أحبك ولو يهد حيلي حُبك

بـــارت 11

«بسّام»
طلعت من عند إلهام ورحت لغرفة اخواتي وكانوا كلهم موجودات! قلت لسحر: عندي شغل ضروري.. روحي وجيبي إلهام لعند.. ما ابيها تجلس لوحدها..
هزت راسها وانا خرجت.. دامني ما عندي شغل ولا شي.. ولكن لاجل عيونها بسوي اي شي.. رحت لمستشفى واشوف احواله والحمد الله كل شي تمام.. ضليت ادور في الشوارع بدون هدف.. ناظرت لساعة وكانت ١٢منتصف الليل.. رجعت للبيت وكانت امي جالسة في الصالة.. استغربت وتقدمت لها وقلت: السلام عليكم..
ردت: وعليكم السلام ورحمة الله!.
قلت: يمه وش يلي مقعدك هنا!.
قالت: لا بس اختك قالتلي انك خرجت معك شغل.. انشغل بالي عليك..!
ابتسمت وقبّلت راسها وقلت: كان عندي شغل بالمستشفى.. عشان كذا رحت.. وما كان مهم.
قالت: الله يبارك فيك يمه.. ويعينك!
رديت: امين امين!
قالت: حُسام يا يمه.. سمر ماهي راضية تروح العزومه!
استغربت وقلت: ليش!!؟
قالت: اسألها واقنعها تروح يا يمه!!
هزيت راسي وكأني عرفت ليش ما بتروح.. وديت امي غرفتها.. وبعدها رحت لغرفة سمر.. دقيت الباب وسمحت لي بدخول.. ابتسمت اول ما شافتني.. قالت: اهلاً حُسام!.
قلت: هلا فيك.. ما سألتك اليوم عن حالك.. واجيت اسأل!.
خجلت وقالت: بخير الحمدلله...!
قالت بهدوء: دامك بخير ياقلبي.. ليه ما بتروحي معنا بكره...!
اختفت ابتسامتها وهي تقول: مالي نفس لبكرة!.
قلت: مالك نفس.. ولا ما تبيهم يسألونك عن زوجك.. او ان اصح القول.. طليقك!.
ناظرتها وهي تنزل راسها وتضغط على يدها.. رفعت راسها وقلت: ما ينزل راسك وانا اخوك!.. ومنتي اول وحدة ولا بتكوني الاخيرة.. تتطلق من زوجها.. يلي ما يحافظ على الجوهرة يلي معه.. ما يستحق تكون بين يديه.!.
ضميتها وانا اشوف دموعها تنزل.. وماهي قادره تتكلم... هي ضعيفة بفطرتها.. وما تاخذ حقها.. وهذا يلي اتعبني فيها.. على عكس اخواتها.. ونحن في عالم.. القوي ما يرحم الضعيف.. سمعتها تقول: اذا سألوا عنه ايش اقول.. اقول ماعدت زوجته.. تطلقنا من خمسة اشهر!!
تنهدت وقلت: اذا سألوا عنه قولي! علاقتنا انتهت وما اتفقنا.. والنصيب بيننا كمل.. وهم بيفهموا!
ردت: بس ما اقدر اتحمل نظراتهم.. وكلامهم.. بيقولوا انا الغلطانة.. اكيد ما تحملني وطلقني!.
مسحت على ظهرها وقلت: تذكرين يوم ما اجيتي عندي.. وقلتي لي.. ما ابيه ابي انفصل عنه.. وقتها قلتلك ايش السبب.. قلتي النصيب كمل.. وانا وافقت وكنت ناوي ثاني يوم اروح اكلمه.. رحت لعنده.. وهو يلي بدأ بالكلام.. وقال انه يبي يتطلق..
يعني انتي يلي طلبتي الطلاق اول... انتي يلي قلتي ما ابيه.. مو هو..
بعدت عني وهي تمسح دموعها وتقول: ولكن المجتمع يعتقد دائماً.. ان الانثى اذا تطلقت.. معناه انها هي الغلطانه.. ما حافظة على زوجها.. يعني زوجها ما تحملها وطلقها.. ما يقولوا هي يلي ما تبيه!!  هو يلي كان يأذيها..
تنهدت ادري في قلبها حزن وحزن كبير.. ولكن بطبعها كتومه.. قلت: هذي عقول الناس المختلة.. ومهم تكلموا وزيدوا في الكلام.. صدقيني كلامهم ما بيغير اي شي.. فترة وتعدي.. بس انتي كوني قويه مثل اول.. لا تخلي كلامهم حجر فوق ظهرك.. خليها حجر تحت رجلك.. واجهيهم ولا تخافي من شي وانا اخوك.. سندك بهذي الحياة..
