အိုမီဂါအဖြစ် ကူးပြောင်းပြီးနောက် ပွဲဆူသွားရပြီ ( BL ) (Completed)

173

ဝိဉာဉ်မှသည် ခန္ဓာကိုယ်အထိ ရာခိုင်နှုန်းပြည့် တူညီနေခဲ့သည်။

စာရွက်ပေါ်ရှိ နံပါတ်များမှာ သူတို့ချစ်ခြင်းစမ်းသပ်မှုရလဒ်များကဲ့သို့ပင်။

သူတို့ ပျော်ရွှင်မှုနှင့် စိတ်လှုပ်ရှားမှုများ ပြည့်နှက်နေသည့်မျက်လုံးများဖြင့် တစ်ဦးကိုတစ်ဦး ကြည့်နေခဲ့ကြသည်။

" အဲ့ဒါဆိုရင် ကျွန်တော်တို့နှစ်ယောက်က အရမ်းမိုက်တာပေါ့…" ယွမ်ရှင်းကျဲ လော့ဝမ်ချွမ်းလက်ထဲမှ စာရွက်ကို ယူလိုက်ကာ အံ့ဩနေမှုများအားလုံးကို သူ၏မျက်နှာပေါ်တွင်ရေးထိုးထားသကဲ့သို့ ပြသနေခဲ့သည်။

" 100% နော်.. ဒဿမတစ်မှတ်တောင် မလျော့ဘူး.."

အချိန်ခဏအကြာတွင် ယွမ်ရှင်းကျဲ လော့ဝမ်ချွမ်းကိုကြည့်ကာ ပြုံးလိုက်ပြီး " ခင်ဗျားပြောတာအမှန်ပဲ…ကျွန်တော်တို့က ဒီစကြာဝဠာထဲမှာ အလိုက်ဖက်ဆုံးအတွဲတွေ…"

လော့ဝမ်ချွမ်းနှင့် ‌ယွမ်ရှင်းကျဲတို့၏ ပျော်ရွှင်မှုများပြည့်နှက်နေသော မျက်လုံးများနှင့် နှိုင်းယှဉ်ပါက ဘုရင်ကြီးမှာမူ နောင်တနှင့်အပြစ်ရှိသည့်စိတ်များဖြင့် ပြည့်နှက်နေသည်။

အဆုံး၌ 100% အပြည့်လိုက်ဖက်ညီမှုမှာ တော်ဝင်မိသားစုအတွက် အလွန်တန်ဖိုးရှိနေပြီး ၎င်းမှာ တော်ဝင်မိသားစု၏မျိုးရိုးဗီဇနှင့် သွေးမျိုးဆက်ကို အကြီးမြတ်ဆုံးသော အတိုင်းအတာထိရောက်‌အောင် ဆက်လက်လုပ်ဆောင်နိုင်မည်ဖြစ်သည်။

သို့သော်လည်း ယခုအချိန်တွင် ယွမ်ရှင်းကျဲမှာ သူ၏ဂလင်းများကို ဖြတ်တောက်ပစ်ခဲ့ရသည်။

ရုတ်တရက်ဆိုသလို ဘုရင်ကြီးထရပ်လိုက်ပြီး ဘုရင်မအား ဒေါသတကြီးပြောလိုက်လေသည် " ဒီနေ့ကစပြီးတော့ ဘုရင်မကို သူမရဲ့အိပ်ခန်းထဲမှာ အကျယ်ချုပ်ထားပြီးတော့ ဘယ်တော့မှအပြင်ထွက်ခွင့်မပေးတော့ဘူး…"

ထိုအကျဉ်းချခြင်းမျိုးမှာ ဘုရင်မကြီးအတွက် သံသယဝင်စရာပင်မလိုအောင် ရက်စက်လှပြီး ၎င်းမှာ သူမ၏လွတ်လပ်မှုနှင့်ဂုဏ်သိက္ခာကို လုယူနေခြင်းမျိုးပင်ဖြစ်သည်။