"اسيرة_لعبة_الماضي "باللهجة الجزائرية

الفصل58

....:غير القاها وساهلة

شاف لجيهة الصوت لقاه واقف ومكتف ذراعتيه عند الباب مي طلقهم ودخل كي شاف فيه هو

ريح مقابلو دانييل:سمعتك بالصدفة...وش حوالك

جان:كيما شايف وليت مهبول نحكي وحدي

دانييل:بعيد الشر صحبي راح تلقاها متخافش

جان:مستحيل درت كلشي من غير نفتح الأرض ونقلب تحتها مي ملقيتهاش ويظهرلي نبدا نشوف حفارات شاطرين يقلبولي جد دزاير عليها

دانييل:علابالك انا لهنا شكيت..كيما علابالنا اي انسان يختفي يخلي وراه على الأقل دليل صغير.. زعما هي وحدها ولا كاين واحد معاونها؟؟

جان:لثم لقيتني نخمم هي وحيدة ومليها حتى واحد من غيرنا كيفاه دارتها معرفناش

دانييل:علاه ماشي هي ختك الصغيرة؟؟..قصدي كيفاه وحيدة معندكمش فاميلة,صحاباتها؟؟

جان:ايه ختي الصغير مي مترباتش معانا كانت فايطاليا عصابة البوص اب مارك ديفيل المعروفين كانو مدربينها من و هي صغيرة عندهم خطفوها منا بيسك راجل امها الكلب باعها ليه

دانييل:وش حال رخيص السيد هدا كيفاه باع طفلة صغيرة الكلب

جان:متخافش راح نحاسبو قريبا

دانييل:يعنيي البوص ماركك ديفيل (كأنو هدا وين استوعب الأهم اللي راهم يحكيو عليه تنفض من بلاصتو): لااا متقوولهااش..ياازح ظهرت قارية ومعاودة..(حبس يراجع فذاكرتو ويهدر):عليها..نهار شفتها..بانتلي عرفتها..جان..ختك تلاقيت انا وياها فمهمة من المهمات اللي غبت فيهم نتا مع خالتي عصماء كي مرضت..كانت مهمة 21جانفي2018 المطر كانت تصب وصراا تشاباك بين الطرفين عصابة البوص والعصابة اللي كانت راح تتباعلها سيليا واسلحة وشوي بنات بلاك وكانو ليكيب تاعنا متخفيين مع رجال العصابة الثانية باه نقهرو البوص مدامو ولا متآمر مع عصابات لهنا فالبلاد باه يبيعولو بنات دزاير...مي الخطة فشلت ووقتها تخلطت بالرصاص من الطرفين وهربت هي من ثم..صح صح تفكرتها كانت صغيرة مي عينيها وملامحها متبدلوش مبعد كي حوسنا عليها لقينا باللي ملفها فالمافيا تحط باللي ماتت فهاديك المهمة وتغلق نهائيا

جان شاف فيه مشوكي لقاؤو بختو كان قادر يصرا قبل خمس سنين شوف المكتوب كيفاه خلاه يتشغل وميحضرش هديك المهمة: تفكرت حكاتلي هاد الجزء من حياتها ونفسها الليلة اللي تلاقات فيها بابا وايلين...مي..دانييل علاه معندناش معلومات على هاد البوص اسمو او اي شي عليه حسب مسمعت نتوما متعرفوهش

دانييل:بعد تحقيق طويل عريض فحياة البوص هدا الشي الوحيد اللي عرفناه ولدو مارك اللي عندو رؤوس من الدولة مغطية على خرايبو وبهاد الشي البوص مخبي اعمالو ورا عصابة ولدو اللي مهيش مربوطة بعصابتو و مالقري ولدو الا انو فاتح عصابتو وحدو