دخلت عليها يارا وهي تعييط ضربها ادم بخفة على راسها
ادم : ضك تخوفيفها
قلب عينيه بقلة حيلة كي لقاها مزالت في سباتها ميش جايبة خبر اللي صاري حولها طاحو دمعات يارا بعد ماشافت الحالة اللي كانت فيها لميس لحمتها البيضة حليب رجعت مرصعة باللون الاحمر والازرق من كل بلاصة
بقاو ساعة وهوما يستناو فيها تنوض والو انفجرت يارا بالبكا شاف فيها ادم بحيرة
ادم : وشبيك ؟؟؟
يارا : لاه ماناضتش ؟؟ واقيلا ماتت
تبسم ادم على تفكير اختو بيسك ماتعرف واالو على رقاد لميس
ادم : ماماتت ماصرالها والو اي لباس عليها حتى اتفرجي ضك كيفاش تنوض بنشاط وحيوية
مشا لجيهتها ووقف فوق راسها
ادم بالعياط : لمييييس صرصوور صرصوور
ناضت من نومها مفزوعة كون ميش رجلها متصاوبة كون راهي تشطح من الخلعة
لميس : اععععع وين وييين ؟؟
تنفست براحة بعد ماشافت ادم ميت بالضحك عليها خبطاتو برجلها الصحيحة
لميس : والله ماتحشم ا ادم لاه هكذا تنوضني ؟؟ حبستلي قللبي
ادم : هههههه خاطر نومك ميش نوم عباد نوم دببة
قلبت عينيها بملل لمحت يارا اللي كانت تضحك عليهم عيطت مرة اخرى بصح هاذ المرة باسمها جات رايحة تنوض تروح ليها حبسها ادم كي شدها من كتفها
ادم بحدة : ولي لبلاصتك ماتتحركيش
قربت ليها ياراا بكرسيها عنقتها بقوة وهي تبكي
يارا : اكي بخير؟؟؟
لميس : مزال مامتش ماتخافيش منيش رايحة نخليك ... اصلا اذا مت شكون رايح يقلق خوك ويخرجو من حبال عقلو هااا؟؟
تبسم ادم بألم على حالتها بيسك تحاول تبين انها بخير لشتا ميش هكذاك جامي شاف واحد كيفها .... بصح حقيقة هو موش حابها تكمل في هاذ الشي حاب يكون سندها تحكيلو مشاكلها وتشاركو احزانها حاب يكون الكتف اللي تبكي عليه
ادم : نروح نكمل الخدمة اللي بقاتلي ومنها نخليكم مع بعضاكم .... نظن كاين كلام رايح يتقال مايخصنيش
عقدت لميس حواجبها بلا فهم دورت يدها على كتف مايا تخزر فيه
لميس : ايه عندك الحق لا شأن لك بأمور الفتيات يا زوجي العزيز
ادم : طرد بطريقة غير مباشرة ولا كيفاه ؟
لميس : كيما حبيت تفهمها افهمها ... وماتنساش جيبلي معاك في طريقك لا كرام بزااااف وجيبلي ليمونادا بااارددة وحاامضة
YOU ARE READING
المتمردة وزعيم المافيا (باللهجة الجزائرية)
Mystery / Thrillerكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة اما...
البارت 56
Start from the beginning
