كوبا عليه وخرج من المكتب عيان راح للغرفة تصدم كي لقا لميس مكانش دخل لادريسينغ مكانش راح للحمام كيفكيف كان رايح للبالكون لمحها راقدة في الارض بجنب السرير حل عينيه على وسعهم هبط لمستواها يفيقها
ادم : لميييس وشبيك ؟ لاه راكي في الارض ؟ طحتي ؟؟
حلت عينيها بنعاس بعد ماشافت فيه بحدة طفولية
لميس : كنت نحوس ندخل للحمام ونتا كنت ثما ستنيتك ستنيك تخرج ماخرجتش محبيتش نرجع للسرير خاطر علابالي يديني النوم ومانوضش علابالي كون مانروحش توجعني كرشي الصباح حقااا وزييد من الفوق ماجبتليش لاكرام خليتني نرقد بسخفتي
قالت اخر جملة بصراخ وناضت من بلاصتها تترنح مزالت نعسانة راحت تجري للحمام مخلياتو مصدوم في بلاصتو خاطر رغم كلشي مزالت لميس اللي تهدر بزااف
_________________________
في الصباح
كان الجميع راقد بأمان وراحة غار بعد ماسمع ادم صوت المدفع بوووووم ناض مفزوع من بلاصتو وهو هاز مسدسو في يدو شاف حولو بنعاس يشوف اللي صرا
هزت لميس تليفونها غلقاتو ورجعت رقدت زاد صونا التيلفون مرة اخرى بصوت المدفع زادت غلقاتو وبقات تكرر مرة وزوج وثلاثة وربعة بقا ادم يشوف فيها موش مأمن مسح على وجهو بقلة حيلة من هاذ الطفلة اللي بلاه ربي بيها عيط بقوة خلعتها ناضت مرعوبة
ادم : لميييس يلا كنتي رايحة تريقلي التيليفون خيري موسيقى لطيفة ونوضي بعد مايصوني ولاه تبقاي تطفي فيه كي المهبول الدار كااااملة ناضت وانستنا مزال مافاقت
لميس : لاه راك تعيط صباح ربي متزيدش تعيط عليا هاني باش نقلك انا الكلبة اللي كنت زعما رايحة نوض باش نوجدلك الفطور مالا ابزقلي على وجهي يلا كان ذقتو وزي..................
قطعت كلامها كي راحت تجري للحمام حاطة يدها على فمها تستفرغ لحقها ادم قلقان عليها حكملها شعرها وغسللها وجهها بعد عنااااد كبيير منها وبعدها تكاها على صدرو سندها للسرير
ادم : وشبيك ؟ مزلتي مريضة ؟؟
نفات لميس براسها تحكي بتوتر : لالا نظن كثرت من لاكرام البارح
ادم : تزيدي تقوليلي نوكلهم نحيلك الرحمة تاعك
قلبت عينيها عليه وتكات على السرير تمسح على معدتها وهي تخمم في اللي جاي حاسة بذنب كبيير كي خبات عليه حملها بابنو ومتأكدة اللي اذا عرف من غيرها ميش رايح يرحمها طمن عليها ادم ومشا لادريسينغ لبس قشو وعاونها بدلت هي ثاني
...........................
ناضت يارا بكري قبل لميس وادم وجدتلهم الفطور بمساعدة الخدمات طبعا طيبت كل حاجة تحبها لميس على جال صحتها وصحتها البيبي علابالها راهي في فترة صعيبة وحساسة وتسخف على حوايج كانت مندمجة تضحك مع الخدامات حست بواحد محضنها من الخلف دارت لقاتها لميس
لميس بابتسامة : صبااااح الخيير
يارا : صباح العسسل
لميس : لاه تتعبي في روحك كنت انا اللي رايحة نوجد الفطور بصح ..........
يارا وهي تضحك : ههههههه بصح مانضتيش
ضحكت لميس وراحت تجر فيها داتها للحديقة بقاو يقصرو حتان جابت الخدامة الفطور شكروها بلطف وكملو يوكلو ويقصرو
كان ادم يشوف فيهم من البالكون ظهرت ابتسامة خفيفة على وجهو مبعد هبط ليهم
ادم : لميس ماتستناينيش اليوم بيسك اني مسافر للاس فيغاس
كانت لميس تشرب في جو مع سمعت كلماتو حصللها الجو في حلقها رجعت تكحكح مدتلها يارا الما شافت فيه لميس بحدة
لميس : وش داك لثم ان شاء الله ؟؟؟ لاه رايح ؟؟؟ غار خير ؟؟؟
ادم : عندي خدمة
لميس : وشمن خدمة في مدينة الخطيئة ؟ ولاه هاذ المدينة بالضبط ؟؟
ادم : عندي قضية نحلها ثم
عضت لميس على شفتها بغيرة كبييرة بيسك تعرف انو فيغاس مدينة فيها الكازينوهات والملاهي الليلية والبنات
لاس فيغاس هي مدينة سياحية شهيرة على مستوى العالم، ومعروفة في المقام الأول بالقمار والملاهي والترفيه والحياة الليلية يصفها الامريكيون بمدينة الخطيئة لأن من يزورها يرتكب جميع الذنوب لذلك انتشر المثل القائل : مايحدث في فيغاس يبقى في فيغاس
لميس : ماتدينيش معاك ؟؟
ادم بحدة وعياط : لميس يخي قتلك عندي خدمة وش رايحة تديري في فيغاس وحدك وانا في الخدمة
لميس بخوف: يخي سقسيتك برك
ادم : متستناينيش خاطر اني نجي روطار وردي باااالك تخرجي .... هياا يارا راكي روطار على الجامعة تاعك
هزتلو يارا راسها بايه وهو عطاهم ظهرو رايح شافت في لميس المتقلقة تنهدت بحزن بيسك علابالها وين يروح خوها متأكدة اللي رايح يدير حاجة ميش مليحة مزال كيما كاان رغم دخول لميس لحياتو صح بدلت منو شوي بصح ماقدرتش تبدلو من الشي اللي عايشو من امور وحياة مافيا ولا نقولو بالاصل معلاباها ذرة من هاذ الشي
يارا بهمس : اذا عرفت خدمتو الحقانية يصرا مالا يحمد عقباه ساعتها هي ماتتنازل وهو مايتنازل تلاقاو في زوج كيفكف
ودعت لميس وراحت ..... قعدت لميس توكل بغضب وهي تهدر مع روحها
لميس : خاطر اني نجي رووطار وردي بالك تخرجي لميييس
قالتها وهي تغلظ في صوتها وهي توكل بشراهة
لميس : قال مانخرج ضك نشوفوها زعما ماتععرفنيش..... يععع وانا كي البهلولة بينتلو بلي خايفة *** وش صرالي كلو من هرموونات الحمل ال***
.......♥♥♥يتبع
YOU ARE READING
المتمردة وزعيم المافيا (باللهجة الجزائرية)
Mystery / Thrillerكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة اما...
البارت 57
Start from the beginning
