الأمير المفقود The Lost Prince

العراف 22

عاشت كريستال أيام حزينة جدا وهى تعانى من ألم الفراق, كانت تمارس حياتها كل يوم كما تعودت تذهب للمخبز وتعود ولكنها كانت بلا روح.. قلبها يتألم لبعد هارون, لم تكن تنام أو تأكل ودائما تشاهد صوره وتنام فى حجرته تبكى وغضبت أمها من أجلها ودخلت لها الحجرة وقالت: إسمعى بقى حالك مش عاجبنى..

ليه ياماما؟؟

ليه إيه؟ وشك بقى قد اللقمة لابتآكلى ولابتنامى وعلى طول ماسكة صورة هارون وبتعيطى .. لحد إمتى يابنتى؟

غصب عنى ياماما ,,

أنا عارفة إنه غصب عنك ياكريستال بس لازم تخرجى من الحالة دى يابنتى.. إنتى مش شايفة نفسك, إنت بتدبلى كل يوم وأنا مفيش فى إيدى حاجة بس مقهورة عليكى , حب إيه ده بس؟

تنهدت كريستال بحزن وأكملت وفية: لو أعرف إنك هاتعملى كده كنت خليتك تروحى معاه..

أروح معاه؟ إزاى؟ مينفعش..

مينفعش ليه؟ هو يعنى كان حد يصدق إن هارون ييجى لنا من التاريخ زى ماقلتى ..

نظرت كريستال لوالدتها بتفكير وسمعتها تكمل: بس جه وقعد معانا وعاش وسطينا يبقى زى ماهو جه , فيه طريقة تروحى وتريحى قلبك وقلبى بقى..

صح ياماما.... بس إزاى؟؟ يعنى لو فيه طريقة فعلا هانسيب هنا ؟

إحنا يعنى لينا مين هنا؟ ولينا إيه؟؟ أنا وإنت ملناش حد....

مدت كريستال يدها وأمسكت بالقلادة وهى تفكر وفجأة رأت هارون يمسك بصورتها ويتنهد ,وقفت بسرعة وقالت: شفته ياماما ,, شفت هارون ... بيفكر فى ...

شفتيه!! هى البتاعة دى لسه شغالة؟

أيوه ... شغالة... بس هاعمل بيها إيه؟ أنا بأشوفهم بس..

ماعرفش فكرى بقى . إنت المتعلمة...مايمكن تبقى زى السيف.

السيف كان عليه كلام وتعويذة لكن السلسلة مفيش عليها أى كلام..

فكرى بقى وشغلى مخك ... بدل هاتتجننى عليه كده .

إبتعدت وفية وجلست كريستال وهى تزفر بقوة وهمست: ياحبيبى ياهارون بتفكر فى؟؟

إنتشر الجنود فى أنحاء المملكة للبحث عن ظافر وقرر الملك تعيين حراسة للأمير تلاحقه فى كل مكان خوفا على حياته وقام بتجديد الحراس على القصر وأصبح طلال قائد الحرس الملكى ..

عاد هارون لحياته ولكنه كان مختلفا جدا ولاحظ عبد الله تغييره رآه مختلفا , كف عن الخمر والسهر مع الفتيات , كان يواظب على الصلاة وأصبح ملتزما بدروسه ولم يعد يهرب منها كما فى السابق ,أصبح اهدأ كثيرا , جلس عبد الله مع عائشة فى جناحهم وقال: هارون يبدو حزينا دائما,