لميس : لاه راهم يشوفو فينا هكذا ؟ كشما فيا حاجة بيزا ر؟
ادم : خليك منهم ماسقسيتينيش على هااذاااك
اشارلها بيدو للبناء كبير لاحت غزل البنات في فمها
لميس : مالفا نشوفو في التصاور بصح معلاباليش شنهي هو
شدها من يدها وجرها معاه : هاذي كاتدرائية ميلانو دارها نابليون بونابرت ثاني
لميس : وااااو
شافت فيها باعجاب كبيير وهي ترفع راسها للاعلى كانت بزااف كبييرة وعالية ، لف ادم يدو على عنقها ودخلو قاطعها واحد من الشبان اللي يخدمو ثما تقدم ليها وهو يقول بحدة اشبه بالصراخ ماتولهش لادم اللي كان معاها
" الا تقرئين باللافتة انه ممنوع ااكل هنا ايتها المستهترة"
بلعت لميس ريقها لأنو مافهمتش وش كان يقول بصح فهمت من عياطو بلي يوبخ فيها طلعت راسها لادم اللي شاف في لوخر بنظرات قاتلة عطاه بونية لوجهو طاح للارض
ادم : كيف تجرأ ان تصرخ عليها امامي هاااا
" انا اسف سيدي لم اكن اعرف انها زوجتك رجاااءا سامحني سيدي سااامحني "
تجمعوا الناس حولهم بداو بالتمتمة وشكون مايعرفوش هنا ؟ مكانش واحد ايطالي ولا يحمل جنسية ايطالية مايعرفوش ، تدخخلت لميس تحاول تهدأو مرة ومرة توكل من غزل البنات باش مايذوبش كي شافاتو هجم عليه في الارض يضرب فيه بقوة وواحد ماتدخل رماتو من يدها بيأس ومشات ليه شداتو من يدو بحنان
وبالفعل نجحت وقدرت تكالميه هي الوحيدة القادرة على منعو خرجتو من ثم وهي تحاول تغطي وجهها ووجههو باش مايصورهم حتى واحد ومايدخلوش للحبس من الشي اللي دارو ، معلاابلوش اللي هو اللي يتحكم في الشرطة وحتى الوزراء
لميس : وش بيك ادم ؟ متقدرش تحكم في يدك ؟ كل مرة تتضارب مع واحد
خذا نفس عميق باش يهدأ روحو وهو يقسم داخلو انو يعطييه درس ملييح كي يتفرغلو
ادم : والو انساي ماتعمريش راسك
شافت فيه بعينين مدمعين رايحة تبكي تنهد بقلة حيلة مبقاش يفهمها هي اللي ماتبكيش في اصعب المواقف رجعت تبكي على اتفه حاجة لهاذ الدرجة الهرمونات يغيرو الانسان
ادم : وش كاين ؟؟
لميس : غزل بناااتي طيشتو باش نبعدك مابقا منو والو
ادم : لميس وشنهي هاذ التصرفات الطفولية ضك هاذي حاجة يبكو عليها الناس ؟؟ مرا قدك تبكي على جال الحلوة ؟ حاس روحي نربي في بنتي ماشي مع مرتي
شافت فيه لميس بصدمة : تسما حبيت تقول انا مزالني طفلة صغيرة ياك ؟ صار هكذا ؟
غلقلها فمها وتنهد لازمو يسايرها هاذ الفترة بيسك متأكد بلي ميش تصرفاتها
YOU ARE READING
المتمردة وزعيم المافيا (باللهجة الجزائرية)
Mystery / Thrillerكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة اما...
البارت75
Start from the beginning
