المتمردة وزعيم المافيا (باللهجة الجزائرية)

البارت79

 ادم : كل عام  وانت زوجتي  .... كل عام ونتي حبيبتي ....  كل عام ونتي ام اولادي  ... كل عام ونتي حبي وعشقي  وجنوني ... كل عام  وانت بخير 

لميس : ياااااا اليوم عيد ميلادي  ... والله غار نسيتو 

ادم : تمناي امنية  قبل ماتطفي الشموع 

تبسمتلو بحب  وغمضت عينيها تمنات وش حابة  وطفات الشموع وهي ميتة من السعادة  ومن شدة حماسها ناضت من بلاصتها وراحت عنقاتو بقوة 

لميس : نحببببببك

شاف فيها بصدمة وضم وجهها بين يديه 

ادم : وش قلتي؟؟

غرست وجهها في صدرو بحشمة 

لميس : قتلك نحببك

ادم : عاوديها 

لميس بحشمة : ااادم 

ادم : عيييشك عاوديها 

لميس : اوووف قتلك نحببببك نحبببك 

هزها ادم من الفرحة يدور فيها  متوقعش يسمع هاذ الكلمة من فمها شاف فيها بحب وقبلها 

ادم : وش راكي تديري فيا  هااا ؟

قبلها في كل انش من وجهها  ولميس طايرة بالفرحة لسابع سما  متوقعتش بعد الكابوس اللي عاشاتو وعيشولها هو تعيش يوم ممتع وسعيد كيما هاذا ، قاطع لحظتهم صوت  التيليفون يصوني  تجاهلو وشاف في عينيها بهيام 

ادم : شحال مزال وانا نستنا همم ؟  مقدرتش نزيد نصببر لميس

 نزلت عينيها بحشمة  وحمارو خدودها مهما كان يبقى امر محرج  ، صايي حزمت قرارها انها ترفع القيد عليه لأنو ميش اي راجل يقدر يصبر متوال معشوقتو  ويحرمها على روحها مهما كان يبقى حقو 

لميس : ماتستناش من بعد ضك صايي

تبسم بسعاااادة  قرب راح يقبلها قاطعو تيليفونو  للمرة الثانية

لميس : هز على تيليفونك قبل وانا نروح للسانتيار دقيقة ونجي

هزلها راسو بايه  هز ع المكالمة  وهي توجهت للحمام ،شافت روحها في المراية  حلت عينيها بصدممة كان مكياجها سايح مره  وعينيها كي البومة  بسبة بكاها  تحتهم الغيسيل مداير بحر نوار كانت تخللع  وادم ماعلقش عليها  كانت متوالو هكذا ؟  تبسمت بحب على تصرفاتو غسلت وجهها  نحات الحالة اللي عليها وهي تخمم تعاود تدير مايكب خفيف تغطي بيه اثار الكحل والماسكارا  تفكرت انها نسات صاكها في الكرسي  رجعت تجيبها  

لقات ادم عاطيها بظهر يخزر في التاقة لبرا  تخبات ورا الحيط كي سمعت اسمها في الحديث

ادم : لا لا منيش حاب لميس تسمع خبر خطف مايا  تكلف نتا بالموضوع  وخبرني بكل جديد  واذا اكتشفت انها تشكل خطر  حتى وكان صغيير  اقتلها  ........... مايهمنيش في سراج  5 اشهر وهي مخطوفة ماحقق حتى نتيجة  اصلا كلشي بسبتو كون ماغفلش عليها ماتخطفتش  ......... ماتهمني حتى حاجة من غير سلامة لميس  تكلف بالامر اني متكل عليك