مازن:حاسك حاب توصل لشي ماهر
ماهر تبسم على جنب وشاف فخوه: احساسك صح
تحمسو الباقي يشوفو فيه
سيليا:ولد عمراني وش كاين؟
شاف فيها مازن مطلع حاجبو:هايواه؟...راح تمشيلي على خطا اخيك؟؟؟
جان خنزر فيه:ولد عمراني فوت ختي لا نكرفصك
سيليا:هههه خلاص نتوما خلونا فالمفيد...ماهر وين حاب توصل؟
ماهر:الصالة كامل كميرات مراقبة وليوم راني متأكد باللي خيط للبوص راه هنا راح تتولاو المراقبة تاع كامل الوجوه اللي راح نشتبهو بيهم و اكيد راح يدير واحد منهم اي ردة فعل تكشفو لما نعلن على زواجي بايلين اتصال او يحكي بالايربودز او حتى يحاول يهاجمنا لازم نخليو حماية هنا ووقتها اذا نجحنا وحكمنا خيط راح نخليوه بسيف يوصلنا للبوص ونتهناو منو ضربة وحدة
دانييل:خطتك مليحة مي مش مضمونة راح يكونو عارفين يتخباو مراحش يبعث براهش
سيليا:رجال البوص براهش دانييل..هوما ملهوفين ديما وميعرفوش يخممو كيما قال ماهر اول ردة فعل نتوقعها هي اتصال بيسك رجال البوص دمى عندو ويمشيو غير بأمرو هو برك يحرك فيهم كأنو دمى تخصو
ماهر:تعجبيني انسيبتي اول واحد حابو يبقى وسط الصالة ومراقب كلشي هو نتي ياسيليا..اكيد تكوني عارفة علامة تفضحهم وتصرفاتهم راح تكون معروفة ليك اكثر منا كامل و قادر حتى وجوهم يعني نتي راح تكوني ورقتنا الرابحة سيليا
ايلين:مراحش يكون خطر عليها؟
سيليا:ههه لالا ازين متخمميش نعرف للشي هدا بيبي
مازن مش عاجبو الحال هو مصدق خلا سيليا تبعد على الريسك والتخمام هدا:مكانش حل آخر؟
ماهر:علابالي نتا مأمنت بعدتها على الشي هدا مي رانا محتاجينها..وتقدر تتنازل انا مراحش نرغمها لأنها تهمني ثاني كيف ختي الصغيرة
سيليا:راح نكون بخير لأنو كلنا هنا واصلا اقل شي نقدر نديرو نراقب يعني واجدة نمد عمري لألوونتي
ايلين عينيها دمعو:ياريت نتهناو من الشي هدا و نعيشو حياة طبيعية
ماهر سلم على يدها:راح نعيشو هانيين قريبا يا ممو عينيا متخافيش
دانييل:صراحة منيش خايف من البوص لأنو قوتو ضك فالأرض بلاصتو راحت راهي اسفل سافل الارض
ماهر:مالا و اجدين للتنفيذ؟؟
جان/ايلين/سيليا/دانييل/مازن:واجدييين
نور:خاوتي ديرو بوز دقيقة راني حاسة روحي في تاع الطاولة المستديرة والتخطيط قاتلكم وش
كاين؟
شافو فيها يتبسمو على هبالها ووصدمتها الطفلة مسكينة حبسولها عقلها بهدرتهم
ŞİMDİ OKUDUĞUN
"اسيرة_لعبة_الماضي "باللهجة الجزائرية
Romantizmاول كرو ليا بقلمي وافكاري وتعبي ممنوع النقل الا باذني "الدنيا خيبات...تعطيك الأرخص وتأخذ منك الأغلى ......تجعلك تثق وتخونك ......تجعل جميع الظروف جامعة لك بما ستحب وتتعلق ....لتتأكد من شدة المك عندما تاخذه منك ويصبح الماضي هاجسا بينك وبين ال...
الفصل69
En başından başla
