لاِ گمر يشِبه ضحگتك
حتى أغني ولاِ ضوه الوادمِ
يبَعد الوادِم الحلوه شربني
ردَت أگلِك لاِ شعرهُمِ جاس گلبي
ولاِ أغانيهِم خذتِني انت
بس انت الخذتني
رحت كملت طريقي بدون محمد
رحت وحدي لا الي جبير يسندني
ولا احد يدليني
تايهه بتلال حمرين
ماكو احد يدليني
َلا اعرف الطرق
اكمل وارجع عله نفس المتاهات
طريق طويل َ وعر صعب
منطقه متعرجه
تايهه وحدي
ماسمع بس صوت انفاسي
َوخطواتي وخطوات اخواني
رجلي خدرت من الوجع
نغزات بكلبي
الشمس بدت تغيب
كمت اشوف امي
تجي تلزمني من ايدي
ومرات ابوي
مرات الكه نفسي امشي وحدي بس اني واخواني
مرات شايله حرب
عرفت نفسي كمت اهلوس
واهذي
لان مره قريت عله كوكل انو اذا بقيت بدون ماي ثلث ايام يصير جفاف المخ
والانسان يكوم يهذي
بسبب الجفاف
حته ماكدر ابلع ريكي
مجروح ياذيني
كلشي ياذيني
اسحل بروحي سحل
تعبت من كلشي من المقاومه والفقدان
ياربي فدوه انطيني الصبر
ماضلت يمي مقاومه
رجعت اعيد نفس الخطوات بجسم متعوب وشايله هم الدنيا
تقريبا بديت اخلص الجبل
اخواني تقريبا فقدو الوعي
اشيل حسين اعبره تله ورامي عله كيف
َارجع عله سجاد هم هيج اسوي
هم بس نفسهم يروح ويرجع من العطش
مايتحركون َولايحجون
مر اليوم السابع واحنه بلتلال
الناس التندل وكبار مايطولون بلتلال يوم
بس لان اني بس وحدي وماندل كلشي واخواني بمسؤليتي ماكدرت اخلصه
كعدنه نستراح
حسيت ماضل بيه نفس اختنكت كلش
جلدي تغير لونه صار اصفر عله بياض
مثل الملح اليابس من الجفاف
جسمي كله يرجف
بقينه كاعدين بلوادي ارتاح
YOU ARE READING
الطريق نحو الموت (تلال حمرين)
Mystery / Thrillerقصه تتحدث عن فتاه تصارع للنجاه من حرب داعش هيه وعائلتهه رحله الجوع والعطش والخوف لنرافقها في تلك الرحله الاليمه