قالت: إلهام عارفة بالموضوع!
هزيت راسي بلا: ماهي عارفة.. ولكن لازم تعرف بما انها صارت من العيله!.
سكتت وما ردت وقلت: بكره روحي العزومه وراسك مرفوع.. ما سويتي شي غلط.. واجهي خوفك.. وبعدها واجهيهم تمام يا سمر..
ناظرتني وهزت راسها وهي مترددة.. ابتسمت وقبّلت راسها وقلت: تبي شي!! قبل ما اروح!.
هزيت راسها: سلامتك!.
قلت: تصبحي على خير..
ردت: وانت من اهل الخير!
خرجت بهدوء.. ورحت لغرفة سحر بأخذ إلهام حييل مشتاق لها.. واذا كانت هي كارهتني وما تبي قربي.. دقيت الباب.. ودخلت ابتسمت من شفتها نايمه.. تقدمت وسمعت سحر تقول: حُسام ترا إلهام قالت ما ابغى انام بغرفة حُسام المعفنة.. وعع ما طقتها وما حدخلها..
ابتسمت بضحكة وهي تحاول تقلد لهجة وصوت إلهام.. وعارف انها تكذب لان إلهام ما بتقول كذا لاي احد إلا لي انا.. ولان إلهام ما تقول حُسام.. حتى لما قلت بقول حُسام نقطة وانتهى.. ما نادتني إلا بسّام.. يمكن لانها تعودت وهذا احسن.. حملت إلهام وقلت: ما اظن إلهام تقول هذا الكلام!.
قالت سحر: اذا ما تصدقني.. الدليل قدامك نامت بغرفتي..!
ناظرت إلهام يلي حركت راسها وهي بسابع نومه.. وابتسم قلت: يمكن لانها تخاف تنام لوحدها نامت هنا!!
شهقت وقالت: مسرع قالت لك انها تخاف..
ضحكت بخفه لاجل ما اصحيها وقلت: زوجها واكيد بتقولي..
حكت راسها وحست انها غبية وقالت قمر: اخوي تراها تكذب.. وقالت إلهام اذا اجى اخوك صحيني!!
هزيت راسي بايه وخرجت بهدوء.. وطلعت جناحي.. اعرف ان سحر غارت من إلهام ولكن ما تبين هذا الشي.. غارت لانها شافت إهتمامي لإلهام.. لانها هي كانت دلوعة البيت وإهتمامنا فيها هي لا غير.. واجت إلهام وصرت اهتم بإلهام.. فهذا الشي خلاها تغار.. وما بينت ولكن انا اعرفها ربيتها انا.. يلي ما تعرفه اني إهتم بإلهام من وهي صغيرة.. وكان اهتمام مخفي.. ولما تزوجتها ظهر هذا الاهتمام!! وان شاء الله بكلمها وبمحي الغيره.. لان الغيرة تجيب الحقد والكره بين الاشخاص.. حطيتها بهدوء لاجل ما تصحى!! وتمددت عندها.. محلاها ناظرت لخصلات شعرها.. يلي على وجههاا.. مديت يدي وبعدت قباض الشعر.. ضميتها لصدري! ابي اروي روحي العطشانه.. استنشقت اكبر قدر من عبيرها وبعدها نمت...
فتحت عيوني وناظرت لحضني وما كانت موجودة.. بسرعة رفعت راسي للكنب.. وكانت حاطة راسها بالكنبه.. وجسمها بالارض ونايمه.. من ثاني يوم زواجنا.. وهي تنام بحضني.. او ان اصح القول انا انيمها بحضني واصحى والاقيها نايمة على الكنب.. تنهدت وقمت اتوضى واصلي.. بعد ما انتهيت من الصلاة.. رحت لعندها وجلست ناظرت لوجهها وبعدها قلت: إلهام صح النوم.. إلهام!.
فتحت عيونها بازعاج وناظرتني وقلت: ما اظن نوم على الكنب اريح من صدري!!
قلبت عيونها وقالت: كم الساعة دحين؟
قلت: سبعة..! قومي صلي!!
رمقتني وقالت: صليت زمان.. مو متل بعض ناس نيام..!
رفعت حواجبي على كلامها وقلت: وليش ما قومتي هذي الناس النايمة..! ما تعرفي انك اخذتي اثم!
فتحت عيونها بصدمه وقالت: كيف اخذت اثم!
قلت وانا امد شعري لشعرها: يعني يا حلوة.. كان المفروض تقوميني.. دامك سمعتي الاذان.. لاني انا مرفوع عني القلم دامي نايم.. وانتي يكتب عليك.. فكان لازم تقوميني!.
