عرف انو ميش رايح يملكها لا بأموالو الطائلة لا بجمالو ولا بنفوذو ... عرف انو راح يتملكها بأصغر التفاصيل اللي تحب ... حفظ كل حاجة تحبها عن ظهر قلب رغم عنادها وتمردها وتهورها الا انو مايقدرش يبعد عليها لدقيقة ... يعاقبها بصح يرجع لاحضانها ... صح تقلقو وتخرجو من حبال عقلو بصح يعشقها للنخاع مستحيل يكرهها اسراتو بطريقة غريبة ماقدرش يحلل ولا يفسر وكتاه ؟ ولا كيفاه ؟ حتان طاح في شباكها
شافت لميس في الباقات بحب وهي محتارة وش تدي
لميس : وش نخيير؟
شافت المسؤولة في لميس بابتسامة : بصراحة لأول مرة تجيني وحدة تحوس على الورد الازرق كل طفلة تجي لهنا تدي الورد الاحمر بدون منازع اذا كانت الوردة الحمرا تعتبر رمز للحب فالازرق يجسد الحلم هاذي الورود مثالية للناس اللي يأمنوا بمستقبل جيد ... اللي يتطلعو دائما بتفاؤل وفي نفس الوقت يأمنوا بالحكايات الخرافية والمعجزات ... والطفلة اللي تحب هاذي الورود تكون جميلة ونادرة فريدة من نوعها كيما الوردة بالذات
شاف ادم للورود بخفة وشاف للميس مرة اخرى كانت شخصيتها تشبه صح للورود الزرقا ... تعلقت ومزالها تتعلق بحوايج يمدولها الامل وانسانة متفائلة بزااف كأنها شخص موش مستعد للاطفاء ولا الاستسلام اطلاقا
قارن روحو معاها هو كي الظلام اللي محضن النور يحاول مايخليش نورها ساطع بزااف باش ماتثيرش انتباه الناس وتبقى ليه وحدو يخمم وش الشي الملييح اللي دارو في حياتو حتان رزقو ربي بوحدة كيما لميس
شافت فيه بتفاخر بعد ماسمعت كلام المسؤولة رفعت شعرها بغرور
لميس : سمعت شحال انا نااددرة ... لازم تحافظ عليا
YOU ARE READING
المتمردة وزعيم المافيا (باللهجة الجزائرية)
Mystery / Thrillerكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة اما...
البارت77
Start from the beginning
