تار الحب ✨

تار الحب✨
الشخصيات*
محمد :اخ راما عمره 14سنة
سناء: ام راما
يوسف :صديق وسيم من لما هما صغار وزي الخوت عمره 27سنة
سارة : اخت وسيم عمرها19سنة
حنان : ام وسيم
شعرها طويل وعمرها18
البطل :وسيم شخصيته قوية ويحب يعاند وكلمتة ماتقعدش تنين يعني مسيطر اكبر واحد في العيلة وعليه جمال مش طبيعي عمره27
___________________________________________(خل نحكيلكم علي راما شوي قبل مانبدو راما كانت عايشة مع امها وخوها أما بوها متوفي  كانت عايشة حياةجميلة وبسيطة وهادئة معَ أهلها لين دخل علي حياتها شخص قلبهلها وماكنتش متوقعة أنه ح يجي يوم وتنقلب حياتها هكي تبو تعرفو مني شخص هادا وعلاش انقلبت حياتها تابعو رواية للأخير هي مانطولش عليكم)
_______________________________________
راما : باهي تو نشوف ماما
جنى: اي اقنعيها
راما : تمام
_______________________
جنى صاحبت راما قريبة منها هلبا زي الخوات
__________________________________

راما:ماما حبيتي انتي
ام راما : همم شن تبي
راما :ماما بنطلب منك طلب
ام راما:تكلمي شني
راما : جنى تبيني نجيها
أم راما : لا
راما : بالله ماما ارجوكك لي تبيه انديرهلك
وبعد محولات واقناع
ام راما : تمام باهي خمس دقائق ونلقاك واتية
راما : هي ليش خمسة دقيقتين ونوكن بحداك في سيارة
____________________________
(في حوش جنى)
راما :امم باهي شن تاني
جنى : اي المهم اني حطيته حضر خفت الحق
راما : حيي غبية
جنى: خيرني
راما غير كان كسدتي عليه شوية 😂
جنى : مصح وجهك بيش يهكرلي الايميل
راما : نبصر نبصر احسن مادرتي
المهم هدرزو البنات وغيرو جو وبعتالي روحت راما لي حوشهم وقعدن يهدرزن على الهاتف
____________________________
تاني يوم في المدرسة
راما : اي يا حنة هي سلام اليوم بنروح بروحي ماما مش فاضية هي بباي نتكالمو بعتالي
جنى : هي سلام وحضنن بعض
راما لاحضت أنه في سيارة قاعدة تلحق فيها بس ماعطتش الموضوع أهمية والمشكلة أنه مش اول مرة تلحقها "وهيا اول م طلعت من باب المدرسه ک العاده ف سياره تلحق فيها ما درتش اي اهمية و مشت على حالها للحوش"قبل ما توصل راما للحوش من ورا المدرسه جت سياره قدامها و بيبت بي القويه راما انصدمت و قلبها قعد يدق بي القويه و كانه السياره فيها حد بيكلمها بس ك عادتها راما قويه و ما بينتش انها خايفه فجأه نزل ولد شاب من السياره و كانت تقول ف داخلها شن يبي مني و كانت تشوف فيه و كانها اول مره تشوف حد بي جماله بس الولد كان ع عيونه نظره حاده و كان ف فما كلام راما جايه بتمشي و م ديرش اهميه الولد شدها و قاللها
وسيم : ""اول م نزل من السياره قال ف سره اهو بنبدا ناخد تاري يلي من قبل نبيه بس ف نفس الوقت يقول ف سره البنت هدي غير عن كل البنات جميله الجميلات بس كان كل همه يرد تاره و يقول يلي يبيه بعدين اسطاقض لروحه و شاف البنت بتمشي من قدامه مع انه كانو يشوفو ل بعض مشيلها و شدها من يدها و قاللها " عادي توقفي اشويه
راما : و انت شن تبي مني وانتَ مني حتى نكلمك
وسيم : اني ولد و جاي بنقولك كلمتين و بنتوكل
راما: وانت من تكون
وسيم: ني اسمي وسيم و نعرف انك انتي راما
راما : و من وين تعرف اسمي و عليش تبيني ...اي هي قول يلي بتقوله مش فاضيتلك
وسيم :جاي بنقولك ني نبي نتجوزك
راما :اول م سمعت الكلمه قرنت حواجبها و قاتله شنن قلتت و قعد وجها احمرر وضحكت ضحكة هزوة
