يوم جديد طلت فيه الشمس حاملة معاها احداث جديدة ويوم جديد امال للبعض وخيبات للبعض
حل عينيه بصعوبة وشد في راسو من الوجع اللي حاس بيه موش متفكر اللي صرا شاف حولو لقا روحو في الجاردان شاف في يدو اللي جمد الدم فيها تالمون ماداواهاش والزجاج متناثر في كل بلاصة كل قرعة يشربها يكسرها بين يديه من القلقة تفكر احداث ليلة البارح تنهد لز على عينيه بصباعو مكانش لازم يدير هكذاك ويعيط عليها ويخوفها بهذيك الطريقة
كان لازم يتفهمها ويروضها بالشوي وبرفق يعرف طبيعتها العنيدة ويعرف اللي ماترضخش بسهولة رايح يعاني معاها بزااف ويواجه صعوبات ومشاكل في زواجهم هاذا ناض من الفوتاي اللي في الجاردان ومشا للدار كان طالع في الدروج رايح يتفقدها لمح جسمها الصغير اللي مترامي في قاعة الصالة تنهد ومشا باتجاهها كانت راقدة ولا على بالها في الارض رجل في جيهة ولخرا متكيتها على الحيط راقدة في وضعية مالقالهاش تفسير ولا وصف دلك جبينو ومشا هزها تحت تذمرها وهي راقدة تسب فيه في نومها حتى في رقادها وتكرهو
طلع بيها للغرفة حطها بالشوي كأنها زجاجة عطر خاف تتكسر يتناثر سحرها غطاها وبقا يتأمل فيها وفي تفاصيل وجهها حط يدو على خدها يتحسس فيه شاف فيها تتململ وتغمض في عينيها وتلز طبع بوسة جنب شفتها وراح غلق الريدوات تاع البالكون ظلم الحالة باش ترجع ترقد ودخل عمل روتينو ولبس قشو مشا للكوزينة كشما يديرلها وش تفطر ضحك بسخرية على روحو
ادم : الدون ادم لوينو كيما راه اللي يهابو منو اكبر المافيات ويحسبولو الف حساب يوجد في الفطور لوحدة فرخة كون جا واحد اوخر في بلاصتها يدير معايا اللي داراتو ولا يهدر اللي هدراتو كون راه لحمو يتغداو بيه كلابي
هز راسو يمين ويسار بيأس على حالتو اللي وصل ليها بسبتها
**حلت عينيها بضجر وهي تسب بكل الكلمات اللي تعرفهم في هاذاك اللي يعيطلها في التيلفون
لميس : **** وش كاين صباح ربي منوضتني من نومي والغطا الدافي يلا كنتي منوضتني على حاجة تافهة غار ماكلاه نزيد نشوف وجهك قدامي ايناس
ايناس : هاذي الهدرة نوغمالمون انا اللي نقولها ماشي نتي مي ديزولي ديرونجيتك علابالي الوقت ميش مناسب في اول ليلة زواجك بصح نتلاقاو نعتلك ياوحد الكلبة
لميس : ايناس ماتقلقينيش صباح ربي ونبدا نقلك في هدرات يطيحو القدر ليك ولليلة زواجي يا وحد الكلبة اهدري ماتقلقينيش
هزت لميس كاس الما تشرب وهي تستنا في رد ايناس
ايناس : كيفاش حطيتي نص الورقة بيضا ومبعد يتعلق اسمك مع العشرة الاوائل الناجحين وضحيلي ضك ضك ياوحد الكذااابة نت..........
YOU ARE READING
المتمردة وزعيم المافيا (باللهجة الجزائرية)
Mystery / Thrillerكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة اما...
