ادم : ماتقدريش
جرها من عنقها ليه
لميس : اااي غار مكان لاه ضك يشوفونا الناس وش يقولو علينا
ادم : لاه راني ندير في الحرام ؟ يخي حلالي
..... لميس : ادم بعد عليا
بدا يدغدغدها وهو يقبل في كل انش من وجهها وهي مييتة بالضحك
_______________
دخلو للقصر وصوت ضحكهم مالي الدنيا استقبلتهم يارا بغيض
يارا : عيب عليكم عايشين حياتكم طول وعرض برومانسية وانا مخلييني هنا وحدي طيرتلي بلاصتي لميس عند ا ادم ؟
تبسم ادم مع اختو ومدلها بوكي ورد وعلبة تاع شيكولا شافت فيه بفرحة
ادم : غدوة نديك لبلاصة مليحة بلا هاذ الجرثومة القصيرة انا ونتي برك .. اخ واختو وش رايك ؟ هكذا تسامحيني
لميس : صااار انا.. جرثومة ... قصيرة ياوحد الغول رايحين تخليوني نغير هكذا
يارا وهي تضحك : شح باش تحسي بيا
لميس : اوك مالا نخليكم مع بعضاكم ونخطيكم انا جرثومة صغيرة ايا تصبحو على خير
قالت جملتها بسرعة ومشات بخطوات سريعة طلعت الدرج ثمثم تغيرت ملامحها حطت يدها على كرشها من الالام اللي تحس بيها
ادم : ضك نبدل ونهبطو نتعشاو
هزتلو راسها بايه وعطاها بظهر ماشي
يارا : رد بالك تغلط ماع طفلة كيما لميس
ادم : ما كيش تشوفي فيا نحاااول نكون رجل عاقل
يارا : مالا ابقى هكذاك خاطر مكانش فرصة ثانية مع لميس
ادم : علابالي
طلع لغرفتو تنهدت يارا بحزن
يارا : ياربي دوم هاذ الفرحة والمحبة بيناتهم
____________
دخل للشمبرة لقاها بدلت قشها وحاطة يدها على كرشها عاقدة ملامحها لاحظها كي بعدت يدها بعد ماشافاتو مشا ليها
ادم : وش كاين ؟ وش بيك ؟؟
لميس : والو
ادم : لميييس
لميس : ادم عيشك سكرلي سانسور تاع الروبة مالحقتش
بقا يشوف فيها كيفاش تبدل المواضيع بسرعة حاب يعرف وش بيها حاب يشاركها مشاكلها واحزانها وافراحها قرب من ظهرها وغلقلها السحاب تاع فستانها
ادم : مكانش خرجة للجاردان هكذا سامعة
دارت ليه وطبعت بوسة على خدو
لميس : نهبط نعاون شوية في العشا .... ماتطولش
حكمها من يدها ورجعها
ادم : لميس وش كاين ؟
توترت لميس بلعت ريقها بصعوبة وهي تحاول ترتب الكلمات
............لميس: ههه برك حاسة بالتعب من واش صرا هاذ الايام وزيد ا
ادم بهدوء مرعب : ماكي مخبية عليا والو يخي
سكتت شوية وجاوبت
لميس : لاه تضال تهدرلي فيها ماعندكش ثقة فيا ؟ حاطني بلي ندير حاجة تضرك ؟
ادم : اها بصح حاس بلي ماكيش على عادتك تصرفاتك متبدلة
لميس : دوام الحال من المحال
خرجت من الغرفة مخلياتو واقف في بلاصتو تفكيرو كلو فيها
ادم : كلما نقول فهمتك تزيدي عمقا
_____________________
امير : وش راك تقول ؟؟
"معلاباليش مسيو بصح كل اسهم الشركة رجعت لوضعها الطبيعي "
امير : ماشي كنا رايحين نفلسو
" وي ، نظن شركة لوينو عاودت شافت في الشي اللي داراتو "
لميس : هاذا وش راني نشوف بصح لاه ؟؟
لوهلة تفكر كلام لميس اخر مرة : 'مانقبلكش تجي بعد ماتعرف غلطتك خاطر ميش رايحة نسامحك
___________________
سوطات بظهرها ع السرير ونشرت ذرعيها
لميس : رايحة نسمان كون نبقى فهاذ الحالة
ضحك عليها ادم كيفاش رايحة تسمان وهي ديما تدير جهاد عظيم باش تهرب من الدار
ادم : متخافيش ماكيش رايحة تسماني مزالكي رشيقة
لميس : وشمن رشاقة راك تحكي عليها عييشك وانت حابسني هنا في الدار
قالت جملتها بغيض وهي تحاول تخبي ابتسامتها خاطر علابالها انو مكانش رياضة قد المعاناة اللي تعانيها قبل ماتهرب هز ادم حاجبو الايسر بخفة
ادم : نسجنك هنا ؟؟؟
لميس : هاااااا مالا نكذب ؟ هاذي هي الحقيقة
ادم : ارواحي لهنا مالا نعتلك الحقيقة كيفاش مدايرة
سحبها من رجليها وبدا يدغدغ فيها بقوة تحت عياطها وضحكها
لميس : هههههه...هههه .. خلاص عيشك خلاص ههههههههه
بعد عليها كي حس بيها عيات تكا على ظهر السرير وسحبها معاه تكاها على كتفو
لميس : اا نسقسيك
ادم : امممم
لميس : بخصوص الاطفال تحبهم ؟؟؟
دور راسو ليها بتفاجئ
ادم : وش حكاية هاذ السؤال على غرة
لميس : مجرد فضول برك
ادم بصراحة : لا
...........يتبع♥♥♥
وهذا كان بارت قصير صغير زدتولكم ...الى الملتقى حبيباتي طلعولي هاذ البارت باش نمشيو في الكرونيك قبل ماتبدا القراية
YOU ARE READING
المتمردة وزعيم المافيا (باللهجة الجزائرية)
神秘 / 驚悚كيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة اما...
البارت61
Start from the beginning
