مسجونتي"(عالم الوحش)" ♡✧✧..

البارت الواحد والعشرون

مسجونتي«عالم الوحش»
البارت الواحد والعشرون
......
*9-للمُحافظه على الصلاة ؟*
*دائماً قول :رب إجعلنى مقيم الصلاه ومن ذُريتى ربنا وتقبل دُعاء🩵🩵🩵🩵🌸"*

صلوا ع من بكا شوقا لرؤيتنا
..........

غمضت ريا عينيها وقالت بدموع: انا اللي حامل مش هيا تست الحمل دي بتاعي انا مش بتاع كيان
بصلها الكل بصدمه وبصلها اسر بعدم تصديق واستيعاب
قرب منها زين بعد ان ترك كيان وهو يقول: انتي مجنونه انتي بتقولي ايه
ريا بكسره ودموع: انا اللي حامل يازين مش هيا متظلمهاش
مسكها زين من شعرها: انتي اكيد اتجننتي عاوزه تطلعي زيها صح عاوزاهم يقولوا اللي امها عملته بنتها عملته عاوزه تسبتي اني معرفتش اربيكي ليه انتي انتي تعملي كده
ريا: انا اسفه بس كان غصب عني
زين: انتي بتكدبي صح قولي ان دي كدب
ريا: مبكدبش عليك انا اسفه سامحني
زين بعصبيه وهو يشد من شعرها اكثر: انطقي حامل من مين انتي لازم تنزليه
ريا بدموع: مستحيل انزله
زين وهو يصفعها: وكمان ليكي عين تتكلمي مين ابوه انطقي
قربت كيان منه وهيا لا تقدر ع الحركه وقالت بضعف: ابعد عنها سبها يازين
زين: انتي تخرسي خالص وابعدي من وشي طلعتي مسعداها ف دي كله وتخليها تخبي عليا وزقها بعيد عنه
قربت منها زينب واسندتها وقعدتها ع الكرسي
وكان الكل يقف بصدمه وهو يبكي
فاق اسر من صدمته ع صوت بكاء ريا وهيا تترجا زين ان لا تخليها ان تنزل ابنها
زين: هتنزليه يعني هتنزليه بقي انتي تعملي فيا انا كده قصرت معاكي ف ايه
قرب منه اسر وقال: سبها يازين هيا ملهاش زنب ابعد عنها
زين: وانت مالك بتدخل ليه ابعد من وشي.. انا ليا تصرف معاها وهعرف مين الكلب اللي عمل كده وهتنزليه
اسر: وانا الكلب واقف قدامك اهوه اللي عملت كده.. وابني مش هنزله
بصله الكل بصدمه هو الاخر وبصله زين بشر قبل ان يرتكب جريمه اخري
...............
دخل الفيلا بحزن يسيطر ع انحاء جسده لا يعرف كيف ان يصالحها الان ويجب عليه ان يعترف لها بماضيه كله
دق الباب ولا تفتح هيا ولا يسمع الي صوتها من الداخل فوقع قلبه بشده عليها
سيف بخوف عليها: اسراء افتحي
لم ترد عليه اسراء
سيف: اسراء علشان خاطري افتحي ونتفاهم.. هفهمك كل حاجه بس افتحي
ولم ترد عليه اسراء ابدا
سيف: اسراء افتحي انا مقدرش ابعد عنك ولا اعيش من غيرك سامحيني انا اسف
فتحت اسراء ف هذا الوقت الباب وكان وجهها منفوخ من اثر البكاء وعينيها وارمه
بصلها سيف بأمل وجري عليها وكان سيقوم بحتضانها فرجعت اسراء الي الخلف
اسراء: اياك تقرب مني انت فاهم
سيف: اسراء افهميني انا عارف اني غلطان وهصلح غلطي ونخلف عادي
اسراء بدموع: بالبساطه دي هو حد قالك اني لعبه ف ايدك يلا تحرمني من اني اكون ام ويلا يا اسراء تعالي نخلف لا انسي انا سيبه البيت دي وماشيه لان مليش مكان فيه من الاول واه الهدوم كلها اللي انت جبتها انا مختهاش انا طالعه باللبس اللي جيت بيه هنا
شدها سيف له: تخرجي فين ايه الكلام الاهبل دي انتي مش هتمشي من هنا
اسراء: وافضل ليه قولي كده عملتيلي ايه حلو علشان افضل هنا دقيقه واحده عشانه
سيف: اللي المفروض يمشي فهو انا دي بيتك انتي.. قبل ما امشي لازم اقولك ع كل حاجه وليه عملت كده.. وافتكري انا عملت ايه حلو علشانك انا لو كنت اطول اجبلك السما والنجوم مكنتش اتاخرت
اسراء بتهكم: ايوا دي واضح
سيف: اسمعيني لأخر لحظه هقولك سببي ليه عملت كده وبعدها همشي مش هتشوفي وشي تاني
اسراء: هتقول ايه يعني هتخترعلي كلام انت عاوز تقول
سيف: لا مش هخترع.. مكنتش عاوز اخلف يا اسراء علشان ابني ميطلعش زي تربيه ملجأ وامه وابوه عايشين
بصتله اسراء بعدم استيعاب وقالت: ايـه
.......................
