ايلين زيرت عليهم كثر:آميييين ياربي آمييين
نزلو مع بعض بعدما شبعو محاولة وطلب سماح من لينار وهاهم كامل متلمين على طابلة لفطور
سيليا تشوف لمازن مشنفة بيسك راه يتفادا فيها بسبة لبارح هو اللي عيط عليها نورمالمون هي اللي تشنف عليه مش العكس!..اما معليش اذا هو مازن هي سيليا تردهالو ثالث و مثلث خليه برك يسيتت هكاك كي يجي الوقت تاعها و تعذبوو
ماهر وايلين يتمعشقو ماهر يحطلها فالفطور قدامها ويعرض فيها وهي حاشمة ولينار تعكي عليهم وتقولو حطلي كيما هي..يظهرلي غارت بيسك والفت اهتمام باباها غير ليها هي ههه مي هو صابر ومدايرلهم رايهم للزوج معندوش منهم عشرة
حط راسو ومع كاس الجي يشرب و مبعد توله باللي كاين شي ناقص؟...دور راسو على الحاضرين كانو غير هو وسيليا ولينار و ايلين و مازن و نسيمة..وينهي سليمة؟؟
ماهر:وينهي يما سليمة؟..مناضتش؟
نسيمة:رحت ليها لقيتيها راقدة
شاف فمازن كأنو مسمعش أصلا انو يماه حكات
ماهر:وينهي جداتك نتا؟؟
مازن شاف فسيليا اللي تتبسم حاكمة الضحكة بسييف لبارح قاتلو باللي ماهر يسقسيه وهو بكل فخر يقولها ميسقسيييش هاو سقسا ولصق
شافلها هزتلو حاجبها تاع جااوب...زير على كاستو ورخف ثم ثم مبرد اعصابو
مازن:راهي راقدة..قالو هك
ماهر:علاه مهيش موالفة ترقد للضك راهي مريضة؟؟
مازن:لالا لبارح وهي كي الفرس تتبلا فيا صحيحة لباس عليها
ماهر:بلع فمك واعرف وش تهدر
مازن:يا زح سقسيت جاوبت وشبيك تشري فالبلا على صباح ربي ؟
ماهر:مااازن
ايلين دارت يدها على يدو:ماهر كالم توا
سيليا شافت الحالة شعلت ولازم تكالميها لا يفضهم ويقول دوختها باه نروح لسيليا وتولي في س وج :طليت عليها الصباح وقاتلي حابة نريح ليوم وترقد رجليها واجعينها شوي مالا عطيتها دوا يكالمي ويرقد عليها راهي راقدة متخافوش كي تريح تنوض
ماهر تبسم براحة:صحيتي انسيبتي انطقي من قبيل
سيليا:ههه وش عليه المهم نطقت
ماهر:امم صح ههه
مازن:ايه واش شكون يوصل لينار للقراية ليوم؟؟
ماهر:متروحش السمانة هادي حتى نفوتو العرس
لينار:ياا بابا بصح رانا نوجدو للاختبارات عندي بزاف وانا نغيب
ماهر بلع ريقو وفوت يدو على راسها بحنانة:زيدي اصبري شوي ابابا وترجعي تقراي
لينار حازنة:بصح لوكان مننجحش؟؟
ESTÁS LEYENDO
"اسيرة_لعبة_الماضي "باللهجة الجزائرية
Romanceاول كرو ليا بقلمي وافكاري وتعبي ممنوع النقل الا باذني "الدنيا خيبات...تعطيك الأرخص وتأخذ منك الأغلى ......تجعلك تثق وتخونك ......تجعل جميع الظروف جامعة لك بما ستحب وتتعلق ....لتتأكد من شدة المك عندما تاخذه منك ويصبح الماضي هاجسا بينك وبين ال...
#النهاية4 "الفصل77"
Comenzar desde el principio
