راايكم البنات عجبتكم الكرو ولا نو ؟؟ شجعوني نكملهالكم قدما كان كاين تفاعل مع القصة زاد نشر عدد البارتات في اليوم
اعلن عن بداية الكرونيك ابتداءا من الحلقة القادمة هههه
فوط + كومنت
خرجت من خدمتها الدوزيام رايحة للسبيطار تهدر مع نفسها بالها عند مولا عينين الزروقة اللي بقاولها هاجس في حياتها وعقدوها تاع الصح كلامو مزال يدور في راسها تبسمت بسخرية كي تفكراتو
لميس :ههه السيد حلاتلو يحوس يقلبني ملكو ويحارب الشبح بنفسو ههي هيهي
وقفت في نص الطريق تراجع في هدرتو
لميس :ههه شبح!!! والله غار السيد مرييض صح خصو سبيطار مهابل هو يقاتل الاشبااح!!!!
شدت شعرها من لاور تضيق في عينيها
لميس : الشبح!!! نفس اسم هاذيك العصااابة ال*** زعما صدفة برك ؟؟؟ (يابنتي وشمن عصابة راهي مافيا كاملة يسمعك الزوج الكريم يحبس الخدمة 😂😂😂)
مشات خطوة وزادت حبست بالها مشغول لازمها تفك هاذ اللغز
لميس : لازم ندي الشهادة الجامعية تاعي باش ندخل في الصحافة ونبحث في قضية مايا وهاذ المافيا بطريقة قانونية صينو مانقدر ندير واالو
لميس بالعياط : استناااااااو يا وحد الاشبااااح الكلااااااب ندي كاميرتي والمايك برك وانا كلبة يلا زدتو شفتو حياة مسقمة
الناس اللي فايتين كاامل يشوفو فيها مستغربين منها ومن هبالها وزيد لبستها لاعلاقة بالموضة مي هي ضاربة الدنيا بكوتبي ماهي سامعة بحتى واحد كملت طريقها للسبيطار خذات نفس عميييق عبات بيه صدرها ورسمت اكبر ابتسامة على شفتها مالغري مزيفة دفرت الباب ودخلت بلا احم ولا دستور لقات زاكي ثم تبسم كي شافها مشا عنقها بقووة علاقتهم اكثر من صداقة كانو بالنسبة لبعض كي الخاوة كل واحد فيهم سند خوه كانو في ثلاثة مشكلين عايلة شدها من وذنها خلاها تتلوا
زاكي : خفففت عليك ياوحد الحلووفة وين كنتي ؟؟ لاه مابقيتيش في الدار وين رححتي ؟؟ ضك تهدددري كللش سمعتي؟؟
بعد عليها ضرباتو بدبزة خفيفة لصدرو لمحت يارا قاعدة من الجيهة اللي من هيه متوال مايا تبسمتلها بحب ردتلها الابتسامة مشات لميس جيهة مايا غرغرو عينيها تبسمت رغم عليها تمنع في الدمعة انها تنزل زاد عليها الحال كي شافت صحبتها تبكي بصمت ودموعها يطيحو بلا حبسة شدتلها لميس يدها
لميس : ااااا لاه راكي تبكي ضك انا جاية من اخر الدنيا باش نشوف دموعك هاذو ؟؟؟ تعرفيني منحبش نشوفك ضعيفة مهما كان الظرف كيما انا هه مستحيل نخلي حاجة تقيسك سمعتي ؟ اختك في كتافك وانا اني وفرت شوي صوارد لحصص ترويضك نحتاج عزيمتك وارادتك للشفاء منحتاج حتى حاجة منك خلاف ومنحتاجش كلمة مستجيل ولا منقدرش فهمتي ؟
YOU ARE READING
المتمردة وزعيم المافيا (باللهجة الجزائرية)
Mystery / Thrillerكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة اما...