وسيم: و الله ي راما يلي سمعتيه ني نبي نتجوزك و قولي لي اهلك بنجي بنتم فيك و كانك مش موافقه ف هدي مسؤليتك لانك ح تندمي و تشوفي شي ما عمرك شفتيه
راما : انصدمت و قعدت مصدومه و معاش عرفت شن تقول بس ركزت ع كلامه و كانه تهديد قاتله و كاني مش موافقه و مافيش نصيب شن ناوي ادير لانه واضح من كلامك انه تهديد
وسيم:والله باين عليك تفهمي ع طول ايي اني جاي بنقولك هالكلمتين انك يا تتجوزيني يا بنخطف خوك
راما : راح وجها احمر و قعدت تقوله ااااءااءء كيييفف قلت
وسيم :ضحك ضحكه خفيفه يلي سمعتيه اي بنخطف خوك
راما :قات ف سرها اكيده جاي يتيهوك و علاش بيدير هكي بيخوفني مش ح نصدقه قاتله برا دير يلي بديره م يمشيش معاي الجو هدا
"و فاتت و ضرباته بكتفها و تنهدت 'نفخت'
وسيم : قال ف سره ح نتجوزك ح نتجوزك و الايام بينا و لمى ضرباته بكتفها هو شد يده و ضغط عليها بقوه و ضغط علي سنونه و طارتله كيف كانت هك بارده و لا هامها الموضوع و قاللها بصوت عالي الايام بينا ي رااماا و ركب ف سيارته و هي كانت بعيده عنه مشي على السرعه و فات من جنبها بالسياره و بيب بالقويه و شاف فيها و مشي....
راما :مشت من جنبه و كانت تفكر و كانت حاسه في شي بيصير و خايفه كانت تقول هو فرخ مش ح يدير شي و كانت تقول ف هلبا حاجات في سرها و كانت ادور ف حل و سرحانه فات من تالاها وسيم و بيب بالقويه هي خافت و شافت فيه لقاته يشوف فيها التفتت و كانها م تعرفاش و لا هامها و وسيم مشي ف طريقه و راما روحت للحوش.....
وصلت راما للحوش دوشت وبدلت ومشت لي امها بيش تساعدها في الغدي تغدو وضمت وكملت خشت لي دارها رقدت علي سرير وقعدت تفكر في كل شي صار
راما: مني لولد لي بكري جاني وعلاش يبيني نتزوجه اكيد يتسهوك اكيد يتسوهك مستحيل يجيني بكل تقة هادي ويقولهلي في وجهي ( تنهدت راما وطفت الضي ورقدت)
____________________________
راما : اي وهكي صار لاكن اكيد يتسهوك مستحيل يجيني بكل هتقة يقولهلي في وجهي
جنى : لاكن ردي بالك منه كان تبيني نوصلك عادي خير ماتروحي بروحك
راما : لالا عادي اهوا الحوش قريب
__________________________
زي كل مرة طلعت راما بتروح لقت سيارة راما ماعطتش اي أهمية بس في داخلها خايفة وتقول هادا خيرة شن يبي وكانت خايفة بشكل بس ماتبيش اتبين
___________________________
جتها سيارة وقفت قدامها نزل منها شخص جماله مايوصفش ف عرفت راما أنه وسيم خافت راما بس مابتش اتبين
وسيم: اهلين اهلين
راما: لا اهلين ولا سهلين ترا نحي من قدامي
وسيم : مش ح نحول لين تردي اي ولا لا وننصحك توافقي لانه لو ما وفقتيش...
راما : شني لو ماوفقتش ح تقتلني ولا شني بزبط
وسيم : اي ممكن ولا مرات يصير شي اكبر من هكي واني قتلك أمس شن ح يصير
انصدمت راما بس بكل تقة وقوة شبحت فيه وقتله
راما : مش موافقة ومش ح نوافق وهي نحي عندي ماندير
وسيم شبحلها بنضرة حادة وتخوف وفي نفس الوقت أنصدم من جرائتها وقوتها
وسيم : تمام انتي اخترتي تحملي آمالا اني كلمتك بس ماتبيش تبي القوة هي تحملي وركب سيارته ومشي
راما قعدت واقفة مصدومة وخايفة
المهم روحت راما للحوش ونفس روتينها اليومي مافيش شي اجديد
_________________________________________
(عند وسيم)
وسيم : شن هالقوة لي عندها لاكن مش عليا كان مخليتهاش تبكي دم مايبدا اسمي وسيم🤌🏻.........
riwayat_ar_