قالت بصوت باكي: والله... ما كنت ادري.. والله العظيم.!.
استغربت صوتها الباكي ضميتها وانا اقول: إلهام.. خلاص خلاص حصل خير!.
رفعت راسها وعيونها مليانه دموع: يعني دحين ربي بيعاقبني!!
ضميتها.. ما تحملت دموعها.. تنهدت وقلت: ربي رحيم وما بيعاقبك..! ولكن انتي لا تعيدي الخطأ!!
هزت راسها وقالت: تمام تمام!! ما بعيده!.
ابتسمت وقلت لاجل اخرجها من هذا الجو: ما عرفتك بكايه.. يا إلهام!.
مسحت دموعها وضربتني بخفه على صدري وقالت: انا ما ابكي!. يا دووب!.
ضحكت وقلت: والدموع يلي شفتها..
بعدت عني وناظرتني وقالت: هاا وين الدموع.. ما في انت بس تتوهم..
قربت وجهي من وجهها وقلت: وليش عيونك حُمر!.
رمشت اكثر من مره وقالت: يمكن.. يكون دخل فيهم شي!!
قلت: مثل ايش دخل!.
كشرت وقالت: اوووف بسّام يعني ضروري تاخذ دور المحقق!!
ضحكت وناظرتها بحب.. احبها يا ناس احبها.. قربت بهدوء وضميتها لي.. وحمدت ربي انها صارت لي.. قلت: لو تدري يا إلهام ايش يلي بقلبي..
بعدت عني وقالت: ما ابي اعرف!!
مسكت يدها الصغيرة.. وقلت: إلهام.. ابعدي عن اسماء..!
صغرت عيونها وهي تقول: ايش بكم!! عليها انت واختك سحر... الصراحة من جد اشفقت عليها!
ضحكت.. كنت اظن بتسأل من ذي اسماء.. ولكن طلعت اختي تكلمت بهذا الموضوع قلت: ليش ايش قالت عليها!.
تنهدت وقالت: قالت انها متكبره ومغروره.. وما تبيني اقرب منهم!.
ابتسمت وقلت: اية ذي حبيبة اخوها...
قالت بشك: هي ما تحبها لانها مغروره ومتكبرة.. طيب انت ليش تبغاني ابعد عنها..! ولا ليكون حبيبتك وما تبيني اعرف!!
قالت اخر جملتها بسخرية.. ابتسمت وقلت: ليش في احد بقلبي غيرك!.
قلبت عيونها وقالت: لا تسوي نفسك العاشق الولهان..
شبكت يدي بيدها وقلت: انا ما اسوي نفسك!! انا فعلاً عاشق وولهان بك!.
بعدت يدها وقالت: بطل تكون عاشق وولهان... لاني ما احبك!
قامت وقلت: صدقيني بتحبيني وقريب!
وقفت والتفتت لي: بصراحة الثقة عجبتني!! ولكن اقولك لا تحلم حتى!.
ودخلت الحمام.. تنهدت بهدوء وقمت نزلت تحت ما شفت احد عادهم ما تجمعوا.. رحت غرفة سحر دقيت الباب والحمدلله كانت صاحيه!! دخلت وقالت: صباح الخير!.
ابتسمت وقالت: صباح النور..
جلست بالكنبه وقلت لها: سحر تعالي بكلمك!.
قامت من السرير وجلست عندي مستغربة قلت بهدوء: سحر إلهام مثل اختك الصغيرة.. وابيك تهتمي فيها!!
قالت بهدوء: ايه صح مثل اختي.. ولكن مو الصغيرة ما بينا إلا سنتين!.
ابتسمت قلت لكم انها تغار ولكن مخفيه هذا الشي!! قلت: سحر انتي تحبي إلهام!.
ناظرتني وقالت: ايه.. ليش!.
قلت: ايش تحبي فيها.. احسها تغار منك!!
ناظرتني بصدمه: كيييف.. لا لا مو معقول تغار.. وبعدين من ايش بتغار!!
قلت: يمكن لما شافتني اهتم فيك.. غارت!.
قالت بانفعال: لا والله.. اصلاً انت تهتم فيها اكثر مننا كلنا.. حتى انا!
قلت وكأني منصدم: انا اهتم فيها كثير ..!.
هزت راسها وهي تقول بتاكيد: والله انك تهتم فيها.. وفي كل شي.. متى تصحى متى تنام.. ايش تحب.. وايش تكره.. كل شي كل..!
قلت: ليكون تغاري!
قالت بانفعال: ايه اغار.. هي مالها شهر متعرف عليها.. ومدلعها اخر دلع... ومهتم فيها.. ونسيتي انا!.
