بين ًسًـــلاسل العادات

البارت 4

نوڤ:-ماريد مو هسة

احمد:-لعد يمتها؟ ترة انتي مكلفة من عمر التسع سنوات وانتي لاصلاة ولاحجاب لشوكت تبقين هيج

-ترة بعدني صغيره من اكبر شوية

احمد:- ترة هسة انتي جبيرة حلو من تغطين شعرج الحجاب يزيدج جمال وشعرج ميصير كل اليجي يشوفة المفروض تغطينة

دنكت راسي ساكتة العب بضافيري محد يحجي  بهيج موضوع عدا حياوي هو صح واجب بس احس الكبار يلبسوة يعني اذا لبستة لازم التزم وانطية حقة ..

تريگنة وكل واحد راح لدوامة وصلني حياوي وراح  خلصت يومي عادي كاعدة بالرحلة الاخيرة اول درسين انام درسين  بس اباوع بعيوني والدرس الاخيرة العب بطرف شعري..

رجعت للبيت امشي على كيفي جني سلحفاة مبية حيل  يعني ميصير ندرس بالبيت وبوقت الامتحانات نداوم اووف تعب وصلت للبيت، امي دگ وتلطم وجههة احمرر لزمت گلبي بدية حيلي باااد ذبيت الچنطة وجمعت الحروف ..

-ماماا شصاايرر منوو مات

نهضت حضنتني تصرخ گلبي ناار صارو ؏ بالي  اخواني بس لا بيهم شي.. مابدر مني اي ردة فعل منظر امي خمش گلبي اكيد صاير شي چبير حتى الكلام ضا؏ مني..

::هنودي شصاير منو مات

حالتة متقل شي من حالة امي ضام وجههة بيدة ويبچي رجفت خوف وعطت بية ..

-للللك منووو مااات

مهند:-خالي حمزة

بهتت ملامحي ونزلو دموعي  مجاي اكدر اتخيل  استوعب الصار من وصلنة لبيتهم.. صرريخ وبچي ارررتعبببت وصرخت اصررخ من الخووف والهلع اول مرة احضر هيج اجواء چلبت بأمي ارجف و اصررخ  حاضنتني وتبچي... ثواني مرت ودخلت الجنازة متت خوف ارتعبت حرفيا عفت امي وطلعت كلني اررجف.

  الساحة  متروسة زلم لابسة دشاديش سود ولافين چراوية ؏ وجوهم متبين بس عيونهم بلعت ريگ خايفة ادور بعيوني ؏ واحد من اخواني ركضت لحياوي  حضنتة ارجف وابچي اما هو عكسي ولا كأنة خالي متوفي الكل يبجي سجاد ملخ نفسة وعبدالله ماعداة جان هادء كلش بس يمسح ؏ ضهري ويبوس براسي واني بحضنة ارتعش..

-لاتخافين لاتخافين

طلعو الجنازة خلوها بالساحة التمت عليها الرياجيل كلها تبچي وتلطم مطولت دقايق وطلعو الجنازة وسط الصريخ والبچي والهوسة كلها اختفت  بقة بس عبدالله وكم رجال دخلت يم النسوان الي منظرهن يرررعب وجوهن كلها دم وشعرهن واگع نصة بالگاع قشعر بدني من المنظر، طلعت للساحة ادور ؏ عبدالله..

-امشي دششي جوة

التفتت ؏ الصوت رجعت ليورة ارجف رجال لابس دشداشة سودة بس عيونة طالعة بلعت ريگ وخليت ايدناتي ؏ وجهي اشهگ خايفة منه..