المتمردة وزعيم المافيا (باللهجة الجزائرية)

البارت 37

غمض عينيه بقوة ومسح على شعرو بغضب كبيير بعدها رقبتو بقا يعاود في كلامها الاخر تاع تولي لواحد اوخر هاذ الكلمات قتلوه بلعت ريقها برعب وكملت مغامرتها بكلامها تدعي البرود مي داخلها ترجف وهي تشوف فيه يدير هكذاك لقطات تاعو واحد سفاح مستعد يقتل ويشرب دم اي واحد متوالو

لميس : بصح ماتخممش قادر تلقا  طفلة قممر  تحبها وتحبك  ترضى بجنونك هاذا ونتا تطبق عليها تملكك هاذا  وهي ماتمانعش  كاين منهم بزاااف  بصح انا مانيش منهم  وانت ثاني ماشي الراجل  اللي نحبو  خاطر ماكش منهم بيسك حنا ماناش متناسبييين اطلاقا  كيما الخطوط المتوازية 

لصقت في الباب حالة عينيها بصدمة من ردة فعلو ندمت اللي هدرت  خبط الفولون بيديه الزوج يخبط على طولو  ووجهو كان احمر لدرجة عرق راسو بان 

ادم : لمييييييييييييييس  

خبط الفولون وزاد خبط الكارو تكسر  وهو يكرر في اسمها شهقت بقوة وحطت يدها على فمها بعد ماشافاتو يكسر في الكار والزجاج متناثر يكسر في كل حاجة متوالو كان منظرو يرعب اسوء من البارح كان يبان ميش في عقلو لدرجة قادر يكسرها هي ثاني كان منظرو بحال المجنون يدو بكلها دم وهو مزالو يضرب يفرغ غشو في الحوايج خيرمن يفرغو فيها هي  بقات حالة عينيها بصدمة تشوف فيه ميش مأمنة اول مرة تشوفو هكذا  كان يرجف من القلقة مالقاش وين يفرغ غشو بعد ماخلص ودقدق الطومبيل  حاول ينظم انفاسو  ويكالمي روحو متوالها بصح لا فائدة  اما هي تقول جاها البكم بقات تتفرج وملامح الذعر والخوف والرعب باينين على وجها وهي قريب تدخل في الباب تاع الطومبيل اللي على جيهتها صدرها كان يطلع ويهبط من التنفس السريع 

حب الراجل للمرأة صعييب بزاااف وغيرتو اصعب واصعب فمابالك اذا تجاوز الراجل مرحلة الحب ودخل مرحلة العشق وعلى ابواب الهوس ثما يولي ماشي غار صعيب وخير دليل ادم هدرتها برك وتخمامها انها تشوف حياتها مع واحد اوخر دخلاتو في حالة ونوبة غضب كبييرة 

ادم : بالللله علييك يا لميس بالله عليك ارحممممي قلبي 

ماقدرش يكالمي روحو  جبد راسها ليه بقوة وهو يشوف في عينيها الرمادية  بعينيه الحادة اليي كانت حمرة من الغش

ادم بالعياط : علاااابالك وش راكي تقووولي؟ علابالك وش راكي تخرجي من فمك ***** انطططططقي

تقطع لسانها في ذيك الدقيقة كل ما حست بيه هو الخوووف 

ادم  بهدوء: انت مع راجل اخر!!!!!!  كمل بالعياط خلاها تتنفض  :  تحوسي نقتتتتلك .... انت ليا  وملكي انا  كل شي فيك  ملكي  والطلاق تطلعي للسما وتهبطي  ماتديهش   يالوكان على جثتي  وفكرة تتعرفي على ذكككر اوخر امسحيها من راسك مزال مخلقش اللي يبعدك  عني سمععععتي 

خبط الكارو اللي وراها مرة وزوج وثلاثة حتان كسرو وهي مغمضةعينيها بقووة حاكمة في روحها على شعرة اول مرة تخاف لهاذ الدرجة من واحد اول مرة تحس روحها عاجزة