احسن اب ف الدنيا وعمره مهيعمل ف اولاده زي ما والده عمل فيه
اسراء: معاكي حق كان لازم اعمل كده
كيان: احنا فيها لسه انا هطلع وهندهولك ازعلي وخدي وقتك منه بس احتويه اولا وبعد كده اتعاملي بزعلك براحتك وعلميه الادب
اسراء بضحك: اوامرك يامعلمي
دخلت هناء
هناء: ف ايه يا اسراء مش عيب تكلمي جوزك بالطريقه دي
اسراء: انا اسفه ياماما
هناء: ياحبيبتي متتأسفيش دي جوزك وانتي بتحبيه وهو بيحبك بلاش تخسريه
كيان: لا خلاص ياماما احنا بقينا تمام كده نطلع ونادي سيف علشان زين زمانه عاوز يولع فيا بسبب التاخير دي
اسراء: هو بارد كده معاكي ياكيان
كيان بغمزه لها: تؤتؤ نحن نختلف عن الاخرون
هناء: خدي يابت هنا
كيان: نعم ياماما
هناء: عامله ايه مع جوزك ياموكوسه جوزك شكله بيحبك اووي وبيغير جدا ومعاملته بارده كده لكن خلي بالك اللي زي دي بيتعامل مع الملط والاحمر والاخضر فخليكي ف البيت كل حاجه مع بعض
كيان بغباء: يعني ايه
ضربتها اسراء ع راسها: افهمي يازكيه اومال شرحك ليا دي كله كان فين
كيان بحرج: انتي مالك انتي يابت انا رايحه مع امي تفهمني قصدها ايه وانديلك سيف
وطلعت هناء وكيان من الغرفه وظلت اسراء وحدها
كيان: احم استاذ سيف
لصلها سيف بلهفه وقال: نعم اسراء كويسه
كيان بخبث: معتقدش
سيف: يعني ايه هيا مالها
كيان: حضرتك اللي عملته دي مكنش ينفع اسراء بتموت جوه
وقف سيف مسرع: ايه هيا فين مالها.. مالها دخليني ليها
ضحكت كيان عليه بصوت عالي: استني استني هيا كويسه متقلقش ادخل ف اخر الطرقه دي هتلاقي اوضه ع ايدك اليمين ادخل علطول هتلاقيها فيها ومتقلقش البت بقت تمام
سيف بضحك: شله يخلهولك ياشابه
بصله زين بنظره اخرست سيف ف الحال ولو كانت النظرات تقتل كانت كيان الان بين ايد زين مقتوله
سيف بتوتر: احم طب امشي انا بقا
مسك زين كيان بعصبيه من يدها: ايه اللي عملتيه دي
كيان بخوف: عملت ايه يازين سيب ايدي
زين: ضحك ومرقعه ايه دي يامحترمه حتي مش عامله احترام ليا نهائي
كيان: زين سيب ايدي انا معملتش حاجه كلمته عادي قدامك
زين وهو يشدد من مسكته لها: ودي عادي انتي بتكلميه ليه اصلا انا حسابي معاكي بعدين قدامي
سمعت كيان صوت والدتها تنده عليها فقالت بدموع: هشوف ماما عاوزه ايه وهاجي علطول
طرقها زين بضيق وغيره: اخلصي
مسكت كيان يدها تدعك فيها وفرت هاربه لوالدتها وحمدت ربها انها ندهت عليها
.....
....ف صباح يوما جديد ملئ بالمفاجأت
صحت ريا من نومها وهيا جائعه وتشم رائحه طعام تصل الي انفها
ريا برغبه: ايه ريحه الاكل دي همي نقلوا المطبخ هنا ووضعت يدها ع بطنها وقالت: ماما جعانه اووي لو طولت اكل حد هاكل ابوك وقامت بابتسامه ع غير العاده ذاهبه الي المرحاض مسرعه حتي تنزل تأكل
.....
ف غرفه زين
كان ينام وهيا بأحضانه ويطلع عليها بشوق وحب ويشم رائحه شعرها المميز
كانت تنام هيا بنزعاج من لعبه ف شعرها هكذا
كيان بتأتأه: بس بقا يازين عاوزه انام
زين: قومي بقا كل دي نوم عيونك وحشتني يلا خلي الشمس تطلع
كيان: تمام ابعد بقا وسبني
ظل زين يلعب ف شعرها وقال بضحك: قومي يلا كفايا نوم لحد كده
قامت كيان بضيق وهيا ناعسه والقت المخده عليه
امسكها زين وحدفها عليها وجذبها له وف ثانيه صارت هيا تحت وهو فوقها
فتحت كيان عيونها بشهقه وقالت: اي دي ايه اللي حصل ابعد يازين
زين: تعرفي ان اسمي حلو اوي من شفايفك اول مره اعرف انه حلو كده وقرب منها وقبل عينيها وقال: عيونك الحلوه دي متخبيهمش عني تاني
كيان بتوتر: يازين بقا ابع..
