كيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في
الصحافة اما...
" هه وكأنوا نتا كل صفقات ناجحة يا ثعلب ... ونتا مزالك لضك ماتقدرش تهزم الشبح "
وجهلو نظرة حادة وهو يلز على كاسو بقووة شحال يكره واحد يقارنو ولا يتحداه بالشبح
°°°°°°°°°°°°°°°°°°
Oops! This image does not follow our content guidelines. To continue publishing, please remove it or upload a different image.
وقف اسطول سيارات الشبح وسط القصر اللي تقامت فيه الحفلة خذات لميس نفس عمييق تحاول تنظم انفاسها المضطربة ... حست بضيق مفاجئ ..شاف فيها ادم بقلق وهو يمسح على وجهها
ادم : وش بيك !!؟؟
لميس : حاسة روحي مخنوقة افتحلي الباب عيشك
توتر ادم وخرج يفتحلها الباب نحات لافاست تاعها ولبست البلون بالزربة ... فتح الباب وجلس القرفصاء متوالها شاد يديها
ادم : وش بيك ؟!!! كشما وجعك ؟!! نوحو للسبيطار !؟
تكات لميس عليه وناضت بصعوبة
لميس : اني بخير بخير برك توترت
ادم : من واش متوترة يخي اكي معايا
هزتلو راسها بايه ومشات جرتو من يدو وتدخل قبل مايلاحظ
مع جات رايحة شدها من رسغها بقوة رجعها ليه وهو يخزرلها بحدة
ادم : وش راكي لابسة !!؟ وكتا غيرتي لافاست تاعك !؟
بلعت ريقها بخوف وهي تحا ل تتحرر من بين يديه
لميس : ادم والله ماهو مكشووف شوف ضك نحرث مايكش وااالو والله ... لوخر ماشي مليح والله غار يشبعو ضحك عليا
مسح على وجهو بقوة قال كلمتين كانت كايفة باش تخوفها