كانوا يقفوا ولم يتحركوا من صدمتهم الان فاسرع زين باتجاه اسر
ومسكه زين من تلبيت قميصه ولكمه عدة لكمات حتي نزف انف اسر
زين: بقي انت اللي تعمل فيها كده انت وظل يضرب فيه
قربت منه ريا ببكاء وقالت: سيبه يازين علشان خاطري سيبه انا اللي غلطانه مش هو
شدها زين من شعرها وقال: انتي تخرسي خالص قبل مموتك واوريكي مين الغلطان امشي قدامي وهوريكي ازاي هنزلهولك وجرها ورائه
ريا: لا يازين ارجوك مش عاوزه انزله سبني يازين وانا هسافر وهبعد عن هنا خاالص اوعدك
مسكها اسر منه وشدها عليه ووقفت ريا بجواره ومسكت ف قميصه بقوه
اسر: مش هخليك تموت ابني يازين انا قدامك اهوه وبقولك دي ابني انا معترف بيه
زين شده من قميصه وقال: انت ليك عين تتكلم انطق عملت فيها كده ازاي
اسرر: كان غصب عني لو كنت ف وعي مكنتش عملت كده
رفعت: اسكتوا كلكم وانت يازين اهدي انطق يا اسر ليه عملت كده وتعمل كده ف مين ف بنت عمك اللي هتموت وتتجوزها
اسر: غصب عني ياجدي مكنش بايدي حاجه انا بحبها وعاوز اتجوزها دلوقتي قبل بكره معرفش عملت فيها كده ازاي اللي حصل انا كنت قاعد بره عادي وفاجأه حسيت بأني....... وقص عليهم كل شئ حصل
زين: وانت مفكر كلامك الاهبل دي هيدخل علينا انت عبيط ازاي تعمل ف اختي انا كده ومسكه زين وضربه بقوه مره اخري
قرب منهم اشرف حتي يفض هذا الخناق وجرت زينب ع ابنها الذي كان وشه باكمله يجيب دم
زينب: اسمله عليك يابني قوم ياضنايا قوم وظلت تبكي وتمسح له وشه
اشرف: اهدوا بقا انتوا الاتنين انت طول عمرك عارف اسر يازين وعارف كمان انه بيحب اختك من زمان والدليل انه طلب منك يتجوزها وعارفه دلوقتي بيكدب ولا بيقول الحقيقه وزي ما انت عارف تربيه اسر انا كمان اعرف تربيه ريا.. ريا بنتنا ومستحيل نأذيها وانا بطلب منك انك تسامحه وبطلب منك ايد ريا لأسر.
رفعت: ابعتوا هاتوا الماذون حالاً
زين: مفيش جواز اختي مش هتتجوز حد وانا هوريه ازاي يعمل فيه كده لا فاكر ان الوحش هيطلع ع غيره فيبقي غلطان اوي هو اكتر واحد يعرف مين هو الوحش وهو اتعدي ع حاجه تخص الوحش خلي ابنك يشرب بقا
ابتسام: يجي ف الاخر عيل زيك يعمل كده ف بنتي انا دي انا اجوزها سيد سيدك والعيل دي هتنزله حالا ومن بكره اخليها تتجوز
كان الكل يطلعها بصدمه واسر بصدمه اكبر من ان ينزل طفله الذي لم يولد ع الحياه
وقبل ان يرد زين ع كلامها هذا استمعوا الي صوت ارتطام قوي فنظروا الكل الي المكان وكانت ريا
وقعت ف هذه اللحظه ريا مرميه ع الارض
قرب منها اسر وحط رأسها ع رجله وقال بترجي: ريا قومي ردي عليا قومي وانا هعملك كل اللي انتي عاوزاه انا اسف حقق عليا انا غلط ف حقق بس سامحيني انا بحبك وانتي عارفه كده ومستعد ادفع التمن علشان تسامحيني بس قومي
وقبل ان يشتالها اسر بعده زين وقال: اياك تقرب عليها تاني انت فاهم ايدك هقطعهالك
وبعده سريعا وطلع بها الي غرفتها واتصل بالدكتوره سريعاً
........................
