لا حياة دون عائلة

الفصل السادس

وصلت نور و ملك إلى المنزل ليشاهدن مراد يخرج من العمارة قطبت نور حاجبيها بتعجب ما الذي يفعله مراد هُنا و هل يا ترى جاء لزيارتهم ...... لا أحد يعلم
لتقول ملك بحاجب مرفوع :
- هو بيعمل هنا ايه؟ .
تنهدت نور بحيرة قائلة :
- معرفش ..... خلينا نطلع أكيد أروى رجعت من الشغل
يمكن جه علشان يشوفنا .

- ههه يشوفنا ايه يا بنتي ده تلاقيه نسينا أصلاً ....
يمكن يكون جاي علشان حد تاني في العمارة و بعدين
إحنا مش عايشين هنا لوحدنا .

زفرت نور بتعب لتقول :
- مش وقت تريقة يلا خلينا نطلع .
صعدت الفتيات إلى الدور السادس حيث تقبع شقتهم الصغيرة لتقوم نور بالظغط على زر الجرس ليصدح صوت الجرس بالداخل ......
هرعت أروى إلى الباب تهُم بفتحه لتدخل كلاً من نور
و ملك لتبادر نور في سؤالها سريعاً :
- أستاذ مراد كان هنا .
اومأت أروى لها إيجاباً لتنظر نور إلى ملك قاصدة ( ارأيتي لقد جاء من أجلنا ) لتقلب الأخيرة عينيها بلا
مبالاة لتعود نور سؤال أروى :
- كان عايز ايه؟

- طيب أقعدوا الأول و انا هقولكوا .

جلست كلاً من نور و ملك لتقص أروى عليهم ما حدث
بداية من مجيئ مراد حتى مغادرته لتقول ملك بدهشة :
- أنا متأكدة أني أشتريت قهوة أمبارح.
نظرت إليها أروى بملل أهذا ما لفت نظرك في الأمر
لتقول ملك :
- ايه بتبصيلي كدة ليه والله اشتريت قهوة.
تنفشت نور بغضب تحاول السيطرة على زمام غضبها قائلة من بين أسنانها :
- ملك هو أنتي عبيطة ..... يعني أخذتي بالك ان ما كنش فيه قهوة و ما لاحظتيش أنه عايزنا في موضوع
ولا أنتي أخذتي بالك و بتستعبطي .
أبتسمت لها ملك بأصفرار قائلة :
- بستعبط .
________

على صعيد آخر في فيلا مراد الرفاعي يجلس مراد في
مكتبة بينما خالد يجلس في الكرسي المقابل له ....
ليهتف خالد بتساؤل :
- هو حضرتك عايزني في ايه؟ .
تنهد مراد بعمق  ليشبك أصابع يده بالأخرى من ثم يقول :
- عايزك تجهزلي ثلاث أوض (غرف) هنا في الفيلا و عايزك كمان تشوف لي أفضل مُدرسة لغة فرنسية.
قطب خالد حاجبيه بتعجب لِمن هذه الثلاث الغرف يا ترى و لِمن هذه المُعلمة
ليسأله :
- مش فاهم حضرتك الأوض دي لمين يعني !! .

- للبنات اللي أنقذوني .
قالها و بكل هدوء
لتتوسع حدقتي الأخير يردف مدهوشاً :
- و هيعملوا هنا ايه مش فاهم و عايزين ايه بالفرنسي.
شَرد مراد في الفراغ لبضع لحضات ليجيب و هو مازال
ينظر أمامه بشرود :
- هتعرف كل حاجة في وقته. 
_______

في المنزل

تجلس نور بصحبة ملك و أروى في غرفة المعيشة يتبادلن أطراف الحديث ......
-ايه رأيكوا نخرج النهاردة نتمشى.
نطقت بها نور بإبتسامة عريضة و هى تنظر إلى ملك و أروى تنتظر إجابة منهن لتردف ملك :
- ايوة عندك حق خلونا نخرج النهاردة إحنا ما خرجناش
قبل كدة مع بعض.
لتقول أروى بتفكير : 
-بس هنخرج نروح فين؟.
ليأتيها صوت ملك مجيباً :
- فيه جنينة (حديقة) قريبة من السوبر ماركت اللي بشتغل فيه خلونا نروح لها .... ايه رأيكوا؟ .