قلت بهدوء: سحر!.
ناظرتني بصدمه وكأنها استوعبت ايش قالت.. نزلت راسها وقالت: اسفة اخوي!.
وكانت بتقوم.. ولكن مسكتها وحضنتها.. قلت: شوفي يا روح اخوك!.. اهتمامي فيك وحبي باقي باقي مثل ما هو.. انتي دلوعتي واختي الصغيرة.. ولكن إلهام زوجتي ولازم اهتم فيها.. هي جديدة بهذي العيلة ولازم تلاقي الحب والاهتمام ماهو بس مني مننا كلنا... لك اهتمام ولها اهتمام ثاني.. وانتي غرتي لانك كنتي الوحيدة يلي اهتم فيها لان اخواتي متزوجات.. حتى بعد ما تطلقت سمر.. اهتم فيك اختي الصغيرة انتي انا ربيتك.. فاكيد منزلتك بقلبي غير!. ومثل ما قلتلك إلهام فرد جديد بالعيلة.. واهتمامي فيها شي طبيعي.. ومنزلتها بقلبي كمان غير.. وهي مثل بنتي.. وانتي عارفة فرق العمر بينا..
قلت اخر جملتي بضحكة... ضحكت وهي تمسح دموعها قالت: بس مناسبين لبعض!.
ابتسمت وقلت: المهم ابيك تبقي جنبها.. وابعديها عن اسماء!.
هزت راسها وقالت: ان شاءالله!.
قلت: وترا إلهام تحبك.. وما تغار منك.. و..
وقبل ما اكمل كلامي.. فتحت إلهام الباب وهي تقول: صح النوم يا كسوله!؟
عقدت حواجبها!. وهي تشوفني وقالت: انت إيش جابك هنا..!
ضحكت سحر وقالت: بس شكلها بدأت..
ضحكت لما فهمت قصدها.!. وقالت إلهام وهي مكشره: انتوا ليش كلكم تتكلموا بالالغاز!. وانت ليش ما جاوبت على سؤالي!.
قالت سحر تبي تقهرها: خير اخو اجى يصبح على اخته.. وين المشكلة وبعدين تراه اخوي تمام..
ردت إلهام: وع.. والشرهه علي انا اجيت بوريك الفستان.. وبعدين تراه زوجي بعد اذا خانتك الذاكرة!.
ابتسمت بدون شعور يوم قالت زوجي.. طلعت الكلمه حلوة منها.. مسكت يدي سحر وقالت: تراه اخوي قبل ما يصير زوجك!.
ضربت رجلها بالارض وقالت: لا زوجي قبل ما يصير اخوك..!
ضحكت سحر وقالت: شكلك انتي يلي ذاكرتك تخونك.. قال زوجي قبل ما يصير اخوك!.
ناظرتني إلهام وهي مقهوره: بسّام شوفها علي!.
اخخ من نظراتها.. يلي بتجنني قهر وبراءة.. وزعل وكل شي.. قمت لعندها وحضنتها من كتوفها وناظرت لسحر وقالت: إلا إلهام ترا ما اسمح لك.. تزعليها..!وانا زوجها قبل..
ابتسمت إلهام وطلعت لسانها لسحر.. قلبت عيونها سحر وقالت: اسمه حُسام اولاً وثانياً اخوي اخوي قبل ما يصير ازوجك.. وهذي الحقيقة!
حضنتني إلهام وقالت: هو قالي اناديه بسّام هذا اولاً وثانياً هو قال انه زوجي قبل !. ناظرتني وقالت: صح بسّام!.
ناظرتها بحب وقلت: ايه يا عيون بسّام!!
ناظرت لسحر ورفعت حواجبها تقهر سحر: شفتي!.
كشرت سحر وتقدمت سحبت إلهام من حضني.. تمنيت انها ما بعدتها.. وقالت: تعالي خليني اشوف فستانك..
ضحكت إلهام بانتصار وقالت: تراه زوجي عادي اذا حضنته..! لا تغارين!
ردت سحر: اقول امشي امشي!.
وبعدها اختفت اصواتهم.. تنهدت وغمضت عيوني..! وابتسم وانا اتذكر تفاصيل الدقايق يلي مرت!! اجمل دقايق في حياتي.. إلهام ثلاث مرات تقول زوجي.. والادهي يوم حضنتني.. صح تبي تقهر سحر وسوت كل شي بعفويه.. ولكن لمست قلبي كل حركه وكل كلمه!. ربي يخليهم لي.. ويبعد عنهم الحسد والحقد.. ويكونوا احبه دائماً!!