مراس الدعجاء

اعلان + مقتطفات 🔥✨

لا تستطيع أمساكها
ولا إبعادها

ليست بسهلة.. صعوبتها كالأحجية
في خصرها تخوض أصعب المعارك ولست بقوي للفوز

الليل في ظهرها والنجوم في مقلتيها
عميقة عينيها.. تُغرق البحَر نفسه بداخلها

لا تلتفت
غدارة .. ستطيحك ولن تلتفت

ان حاولت الابتعاد عنها ستختنق
فتاكة بطريقة بريئة

بريئة بشكل خبيث
خبيثة بـ لطف

طبيعية هي وستفتنك
كالسحر

قدرٌ محتوم لها .. والبحر سيكون لها
فما لها؟

✤—————————————-——-✤

مرات تندم أشد ندم على قرار تاخذة بدون تفكير
-أي مثل حالتي هسه، حزام الكاميرا ملفوف على رگبتي وواگفه بمكان أظلم بعيد شوي عن الشارع الرئيسي الفارغ بهالمكان.. شلون انثولت وأجيت؟؟؟

خلي أوصف الكم المكان، گدامي سيارات سباق تتحضر حتى تنطلق وانا شنو دوري؟ أصور ههههههههه شوفوا الغباء! لو أهلي يشوفوني بنص الليل طالعة اصور هالسباقات الغير قانونية أحلف الكُم رأسي يزين بوابة المدينة برحابة

اتچيت على الشجرة البعيدة عن الشارع، أكيد ابتعد قابل اريدهم يدوسوني وأموت !
قربت الكاميرا لعيني وزومت العدسة على مجموعة شباب يتهاوشون وانا بداخلي اتمنى اعرف الموضوع الي يسولفوه .. كون انُ اني اراقبهم من فترة واصور سباقاتهم بحماس وأنشرهم على حسابي

اكيد أغوش وجوههم.. محد يعرف منو اني ولا حسابي .. عبالكم ما تهددت؟ يوووه شگد مريت بهالسوالف بس محد يگدر يهدد شعره مني

وگفت من مكاني إبتعد من الشجرة شوية بهدوء لمكان أقرب حتى أصور، داهمتني صوت البريكات مال السيارة والتواير وهيه تنرسم بقسوة على اسفلت الشارع وبعدها أنطلقت السيارات ومعاها ركضت لـ مسافة آمنة وبديت التقط بعدستي كم لقطة

صوت السيارات أطرب مسامعي ونزلت العدسة أراقب السباق بحماس.. أصلًا محد يهتم لأهتماماتي طول عمري.. من يوم ما فضلت السيارة على اللعابات والباربي وأهلي غاسلين ايديهم مني .. ما يعني هذا أنُ اني مو أنثى بس هم أحب كُل شي بي حماس .. أهلي أختصروا السالفة بـ "المسترجلة" شلون ووين وليش؟ ما أدري