حب يعذب و يلذذ

البارت الرابع

خرجت نعمه من المطبخ مره اخري لتصدم بنغم فتشهق بفزع قبل ان تتدارك ذاتها

نغم : في اي يا حجه شوفتي عفريت

زفرت نعمه بقوه : اتخضيت صحيتي امتي و اخوكي فين ؟

نغم بغيظ : دخل يتخمد

نعمه بأستغراب فهي تبدو غاضبه من اخاها : مالك يا بت انتي اتخناقتي معاه

تنهدت نغم و هي تجلس و قصت علي والدتها ما حدث لتنتهي بصرخه بعدما جذبتها امها من اذنها : في حد يقول الكلام الي قولتيه ده يا بنت الغبيه

تركتها نعمه و هي تضرب بخفه علي ذراعها : بعدين ما انتي عارفه انه بيغير عليها

تنهدت نغم بضيق : اهو الي حصل يا ماما

تحمحمت بحرج : ماما اصالح صلاح ازاي

هزت نعمه برضي علي حنان اولادها لبعض : قومي خدي كريم و ادخلي دلكي ضهر اخوكي

دقات متتاليه ايقظته من نومه مره اخري لينظر لنفسه فقد نام عاريا تماماً فقط هذا الشورت الداخلي الذي يستره : مين بيخبط

حمحمت نغم : انا يا صلوحه

زفر بضيق فجسده متعب ولا يقوي علي ارتداء ملابسه ليسحب الغضاء فوقه و هو يسمح لها بالدخول

دخلت الي الغرفه و بيدها صحن صغيره مملؤ بالزيت : ماما قالتلي ضهرك واجعك اعملك مساج

ابتسم فهو يعلم انها تود ان يصفح عنها : بشرط

عضت شفتيها بغيظ : خير

صلاح : تلعبيلي في شعري كمان علشان انام

لمعت عينها فطلبه هذا يعني انه صفح عنها

اعطها ظهره لتكشف الغطاء علي ظهره دون رفعه كاملاً فهي واثقه انه عاري كما يعتاد دوماً النوم كذالك بدأت بتدليك ظهره

لتسمعه يقول بصوت مرتاح : انا اسف اني مسكتك من شعرك : بس انتي قليتي ادبك عليا يا نغم

نغم بحب : اسفه يا قلب اختك ؛ انت عارفني متسرعه حبه

صلاح : عارف يا حبيبتي علشان كده عديت مره و اتنين بس حسيتك استهبلتي فيها المره دي

ضغطت علي ظهره : خلاص يا صلاح قولنا اسفين

صلاح بتمتمه مسموعه : نغم ؛ انتي تعرفي اي عن الواد الي اتقدملك

ارتعشت يدها فوق ظهره ليشعر بها صلاح و يفتح عيناه سريعاً قائل بمغزي : شكل الموضوع كبير

سحبت نغم يدها سريعاً تبتعد خطوه : لا ابدا يا صلاح

اغمض صلاح عيونه بهدوء : مصدقك ؛ كملي و احنا بنتكلم ؛ ولا اقولك انا بردت كفايه اقعدي علي الكرسي الي هناك علشان نتكلم

غطت ظهره و اردفت سريعاً : طب اسيبك تنام و نتكلم بليل

صلاح بوعيد : هتستهبلي تاني هقوم اعجنك يا نغم ؛ و لو ابوكي ادخل هقوله