تار الحب ✨

bart(6)

bart(6) ✨روايه تار الحب
riwayat_ar_
(يوم الخميس)
ساعة سبعة صبح
(عند أهل راما)
ناضت راما جهزت نفسها هيا وجنى وليلى ومشو للمزين اما باقي البنات قعدو برتبو وبيلودو علي رواحهم في الحوش
سناء كانت تبكي أنه بنتها كبرت وبتتزوج وفي نفس الوقت قلبها مش متريح قلب الام يحس
(عند راما)
راما: اف ياجني خايفة
جنى : من شني
راما: تستعبطي كيف من شني
جنى : مه في زوز
راما: شني لي زوز
جنى: يا اما العيب يا اما العداب 😉😂😂
راما : جننىىى بلا تسهويك ندوي بجد
جنى : حتى اني ندوي بجد
راما: الحق فيا مش فيك
جتهم ليلى
ليلى: هي نوضي راما دورك وتو نمشي اني وجنى للمطعم نجيبو ماكلة
راما وجنى : تمام
مشو جنى وليلى للمطعم وراما بدت في المكياج
تعالو نشوفو أهل وسيم شن يديرو
( عند أهل وسيم )
ساعة 5:30
كلهم خاشين في بعضهم لي دير في شعرها ولي دير في مكياج. وسارة كانت تلود علي الماكلة وصالة لانه سارة سبقتهم للصالة هيا واسماء بنت عمها وحنان كانت قاعدة معا العيلة بيش بيمشو كلهم جميع
(عند وسيم)
كان هوا وأصحابه في الاستراحة يوتو فيه ومدايرين جو لاكن وسيم كان زي عادته ناقر حواجبه وماعنده خلوق لي حد
(تسريع في الاحدات)
مزينة : كملنا يا عروسة
راما : صحيتي
مزينة : العفو يا غزالة طالعة الله يبارك مشاء الله
راما : تسلمي عيونك الحلوات
مزينة : هي تشوفي روحك
راما: اي
شافت راما في المراية مكياج نضيف ومرتب شعرها طويل تاج مطلعها ملكة الفلو كأن ملكة ماشاء الله بجد قعدت دمعتها في عينها كانت تشوف في روحها كيف طالعة جميلة كانت متمنية لحظة هادي معا شخص لي يختاره قلبها شخص تحبه ويحبها مش واحد مهددها بي أهلها رفعت ايديها ودعت يارب يارب كون معاي
خشو جنى وليلي علي راما
جنى وليلى مصدموات من جمال راما كيف طاعلة جميلة
جنى: احي ملكة كاني ولد راني خطفتك🙂😂
ليلى : اي تهبل طالعة 🥺
راما ماكنتش مركزة معا حد لانها كانت تفكر وشعوراخي عارفة شعور انك بتنزفي لي شخص ماتعرفيشي وكارهتيه وفجاءة في يوم وليله لقيتي روحك عروسة وبتنزفي لي شخص انغصبتي عليه شعور اخيي
جنى: ايوا وين مشيتي
راما: اهه لالا قاعدة
جنى: هيا خالك برا اطلعي انتي وليلى تو نحلقكم اني وماما
راما: لالالا بالله تعالي معاي
جنى: مانقدرش ماما بتخطم عليا
ليلى: اي عادي تعالي بابا بس ره
جنى : تمام هي خل نكلم ماما
راما :تمام
ليلى : هي انتي البس كابك وهاتي عنك الباقة وكندرتك ارميها بتعبك تو وين تنزفي تلبسيها هاك البسي شبشب😂
جنى: اي صح 😂
راما: 🤦🏻‍♀️😂
ركبوا راما وجنى من الخلف وليلى من القدام كانت راما حابسة دموعها وطول طريق وهيا ماسكة في يد جنى خايفة خايفة من كل شي وكانت كارهة كل شي وصلو لي صالة خشت راما طول لي الغرفة لابين مايجوالمعازيم كلهم وأما ليلى قعدت تستقبل في ضيوف وتلود هيا وجنى والبنات وخالاتها
جنى كانت راكبة لي راما لاكن قالت خل نركب خالتي سناء تشوف راما : خالتي هي تعالي شوفي راما
سناء: حتى اني نبي نمشيلها لاكن عارفة روحي بنبكي وبنبكيها
جنى: ياروحي خالتي عادي عادي لازم تركبي تشوفيها تقري عليها طالعة زي القمر ماشاء الله
سناء: تمام
ركبو سناء وجنى لي راما
أما راما طول اسبوع عرسها وهيا تفكر وتفكر وتو زاد تفكير والخوف اكتر وفي نص تفكيرها طق الباب
راما : تفضل
خشت سناء وجنى
سنا: بسم الله مشاء الله بنيتي طالعة زي الغزال ياروحي كبرتي وقعدتي عروسة اخخ حضنت راما وقعدت تبكي أما راما دمعتها في عينها لأنها عارفه لو بتبكي خلاص معاش بتسكت
كانت جني تراقب في المنضر ودموعها في عينها
جنى: خلاص بتبكوني معاكم ومكياجي بيخرب
سنا وراما: 😂😂
جنى: اني بننزل نشوف المعازيم اها اي ره أهل العريس نصهم جاي من بكري ونصهم قاعدين يجو والمعازيم تقريبا معاش مزال هلبا
سناء راما: تمام
بجديات جنى كانت كأنها وحدة من العيلة صداقت جنى وراما وام جنى وام راما قوية تهبل❤️.
