دانييل بقا يشوفلو بحيرة:عزرييين التبلعيط اجددك هدا وين عرفت كيفاه طيحت سييليااا بجلالها ابابا تي السيد مذوبها بكلماتو ازح..علمنييي(شاف فسيليا اللي تبكمت تشوفلو ميتة بالحشمة وضحك):ههه شو كيفاه تبكمت تشفاي اول مرة كي قريب تلاصق فيا علاجالك الناس تجي من السفر غلبانة تلاقيها حبابها انا لاقاني مازن المكلوب على حبو ههههه
مازن:مكرة فيك على الأقل عندي حب مش كيفك يا باير
جان قاعد على جيهة:هي نعيا نحاول روحي نسكت بصح منقدرش يسما تبلعو وترجعو للصح ولا تخليونا نباتو مع هبالكم؟؟
ماهر:ههه عندو حق وين عادو رجالك امازن؟
مازن:راهم ربطوه لداخل كيما طلبت نتا
ماهر:مالا جات دالتي(خلاهم واقفين وفات لطوموبيل مازن اللي جاو فيها وجبد منها زوج قرع كبار تاع بنزين سريع الاشتعال ورجع عندهم)
جان:راح تحرقو صح؟
ماهر:وي..مكنتش نضحك هو خلا لينار بنتي وسط النيران وكن ماشي البطل تاعها عاونها كن راهي راحت وخسرتها...مالا راح يخلصها غالية ويتحرق بنيران ذنوبو وتخمامو الوضيع
هزولو بروسهم ايه وهو دخل لوين جليل مربوط فالكرسي لداخل وفاطن من ضرب رجال مازن
ماهر تبسم يشوف لحالتو فاشلة:وش احساسك ونتا فآخر لحظات حياتك؟؟
جليل:ههه مراحش تكون اللخرة مراحش نموت قبل منحطملك حياتك ونبعد بنتي عليك
ماهر ضحك وفتح بيدون بنزين وقرب يدور بيه ويصب:مرتي عمرها مراح تكون بنتك..مام فالأحلام مراحش تكون فاهم؟...ولا واحد راح يبعدني عليها ولا يبعدها عليا وعلى بنتها بلاصتها معااااناا
جليل:راح نشوفوها
ماهر:ان شاء الله...(كمل صبان داخل الحظيرة مفرغ القرع للزوج لثم ووقف اونفاص لجليل هاز فيدو علبة اعواد ثقاب):راح تتحرق فالدنيا قبل لاخرة (جبد عود وشعلو وبقا هازو فوجه البوص): وصلنا لنهاية الطريق..خلصت اللعبة اللي بيناتنا..خلصو الاعيبك التافهة...الى اللقاء وبصحتك لقاء خاوتك فجهنم
طلق هداك العود اللي خلا الحالة كامل تشعل وخرج يمشي براحة مخلي النيران تلتهم فروحها وفالحظيرة وراه..عند روحو خلص الشر وجا لوقت اللي يكمل حياتو في فرحة مع مرتو وبنتو..
سيليا وكامل بقاو شوي يشوفو للحريق وتبسمو براحة
سيليا:وأخيرا..وأخيرا كملنا هاد الحرب
ماهر:ربحنا يا أميرة المصائب ضك هنيلنا روحك هههه
سيليا:هههه داكور سيبون ههه من ليوم ورايح راح نكون عااقلة هههه
مازن:تعملي مزية بيسك بنتي لازم تكبر عاقلة يكفيني كيد أمها
ضحكو وشافو لبعضاهم بأمل وركبو طوموبيلاتهم راجعين لحياتهم وسط ناسهم ميرال مااتت وجليل مات خلاص خلص الشر اللي كان كل مرة يخرجلهم من الجنب ويفسد على حياتهم
YOU ARE READING
"اسيرة_لعبة_الماضي "باللهجة الجزائرية
Romanceاول كرو ليا بقلمي وافكاري وتعبي ممنوع النقل الا باذني "الدنيا خيبات...تعطيك الأرخص وتأخذ منك الأغلى ......تجعلك تثق وتخونك ......تجعل جميع الظروف جامعة لك بما ستحب وتتعلق ....لتتأكد من شدة المك عندما تاخذه منك ويصبح الماضي هاجسا بينك وبين ال...
#تتمة النهاية6
Start from the beginning