كانت تقف وملاحم الصدمه ع جميع وجهها
سيف: ايه سكتي ليه ايوا انا ابن ملجأ مكنتش عاوز اقولك علشان متسبنيش او تستعري مني
ايوا انا ابن ملجأ امي رميتني ف ملجأ علشان تروح تتجوز بعد ما انفصلت عن ابويا وابويا اللي رماني واهتم بشغله وبعياله وبمراته التانيه ونسي ان ليه ابن مرمي ف الشارع انا عشت اسواء ايام حياتي ف الملجأ دي وطلعني منه زين ايوا زين متستغربيش اصل زين امه حطيته ف الملجأ بعد ما كشفها وابوه قبل ما يموت دور عليه ولقاه ووقتها اتعرفت عليه وهو وعدني انه هيستناني خلصت وتميت السن القانوني للملجأ دي وطلعت منه وزي ما زين وعدني لقيته وقفلي ف يوم الخروج بتاعي واستقبلني احسن استقبال وعشت عنده واشتغلت معاه وعاملني اكتر من اخ ليه وكان دايما بيجي يشوفني ف الملجأ لما حاولت اعرف حاجه عن اهلي امي سافرت ولما وصلتلها مرديتش تعترف بوجودي وقالتلي روح شوف فين ابوك روحت لبويا قالي انا معنديش عيال ولاد ملجأ ورماني ف الشارع ملقتش حد يحتويني غير زين ويقف جمبي وشغلني ف شركته ووقفت ع رجلي بمساعدته وربنا كان اهم انه حطلي زين ف طريقي وبقيت زي ما انتي شايفاني قدامك كده النسر الناس كلها بتخاف من النسر وبيتهزله اكبر شنبات ف اي مكان ميعرفوش ان النسر دي ف حاجه كسراه من جوه وهيا طفولته اللي معشتهاش زي اي طفل عاوزاني اجيب طفل ويعيش نفس اللي انا عشته عايزاه يعيش ف ملجأ ويتربي بنفس الطريقه انا كنت بضرب من عيال الملجأ وبينيموني ع الارض ف عز التلج
اسراء بدموع: مين قالك اني هبقي زي والدتك واعمل كده او حتي انت
سيف: احتمالات كبيره اوي مكنتش اعرف انتي بتحبيني زي ما بحبك ولا لاء ولما اتاكدت انك حبتيني بجد مش تعود ع الوضع اللي بقيتي فيه انا بطلت احطلك حبوب بقالي فتره كبيره بقالي شهر وشويا مبعملش كده انا عارف اني غلطان ومن حقق تزعلي بس مكنش ينفع اجيب طفل يعيش نفس اللي انا عشته ومسح دمعته الهاربه ونزل مسرع الي تحت
جرت اسراء ورائه وهيا تنده باسمه: سيف.. سيف علشان خاطري ارجع.. سيف
لم يرد عليها سيف وخرج بره الفيلا باكملها وقاد سيارته بسرعه كبيره
وقفت اسراء تبكي بحزن والم فهيا لا تعرف ماضيه المؤلم هكذا فجلست ع الارض وهيا تبكي وتشهق وتضم رجليها لها
********************
كان يجلس ف مكتبه وهو يخطط الي خطه اخري يضمن بها ابتسام فهيا غبيه كثيرا ووافقت ع اي شيئ يقوله هو
علي: اخيرا يابن الهلالي هيجي اليوم اللي اكسرك فيه وانا مرتاح هاانت ياوحش هااانت.
وضح بصوته كله بخبث وهو يطلع الي هذه الصور والفيديوهات التي تخص ابتسام
____________________________
طلب لها الدكتوره سريعاً وظل بجانبها والكل يوجد ف الغرفه
زينب: اهدي يابني هتبقي كويسه
لم يرد زين ع اي احد ظل بجانب اخته بخوف من خسارتها فهيا كل شيئ بالنسبه له ماذا عملت ستظل اخته الصغري حبيبه قلبه سيعاقبها لكن لا تظل هكذا
زين لنفسه: قومي ياقلب ابيه متقلقنيش عليكي كده وانا هجبلك حقك منه قومي ياريا وردي عليا وكلميني كلمي زينك
كيان: ممكن تبعد هحطلها برفيوم ممكن تفوق
لم يرد عليها زين وظل بعالم تاني اخر
فقربت كيان منها وجربت ان تضع لها من البرفيوم لكن فشلت ف افاقتها
قام زين بعصبيه واتجه نحيه اسر وسدد له عدة لكمات وقال بشر: لو حصلها حاجه هموتك فاهم
اسر: زي ما انت خايف عليها انا خايف عليها اكتر منك ريا دي روحي وكل حياتي انا من غيرها مبقاش ولا حاجه يازين ولا حاجه موتني اعمل كل اللي انت عاوزه فيا بس خليني اطمن عليها واشوفها صدقني يازين انا بحبها اكتر من نفسي واكتر من اي حاجه
بعده الكل بصعوبه عن بعض وبعد زين عنه حين دخلت الدكتوره حتي تفحص ريا
..............