طلعت جنى وخلت راما وسناء
سناء: ماشاء الله هاك خلي المصحف هادا معاك عن العين
راما : ماما زيدي احضنيني
سناء: ياروحي اني ره غدوا جاياتك وانتي بتجيني
راما : حضنت أمها ومش قادرة خلاص شوي تاني وبتنهار
جتهم جنى مرة تانية
جنى: مشيت وجيت وانتن قاعادات هكي هيا عاد تو غدوا تجيها يا خالتي ووتجيك نفاخة بنتك مش رح تخليك 😂💞🥺
بعدت راما عن أمها ووقفت ضحكت علي جنى
سناء : تمسح في دموعها اني بننزل كان قعدت اكتر من هيك بنتي ناخدها ونخليكم
ضحكو راما وجنى وطلعت سناء
جنى: اف يا راما خلاص عادي افرديها شوية شوفي من ناحية تانية
راما متعصبة : اما ناحية هاااا اما ناحية شن تقولي انتي تي اني بننزف لي واحد مانعرفاش ومانعرفاش علاش يبي يتزوجني تي كيف حسي بيا مش كل شي جمال وفلوس رههه
تي خطف خوي خطففف خوي بيش نوافق اكيد وراه مصيبة اكيدددد
جنى: تمام اهدي خلاص ماقصدي شي اني كنت نبي نخفف عليك
راما خدت نفس قوي : تمام يا جنى اعصابي تالفة مش قادرة نتحمل شي
جنى: تمام اني بنطلع
راما: اففف اففف يا جنى مش قصدي والله
جنى : لا لا عادي مازعلتش شوية ونجيك
راما: تمام وأسفة كان زعلتك
جنى: لالا عادي وطلعت
________________________
تعالو نشوفو العريس
صحابة فرحانين ويبصرو وشايشين الا هوا كأنه في عزي مش عرسة قارن حواجبة ولي يباركله يرد عليه براس خشمة ماحدش عدل عليه لانه معروف وسيم شخصيته هكي
لاكن في نفس الوقت ماكانوش يعلمو بي الاسرار لي خلاته هكي ....
______________________
نزفت راما والكل كان مبهور بيها وبي جمال فيلوها ومكياجها وفي لي كان حاسد وفي لي فرحان وفي لي عادي مش معدل بكل وبدي جو كانت راما تبتسم بسيف ماتبيش تحسس حد الإ سارة وحنان وجنى كانو عارفين تعشو المعازيم وهيجو وجي وسيم بيروح بي راما اول ماسمعت راما المنشطة قالت ألبسو العريس بيخش خافت كأنه حد صب عليها مية ساخنة قعدت ترعش شعور اخييي خش وسيم لي كأن جميل و البدلة الرسمية لي زايدة جماله كل العيون عليه علي هيبته وشكله كانت العيون علي راما ووسيم خش وسيم خش نادا سارة
جاته سارة
سارة : نعم
وسيم: ساعديها
سارة: ككيف
حست حنان أنه في شي مشتلهم
حنان : شنفي
سارة : ماما وسيم يبيني نطلع راما
حنان : عيب يا ولدي انت خشيت خشيت عل اقل ساعدها لابين ما تختفو عن عيون المعازيم
وسيم : غير لأني خشيت كنهادا حتى شبح ماشبحت فيها
سارة : في سرها اي بكل 😂
وسيم : قلتي شي
سارة : لالا سلامتك عروستك تراجي
مد وسيم يده لي راما لي كانت تتمرعش
وسيم: هاتي يدك
راما: لالا عادي نقدر نوض هي
وسيم: هاتي يدك وفكينا من كتر دوة
مدت راما يدها مسكها وسيم اول مامسكها راما انتفضت وكان توتر باين عليها لبست الكاب وطلعت هيا وسيم مجرد ما اختفوء عن انضار الموجدين طلق وسيم يده
راما: حقير
وسيم: نعمم
راما: لالا شي قلت الفيلو تقيل
وسيم:ماعدلش عليها وركب
قعدت راما حاصلة في الفيلو لين واخيرا قدرت تركب
طول طريق ساكتين ماينسمعش كان صوت نفسهم
اول ماوصلو الحوش ونزلو...........
riwayat_ar_