သို့သော်လည်း နောက်ထပ် ၁၀ နှစ်လောက် အကြာတွင် ဘူဖေးစျေးက တစ်ယောက်ကို ယွမ် ၁,၂၀၀ လောက်အထိ တိုးသွားမည်ဖြစ်သဖြင့် နှိုင်းယှဥ်လို့ပင် မရတော့ပါ။
ဖေးချမ့်အတွက် ယွမ် ၃၀၀,၀၀၀ စလုံးကို ဆုံးရှုံးပြီး သူ့ကိုယ်ပိုင်စည်းစိမ်အဖြစ် ပြောင်းလဲနိုင်ပါက သူစားချင်သမျှ အစားကောင်းများကို စားနိုင်ပါသည်။
"ဟုတ်သားပဲ စာချုပ်" ဖေးချမ့်က သူ့ကြက်ဥ ထမင်းကြော်ကို စားရင်း ပြောလိုက်သည်။ "ငါတို့ပြန်ရင် နမူနာတစ်ခု သွားဝယ်လိုက်မယ်။ လကုန်ရင် လစာ ယွမ် ၃,၀၀၀ ပေးဖို့အတွက် မင်းနဲ့ အလုပ်စာချုပ် ချုပ်ကြရအောင်"
မာယန်က အမြန်ပြန်ပြောလိုက်ပါသည်။ "ယောက်ဖချမ့်။ မင်းကတော့ သူစိမ်းဆန်နေပြန်ပါပြီကွာ။ ပိုက်ဆံက အဓိကမဟုတ်ပါဘူး။ ပြီးတော့လည်း စာချုပ်တွေဘာတွေ လိုမယ်လို့ ငါမထင်ဘူးနော်။"
ဖေးချမ့်က ခေါင်းခါလိုက်၏။ "မဟုတ်တာ။ မင်းက ငါ့အတွက် အကောင်းဆုံး ကြိုးစားပေးနေလို့ တစ်ပြားတစ်ချပ်တောင် လျှော့ယူလို့ မဖြစ်ဘူး။ ငါတို့က တရားဝင် လုပ်ငန်းတစ်ခု လုပ်နေတာဆိုတော့ လုပ်ရိုးလုပ်စဥ်တွေအတိုင်း လုပ်ရမှာပေါ့။ စာချုပ်ကတော့ ချုပ်ကို ချုပ်ရမယ်။"
"ဟုတ်ပါပြီ ဒါဆိုလည်း မင်းစီစဥ်ထားတဲ့ အတိုင်း ငါတို့လုပ်ကြတာပါ့" မာယန်က ထပ်ပြီး မငြင်းတော့ပါ။ ဘယ်သူက ပိုက်ဆံ အလကား မလိုချင်ဘဲ နေမလဲ။
၃,၀၀၀ က နည်းနည်းများလွန်းသည်ဟု ခံစားရကာ ရှက်နေရုံသာဖြစ်သည်။
တကယ်တော့ ဖေးချမ့်က သူ့ကို ပိုပေးချင်သော်လည်း စနစ်က ခွင့်ပြုမည်မဟုတ်ပါ။
ဖေးချမ့် ဝန်ထမ်းလစာများအတွက် ထိုက်သင့်သည့် စံနှုန်းများထက် ကျော်ပြီး မပေးနိုင်ကြောင်း စနစ်က ပြောထားသည်။ စမ်းသပ်စစ်ဆေးပြီးနောက်တွင် ထိုက်သင့်သည့် စံနှုန်းဆိုတာ အပြင်ဘက်က လစာများထက် ၂ ဆ ပိုမကျော်နိုင်ကြောင်း ပြောခြင်းဖြစ်ပါသည်။
မာယန်ကိုပဲ ဥပမာ ထားကြည့်ပါ။
သူဂိမ်းကုမ္ပဏီတစ်ခုတွင် အလုပ်သွားလုပ်ပါက အလုပ်သင်များ၏ လက်ရှိကာလ အခြေခံလစာ စံနှုန်းအရဆိုရင် ၁,၅၀၀ ယွမ် ရလိမ့်မည်။
YOU ARE READING
သူဌေးကြီးဖြစ်ဖို့ ပိုက်ဆံတွေ ဆုံးရှုံးဖို့လိုတယ်
Randomမိတ်ဆက် ငါ တကယ် ပိုက်ဆံဆုံးရှုံးချင်တယ် T_T အကောင်းဆုံး သူဌေး၊ စီးပွားရေးလောက၏ အရွယ်နှင့်မလိုက်အောင် ထူးချွန်ပြောင်မြောက်သူ၊ ပါရမီရှင် ဖန်တီးသူ၊ ရာစုနှစ်၏ အမြော်အမြင်ရှိသူ။ ဤသည်မှာ ထန့်တကော်ပိုရေးရှင်း၏ ဥက္ကဌ ဖေးချမ့်အတွက် အသုံးပြုထားသော ဖော်ပြချက်...
Ch-15
Start from the beginning
