دخلت مارية تجري كانت راح تلحقها يارا غلقت عليها الباب بالمفتاح
صوفيا : ارواحي شديها متخليهاش تلم رجليها
هزتلها راسها بايه ودارت وش قاتلها ولميس تتغوصر بالسطورات
لميس : ااااربي مقددددرتش ماااقدرتتش اااي كررررشي اااااااه
صوفيا : يابنتي ادفعي شوي ...
لميس : او ماقدرتتتتش اصبري نريح شوي
صوفيا : اخلايااااا وشنهي تريحي شوي زيدي وبعدها ريحي تحوسي تقتليه ؟!! .. عاونيني ع الاقل يخرج للنص منقدر نجبدو هكذا نملصو
لميس : 😭😭😭 مقدرتش مقددرتش
صوفيا : معليش ابنتي حاولي شدة وتزول
بقات لميس تجاهد بكل قوتها وهي تعيط للربي اللي خلقها حتان خرج البيبي شوي شافت صوفيا في ماريا بصدمة ... لاحظت لميس سكوتها
لميس ببكاء : لاه حبستيييي عييشك كملللي رانني نتقطططططع
طاحو دموع صوفيا بألم شافت فيها ماريا بخلعة
ماريا : وش كاين ماني كملللي علاه حبستي راهي تتقططع المخلوووقة
صوفيا : الحبل السري داير على رقبتوو ... منقدرش ... اجررري روحي جيبي خالتك زهرة تعاوني مانقدرلهاش وحدي زيادتها صعيبة وماتطووووليش راهي نزفت بزاااف والبيبي يتخنننق
هزتلها ماريا راسها بإيه وراحت تجري
هزت لميس جزئها العلوي وهي تبكي بمرارة
لميس : وش ...وش بيييه ولللدي ... وش صراااالو ... علاه حبسسستي
ماريا : الحبل السري ملفوف على رقبتو
لميس ببكاااء : مات!!! ولددددي مااات ؟!!!؟؟ لالا لاا مستحيل
ماريا : ماماتش ماماتش يابنتي استهداي بالله وشدي في ربي .... برك ماتحبسيش حاولي تدفعي وتنفسي بانتظام ماتستسلميش
هزلتها لميس راسها بإيه وشعرها لصق في وجهها بقات تحاول بكل قوتها باش ماتفقدش صغيرها ... ماتقدرش تعيش اذا كشما صرااالو مستحييل
______________________
يارا : ولدددت!!؟! جا وليد خوويا ؟؟!!
ماريا بحزن : مزال ... الحبل السري ملفوف على رقبتو ولادتها صعيبة
هنا نهارت يارا هولتها بالنداب اما ميرا كانت تبكي بصمممت
يارا : نعيييط لآدددم ... لازم ندوها للسبيطار لازم
ميرا : وين تعيطيييلو ويييييين ؟!! تحوسي يقتلها ؟!!
يارا ببكاء : وووش نديرو وش الحل ماكيش تسمعي فيها تبكي وتعيط للربي اللي خلقها ؟؟!!
YOU ARE READING
المتمردة وزعيم المافيا (باللهجة الجزائرية)
Mystery / Thrillerكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة اما...
البارت104
Start from the beginning