ဖဝါးထက်က ပုလဲသွယ်

ဖဝါးထက်က ပုလဲသွယ် (၂၈)

Translation of Pearl In The Palm.

ဖဝါးထက်က ပုလဲသွယ် (၂၈)

Translator - Jinnie Grace

_______

ကျန်းရန်ယိက ယဲ့လီကျူးစကားတွေကို ယုံကြည်စွာနားထောင်နေသည်။ "အင်း...လက်ထပ်တာက အဲ့လောက် စိတ်ပူပန်စရာကိစ္စတော့လည်း မဟုတ်ပါဘူး။ မိသားစုနှစ်ခု ပေါင်းစည်းတာကလည်း ကောင်းတာပါပဲ"

သူမပြေညရင်း ကြည့်လိုက်တော့ ယဲ့လီကျူးက သန်းဝေနေကာ မျက်လုံးလေးများပင် စင်းနေလေပြီ။

သူမ၏ နှင်းလိုဖြူစင်သော အသားအရေလေးတွေပေါ်နေတာမို့ ကျန်းရန်ယိတစ်ယောက် ထိကြည့်လိုက်ပြီး စောင်လေးကို ခြုံပေးလိုက်တော့သည်။

မေလကြီးဖြစ်သော်လည်း သူမ ညီမလေးက အားနည်းနေသည်မို့ ရေခဲတွေကြောင့် အအေးမိမှာစိုးကာ စောင်လေးကို ခြုံပေးလိုက်သည်။

ကျန်းရန်ယိ မလာခင်တုန်းက သူမ တစ်ခါမှမမြင်ဖူးသည့်ညီမလေးအကြောင်းကို အဘွားလုပ်သူပြောပြတာကိုကြားခဲ့ရသည်။

ကျန်းမိသားစုက ချမ်းသာကာ ကျန်းရန်ယိကလည်း ကျွင့်မိသားစုတွင် တစ်ဦးတည်းသော သမီးလေးလည်း ဖြစ်သည်။ ကျန်းသခင်မကြီးကလည်း သူမကို မွေးကတည်းက အလိုလိုက်ထားသည်။ မိသားစုတွင်းက ဒေါ်လေးတွေကလည်း သူမကို အလေးပေးကြသည်။ ကျန်းသခင်မကြီးက စိတ်ထားကောင်းသလို ကျန်းရန်ယိကိုလည်း သူမကိုယ်တိုင် ပြုစုပျိုးထောင်ပေးထားသည်မို့ သူမက အရည်အချင်းကောင်းတွေနှင့် ပြည့်စုံနေတော့သည်။

သူမဒီကိုမလာခင် သူမ၏ ဝမ်းကွဲညီမလေးက တောဘုရားကျောင်းတစ်ခုတွင် ကြီးပြင်းခဲ့ကာ ကျန်းမာရေးလည်းမကောင်းဟု ကြားထားသောကြောင့် သက်ရှည်ဖို့အတွက် ပြုလုပ်ထားသော ရွှေပြားလေးကို ထက်ပိုင်းချိုးကာ သူမအဘွားပေးထားသော တောင်းရမ်းပစ္စည်းများထဲတွင် ထည့်ပေးလိုက်သည်။

အခုတော့ အိမ်တော်ထဲတွင် ကိုယ်လုပ်တော်တွေ အများကြီးရှိပြီး ဝူသခင်မက အာဏာရှိနေကာ ထိုအမျိုးသမီးက ကောင်းမှန်းဆိုးမှန်းမသိတာမို့ သူမညီမလေးအတွက် ရင်လေးမိသည်။