تار الحب ✨

bart(4)✨

bart(4) ✨روايه تار الحب
riwayat_ar_
(يوم السبت) ساعة12 ظهر
(عند أهل راما )
راما : ماما بالله قوليلهم يجو سبوع جاي
سناء : يابنيتي ناس مستعجلة تحشمت نرفضهم
راما : ياماما مش جاهزة اني
سناء : عادي يابنيتي انتي غزال مش لازم بري لودي علي روحك من تو
راما ماحبتش تكتر دوة وخدتها من قصيرها تمام
سناء : خلاص اني ومحمد بنطلعو بنشرو الحاجات تطلعي معانا
راما: لالا بنقعد عندي هلبا حاجات يبو دير
سناء : تمام
طلعو محمد وسناء  وقعدت راما بروحها
راما : خل نتصل بيه نشوفه شني هادا  خدت راما هاتفها وبتتصل بي وسيم
(عند وسيم )
حنان : كلمتها ياوليدي وقاتلي تفضلو
وسيم :تمام
وقاطعهم صوت الهاتف يشرين
ترن ترن ترن ترن ترن ترن ترن
شاف وسيم هاتفه وعرف أنه راما تتصل رد وسيم
راما: ايوا
وسيم : تفضلي نعم
راما : شني لي صاير
وسيم طلع من بحدا أمه
وسيم : شنهوا لي صاير
راما : اخخخخ اسمع ماتجوش غدوا
وسيم : عندك شي مهم بتقوليه ولانسكر
راما غاضت من أسلوبه المستفز وماقدرتش تشد روحها 
راما: اسمع اني مانبيكش افهم مانبيكش انت لي ضغطت عليا وجبرتني نوافق
وسيم: اي به خلاص واني غدوا جاي بنخطب وسكر
راما: ححي مصح وجها  اففف مستفز
(عند محمد وسناء)
محمد :  امي شني مزال
سناء : هي شوية بس
محمد : تمام
كملو شري الحوائج. وبيروحو 
عند وسيم
وسيم: تي نضملي الأمور الفترة جاية مش ح نكون فاضي
يوسف :  تمام
يوسف:اخخ بس ياوسيم نبي نعرف علاش شن دخلها البنت هادا شي صار بين بوها وبوك ووو قاطعة وسيم
وسيم : ماااحددد دخله اني نعرف شن ندير  ومعاش تجبده الموضع تمام  واني اكتر من مرة قلت ماحد يتكلم عليه خلاص اني قررت نتزوج شن فيها
يوسف :  تي انته صاحبي من لما صغار ونعرفك كويس ماديرش روحك انك تبي تتزوج
وسيم : ييوسسفف شن قلت اني
يوسف : تمام به خيرك غضت 😒
وسيم : 😒😒
(عند راما )
راما : خل نتصل بي جنى  خدت راما هاتفها بتتصل بي جنى
راما : ايوا
جنى انعم
راما : خل نقولك
جنى:شني
راما : بيجو غدوا
جنى: منهما
راما : اههخ من غيرهم
جنى : حي قصدك أهل الولد المز هداكا
راما : مز  عينك اي هما
جنى : اسمعي  تبي الحق ولا ولد عمه لولد مز  وفلوس ومش ناقصة شي
راما : ناقصه ادب واخلاق وأسلوب وبعدين ماتنسيش أنه خطف محمد بيش نوافق
جنى : اي حقة نبي نسال وننسى هوا علاش يدير هكي وراه حاجة
راما : اي واضحة  لانه مستحيل يكون يحبني وراه حاجة ونبي نعرف المهم بيش تجي غدوا
جنى : تمام تو نشوف علي خوي
راما خلاص تمام ماما ومحمد طلعو يشرو فرحانين ماحد يعلم بي ضيقتي كان ربي
جنى : مصحك واني شندير هنا المهم مضايقيش روحك ونوضي ياحنة لودي علي رويحتك
راما : مخاطريش
جنى: ححي مصحك تنوضي ولا ننقز من الهاتف نقتلك🤣
راما : تمام هي 😂
جنى : هي سلام
سكرت راما من جنى وناضت لادت علي الحوش وخشت بدوش
(عند أهل وسيم )
سارة : ماما يا ماما
حنان : نعم وانتي تعيطي من بعيد
سارة : جت قعمزت بحدا حنان اسمعي تو زعما البنت حلوة
حنان : بسم الله شن خطر عليك
سارة : مش عارفة واني نوتي في دبشي  قعدت نفكر
حنان : لا حول الله نوضي نوضي وتي  الغدي خوك شوي وجاي وبعدين خيرك توتي فيه من تو
سارة : حماس 🤣
حنان : به نوضي خير ما نوريك الحماس  زين 🙂
ناضت سارة توتي في الغدي وروح وسيم للحوش وتغدو  وخش بيرتاح 
(عند أهل راما )
راما تغسل في الماعين محمد تغدى ورقد سناء ضم وتوتي في الحاجات
ومشي اليوم عادي علي ابطالنا ونفس روتين