وقبل ان تكمل كلامها كان يقبلها هو بشوق كبير
زين بخبث: دي الصباح بتاعي بتاع كل يوم اممم اعتبريها تصبيره يلا عشان تفطري وقام وسابها لا تستوعب اي شئ وظلت تطلع ف اثره بغموض
******
ف غرفت ريا كانت جهزت نفسها ونزلت مسرعه الي تحت وطلع اسر ف نفس اللحظه الذي نزلت فيها هيا كان سيصرخ فيها من نزولها هكذا لكن لحقته زينب قبل ان يتكلم
زينب: براحه يابنتي مينفعش تنزلي بالطريقه دي السلم
ريا باسف: انا اسفه ياماما مكنتش اعرف
زينب: ولا يهمك يابنتي تعالي بس بعد كده خدي بالك كده غلط عليكي وانتي حامل
ابتسام بخبث: وليه ياعني مش يمكن عاوزه تنزله متسيبي بنتي ف حالها يازينب وخليها تنزل الطفل دي هيربطها بحاجه غلط من الاول
قبل ان يتكلم احد ويرد عليها ردت عليها ريا بشراسه: لا مش انا يا ابتسام هانم مش انا اللي ارمي ابني علشان منظري قدام المجتمع وشكلي عشان متخنش اللي يقرب من ابني او بس يحاول يقولي نزليه انا هكله بسناني دي ابني انا لوحدي ومحدش ليه الحق يقول اي حاجه اتمني تكوني فهمتي ان الكل مش زيك
قربت منها ابتسام وكانت ستضربها ع وجهها فمسك يدها اسر
اسر: ايدك يامرات عمي
ابتسام: اوعي سيب ايدي انت مفكرر نفسك مين وبصت لريا وقالت انتي بنت قليله الادب شكل زين نسي يربيكي
اسر: مرات عمي انا لو ساكتلك عشان خاطر زين لكن لحد هنا وتسكتي خاالص انا مراتي متربيه احسن تربيه ومسمحش لحد يهنها بشكل دي
ابتسام بتهكم: مرات مين هو انت صدقت نفسك ولا ايه
نزل زين ف هذه اللحظه وقال: ومتبقاش مراته ليه يا ابتسام هانم بنتي مش معيوبه..
بصوا الكل ف اتجاه زين وبصت ابتسام بتوتر نحيته
.......
ف مكان بعيدا عن الانظار
كان يجلس ويضع رجل ع رجل بكل شموخ وهذه الصور تملأ الغرفه بأكملها ويطلع عليها بكره شديد وصور اخري يطلع علها برغبه كبيره وتملك
فصاح هو بغموض: قريبا ستبقي لي قريبا سأدمرك نهائياً ع يدي يا ابن الهلالي... وانظر الي الصور الاخري التي تملأ الغرفه باكملها وقال وقريبا ستبقي من ممتلكاتي...

بقلمي🖊دعاء محمد نصر
...
ياتري زين هيعمل ايه وايه معني كلامه
ياتري مين هو الشخص اللي عاوز يدمر زين وصور مين اللي ع الحيطه دي
وغل ابتسام هيوصل معاها لفين
اسراء وسيف ايه اللي هيحصل بينهم
وزين وكيان هل ستفضل علاقتهم هكذا ام سيحصل شئ بينهم
كل دي هنعرفه ف اللي جااي
...
وطبعا عارفه اني مأثره جدا الفتره دي ودي والله غصب عني بسبب الدراسه وانتوا عارفين دي بشكلكم شويا ف كل بارت استحملوني بقا😂
وبما ان خلاص المدرسه بكره وربنا ينجحنا جميعا ياارب اللهم امين هنزلكم بارت كمان النهارده هديه مني ليكم بسبب دخول المدارس يلا ادعولي بقا عشان انجح وتعدي السنه دي ع خير يارب انا وكل الطلاب ياارب
استنوني بعد شوياااا ف بارت جديد وتوقعاتكم بقا ف البارت دي
متنسوش الفوت ⭐
والكومنت📝
دمتم سالمين💝
الملاك الحزين🥹♥🕊