"اتحركي قدامي وماتلفتيش الانتباه صينو نطلق عليك"
لميس بحدة : شكون نتا ؟؟
"ماكيش في موقف يسمحلك تسقسي شكون انا "
دزها بالسلاح اللي في ظهرها تاوهت بألم قادها للباب الخلفي تاع المطار مدت يدها لصاكها بالتخبية تحاول تعيط لأدم بلا ما ينتبه لوخر بصح ماريبونداش ادم
لميس بهمس : هززز عييشك
وصلو لزقاق فرغان شافت في اخرو طومبيل رغم اتصالتها الكثيرة بأدم الا انو ماردش عضت على شفتها بخوف
لميس بهمس : كاينة حياة وحدة معليش نجرب
دارت بسرعة حكمت في يد لوخر اللي حاكم بيها السلاح ضرباتو بين رجليه طاح في الارض يتألم دارت رايحة تهرب حست بضربة كبييرة على راسها طاحت متغاشية كي اللي حست بيه هو انو واحد حكمها قبل ماتطيح
________________
توجه مباشرة لميلانو - (هي ثاني أكبر مدن إيطاليا بعد العاصمة روما)- وين رايح يتقام الاجتماع لكبار رجال المافيا اللي عندهم في قبضتهم دول بزاااف مسيطرين عليهم ركب في الاسانسير بهدوء مرعب توجه لاخر طابق في هاذ المبنى وصل ودا خطواتو بثبات يمشي ويرفع في اكمام قميصو فاسحين المجال لعروقو البارزة دخل لذيك القاعة بكل ثقة وهالة مرعبة شاف في القاعدين بحدة
قعد في كرسيه الفخم اللي يدل على عظمة مالكو (الله الاعظم ) بدا الاجتماع يحكي بايطالية مسرحة
ادم : لقد مر وقت طويل وقد حدث مالم يحمد عقباه اثناء غيابي اليس كذالك ؟ م............
قاطع كلامو دخول سراج اللي دار الروطار بسبة حاجة كبيرة عطلاتو ومهما كان كون ماجاش صاحب ادم كون راه جثة ضك
سراج : ديزولي طولت عليكم
راح قعد بجنب ادم اصلا يعتبر يدو اليمنى بعد كل شي
شاف فيه ادم بنظرات قاتلة وكمل حديثو
ادم : لقد غفلت عنكم لشهور ففعلتم كل مايحلو لكم
هز مسدسو وصوب على واحد من القاعدين في يدو بكل بروود
ادم : ألم اقل لكم بأن لا تستثمروا بتجارة الفتيات ام اني لم اوضح ذلك جيدا ؟؟
قال كلامو موجهو للجميع طلب ذاك الراجل اللي صاوب عليهم منو السماح وهو يبكي من الالم
ادم : انا لا اقبل الاخطاء
خرجت رصاصة اخرى من مسدسو تمركزت في قلبو نهات حياتو ... بدات حبيبات العرق تنزل من جبين القاعدين اللي ثم خاطر التقاط الارواح بالنسبة ليه كيما اللعبة مايهتمش لشكون قتل ولا كيفاه قتل وجه نظرو لراجل خلاف
ادم : كيف يسير عمل نقل الاسلحة
"انها جيدة ، كما ان الانتقال بين بين امريكا واروبا اصبح سهلا بعد ان استحوذت حضرتك على الشرطة بأمريكا ولا نواجه اية مشاكل مع جمارك الميناء "
YOU ARE READING
المتمردة وزعيم المافيا (باللهجة الجزائرية)
Mystery / Thrillerكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة اما...
البارت 53
Start from the beginning