(يوم الاحد  ساعة 7 ص)
ناضت راما توتي في روحها بتمشي للمدرسة وناض محمد حتى هوا  خل نشوفو بطلنا شن يدير
وسيم مارقدش من أمس من تفكير والخدمة  ومحتار هل لي يدير فيه صح ولا غلط وكان حاسس بين أفكاره ومن تعب قاعد راقد
(في المدرسة  )
راما : افف ياجنى مانبيش تخيلي انك تنخطبي لي شخص ماتبيشي وماتعرفيشي اصلا ووراه مصيبة اكبر من رأس وليد😂
جنى: اي والله صح كلامك بس ماتنسيش أنه ممكن يكون كويس
راما : بالله وين الكواسة هادا خطف خوي وكان يلحق فيا وهددني وتقوليلي كويس
جنى : افف به بلا نكد انسي خل نرتاح من هم دنيا ولو شوي
راما: اخخ تمام بس تعرفي في شي فداخلي مرتاح مرتاحة مش عارفة كيف
جنى ': صدقيني وها نبصم بي العشرة أنه شخص كويس وح تحبيه
راما : فعينك وهي نوضي تحركي رن جرس
ناضت جنى وخشن للفصل   
عند محمد
محمد : تي ضم فمك شن تقول انت وهوب صارت عركة بين محمد وولد ووصلت لي الإدارة خشو محمد وولد لي الإدارة واتصلوا بي سناء جت سناء روحت بيه وطول الطريق وهيا تهزب زفيه
روحت راما من المدرسة روحت معاها جنى بيش تساعدها وقعدت جنى وسناء يلودو علي الحوش ويوتن أما راما كانت مضايقة وتبكي في الغرفة مش عارفة شن ادير وهل  ح  تعرف تعيش معاه وبين تفكير  خشت جنى علي راما
جنى: حيي مصحك وجهك لي رايح كيف طنجرة المحروقة ماوتيتيش روحك لاتو وتبكي 
راما : جنى ترا فكيني ماعنديش خلوق
جنى فتحت دولاب وقعدت دور في قفطان بسيط وحلو 
جنى : ترا ضمي فمك خيرك مانقتلك اووففف جمال القفطان
شبحت راما لي جنى وهيا تقول في داخلها كنت متمنية أنه يجي اليوم  هادا مع شخص لي نحبه ونكون فرحانة بس صار العكس
جت  جنى مسكت راما
جنى: هي نوضي دوشي بسرعة ناس شوي ويوصلو طلعتلك القفطان لابين مادوشتي نطلعلك الاكسسوارات والمكياج هي تحركي بسرعة
راما: افف ياجنى مانبيش
جنى: راما نوضي دوشي خير مانادي عمتي سناء 
راما: اخخخخ ياربي  وخشت راما للحمام بدوش
وقعدت جنى توتي في باقي الحاجات
عند أهل وسيم
حنان : شني يا سارة كملتي
سارة:تتكلم من دارها  اي هي شوي بس
حنان: تمام هي اني خل نمشي نشوف خوك
سارة : تمام باهي 
كان وسيم واقف قدام الروشه يفكر هل شي لي يدير فيه صح ولا لا كان الانتقام عامي عيونه بس في نفس الوقت قلبه يقوله لا مادخلش بنت برية تكون ضحية ... وقاطع تفكيره صوت الباب
حنان:  شني يا وسيم كملت
وسيم : اي نراجي فيكم
حنان: كلمنا مزال اختك شوي بس
وسيم: تمام
حنان:  وسيم
وسيم: نعم
خشت حنان قعمزت علي الكنبة
حنان : اسمع  ره المرأة مرات ترفض
وسيم:  نعرف
حنان: به كيف راي اكيد ترفض
وسيم :  البنت بتوافق
حنان: كيف بتوافق
وسيم : مش مهم كيف المهم توافق ولا
حنان: والله ياوليدي ماعندي مانقولك كان ربي يهديك
وسيم: هيا شن نطلعو 
حنان : هي خل نشوف اختك وطلعت وهيا تمشي قعدت تفكر في مئة حاجة وصلت قدام غرفة سارة تنهدت  وطقت  هيا وقت
سارة : فتحت الباب هي وتيت
حنان : هي
طلع وسيم ووراه أمه واخته
(عند أهل راما )
طلعت راما من دوش لبست قفطان اسود بسيط طلع عليها يقتل واكسسوارات خفيفة ومكياج خفيف وطلقت شعراها جنى كانت معاها  في كل شي أما جنى كانت لابسة  قفطان ناعم  وبسيط جداً لونه احمر
وتو كل شي وقعدو يراجو في االضيوف طق الباب وناضت سناء بتفتح اول مافتحتت الباب انصدمت 😨.....
riwayat_ar_✨

طبعاً قاعدين ماريتو شي  جو والحماس ح يبدأ معا الحلقات جايات وانشاء الله تعجبكم