الأمير المفقود The Lost Prince

قرار نهائى 25

أنتهت أعمال ألعاب كريستال فى المملكة وتجمع أفراد الشعب لمشاهدة هذا المكان العجيب ووقف هارون فوق منصة عالية وقال: اليوم سيتم فتح هذا المكان لأفراد الشعب ,مكان للعب يصلح للكبار والصغار وانا صنعته وأسميته بإسم من ساعدتنى كثيرا وأنقذت حياتى كريستال , وجه القمر...

أشار هارون بيده فنزلت لوحة عليها وجه كريستال إستغرقت منه وقت طويل فى رسمها ليتم تعليقها على باب المكان ونظر لها هارون وقال :تفضلو وجربو.

دخل الناس بسرعة طبعا لم تكن مثل الأكوا بارك الحديثة ولكنها تعتبر بدائية لفكرة الألعاب المائية وإستخدمو فيها الأخشاب لعمل الممرات التى ينزل منها الماء ويجلس كل لاعب فى سلة من المعدن وينزل مع الماء, كانت ممتعة فعلا وشاهد هارون بنفسه فرحة الشعب بها وقرر أن يتم فتحها يوم واحد فقط فى الأسبوع لمنع تعطل أعمال الزراعة والصناعة وقال عبد الله: عمل عظيم هارون...

شكرا مولاى.. لازال لدى الكثير لأصنعه.

مثل ماذا.

مثل التواليت والدش إختراعات عظيمة جدا ومريحة فى نفس الوقت.

ماذا؟ ماهذه الأشياء؟

رفع هارون أوراق رسم عليها شكل للحمام والدش ووقف يشرح لوالده وهو يسمعه بإهتمام.

بعد أن قرأت كريستال الكلمات إنتظرت أن يحدث أى تغيير ولكنها فتحت عيونها وكانت كما هى فى حجرتها وتمسك بيد والدتها , تبادلت وفية النظرات مع كريستال وسألتها : يعنى محصلش حاجة ؟

مش عارفة بس هو ده الكلام اللى قاله العراف

يعنى إيه ؟ مالقمر إكتمل أهو ... محصلش حاجة ليه..

فكرت كريستال وزفرت بضيق: كأنى معملتش حاجة و..

قاطعتها وفية: إستنى إقرأى كده تانى مكتوب إيه؟

إذا أردت تستطيع , سيكتمل قلبك كما إكتمل القمر ,, فقط عند إكتمال القمر

فكرت وفية قليلا ثم قالت : فهمت.

فهمتى إيه ياماما؟

يعنى الكلام ده ليه ميعاد يتقرى فيه ..

وهانعرفه منين؟

ماهو قال لك ... تعالى معايا.

أمسكت وفيه يد كريستال وأخذتها للشرفة وأشارت للسماء وقالت: شايفة إيه؟

السماء ونجوم وهلال.. ده علاقته إيه بالموضوع؟

مش بيقول لك عند إكتمال القمر.. يعنى لما القمر يكمل..

وأنا كملته ومحصلش حاجة غير الكلام اللى ظهر وقريته وبرضه محصلش حاجة.

علشان هو يقصد القمر ده . اللى فى السماء...