زين بعصبيه: كل دي ع ما تيجي
الدكتوره بخوف: اسفه يازين بيه
زين: اخلصي هتفضلي تتفرجي عليا كده كتير
قربت الدكتوره من ريا حتي تفيقها
ففحصتها وافاقت ريا وتقول بضعف وهيا تضع يدها ع بطنها: ابني
ابتسمت لها الدكتوره وقالت: متقلقيش يا مدام ابنك بخير محتاجه لراحه تامه واهتمي بنفسك شويا لانك ضعيفه جدا وف اي لحظه مهدده للاجهاض ربنا سترها المره دي وعدت ع خير
نزلت راسها بحزن وهيا تضم بطنها لها وطلعت الدكتوره وخبرتهم جميعا مثل ما قالت لريا
اسر بعصبيه: مينفعش كده يازين خليني ادخلها
زين: اياك اشوفك عندها اوعي تفكر اللي انت عملته دي هيعدي بساهل لا انسي وشك دي مشفهوش ف البيت هنا تاني
رفعت: هتطرد اخوك من البيت يازين وانا عايش
زين: الاخ اللي يعمل كده مش يبقي اخ ياجدي
رفعت: وانا قولت كلمه وانتهي الكلام الماذون هيجي وهيتكتب كتابهم ابن عمك بيحب اختك من زمان واللي حصل حصل هعاقبه عليه ودي ابنه واعترف بيه ومسبهاش هو بيحبها يازين ومش هتلاقي زي اسر لريا
زين: الكلام دي كان الاول لكن من بعد اللي عمله مفيش الكلام دي ومفيش جواز
ترنحت كيان قليلا وكانت ستقع فاسندتها زينب وقالت: قومي يابنتي اوديكي اوضتك شكلك تعبان اووي
كيان بضعف: لا ابدا انا كويسه
ريا: انا اسفه ياكيان ع اللي حصلك بسببي مكنش لازم يحصلك دي كله
كيان: بتتاسفي ع ايه بس ياريا كان المهم عندي ان زين ميعرفش حاجه وياريتك مقولتيله ومكنش حصل دي كله فيكي
ريا: لا ياكيان دي اللي كان لازم يحصل من الاول انا لو عندي اخت مكنتش هتعمل معايا زي ما انتي عملتي معايا شكرا
حضنتها كيان وقالت: متشكرنيش انتي اختي ياهبله
بدلتها ريا الحضن بامتأنان
زينب: يلا ياحبيبتي نسيبك تنامي علشان ترتاحي ولينا كلام تاني مع بعض ياريا
هزت ريا راسها لها وخرجوا من الغرفه
وساندت زينب كيان
زينب: تعالي يابنتي اشوف الجرح اللي ف راسك دي
كيان: لا ياماما انا كويسه هنام بس والتعب دي يروح
زينب: طب استني هوصلك لاوضتك
كيان: لا خليكي ملوش لزوم
وسابتها كيان ومشت الي غرفتها وهيا تحس بدوخه وبالتعب ف انحاء جسدها ولاحظ زين هذا الشئ عليها فبعد دخولها الي الغرفه دخل هو بعدها بمرور عدة دقايق
.....
دخلت كيان الغرفه بتعب وحاولت فك طرحتها حتي تشوف من اين راسها تنزف ولكن لا تقدر ع فعل شئ فانهارت قوتها وجلست ع السرير بتعب وظلت ترمش عدة مرات حتي غابت عن الوعي ولا تشعر باي شئ حولها
دخل زين الغرفه بعد عدة  دقائق من دخولها هي ولقاها ترتمي ع السرير بأهمال
فقرب منها زين باسف وحط يده ع وجهها فلقي يده دم فوقع قلب زين عليها وحاول افاقتها وظل يضرب وجهها عدة مرات
زين: كيان.. كيان ردي عليا
كيـــــــــــان
_________
بقلمي🖊دعاء محمد نصر
_________
وبكده البارت يكون خلص ياحلوين انتظروني ف البارت الجاي بكره ان شاء الله
متبخلوش عليا بكومنت وفوتس مش بكتب لنفسي انا حسه اني ورايه فانز كبير جدا قليل اللي بيصوت ايه ياجماعه القراءه الساكته دي فين توقعاتكم واي شخصيه عجبتكم ولا دي غلطتي اني بنزل علطول من غير كومنتات بقي فين البارت وكل دي خليكم جدعين معايا علشان ابقي اجدع من كده معاكم برغم اني مش ماثره يعني+اني بحبكم جدا كلكم ف الله بجد
دمتم سالمين💕💕💕💕💕💕💕💕💕💕
الملاك الحزين😔🖤