غلـآآ روحي من غلـآآهـآ ؛ ريم الغـلـآآ عيوني فدآآهـآآ

بارت 20

حميــد وريم دخلوا دآخـل كبينة بالمطعـم ، وطلبوا لهم غـدآآ ..
حميد : صدق ونـآآسه ! أنا ويآج بروحنـآآ
ريم ابتسمت
حميد طلع من مخبـآه علبة وفتحها جدآم عيون ريم ، وكـآآن خـآتم ألمـآس على شكل
وردة مفصصه بالألمـآآس ..
ريم : وآآآآو ! فنـآآن ! حق منــو ؟
حميد : الغآلي للغـآآلي
ريم : وآيد حلو !
حميد شـآل ايد ريم ولبسهآ الخـآآتم طـآلع على صبع ايدها يجنن
حميد : لايق عليج لاه ؟
ريم : تسلـــم والله
حميد يمسك ايد ريم : أحبج
أما ريم فهي فهالمواقف منزله رآسها
وفجأه دخل عليهم ريـآآل
... : أفا يـآ ريم تنسيني وأنا اللي حبيتج ، وين أيام ودنا ؟
حميد وريم كل علامات التعجب على ويهم
حميد وقف : إنته شو تقول ؟
... : أقول إن ريم كانت تحبني وأنا أحبها وألحين خطبتها طـآفتني ، أنا ما دري كيف تتخلى عني بهالسهوله و أنا كنت أسهر على صوتها ، وما ترقد وإلا سامعه صوتي
ريم تصآرخ : ايه إنته شو تقول ؟ أنا ما أعرفك
... : لا تجذبين جدآمه قولي الصدق ليش الصدق حرآم ؟
حميد يصـآرخ : إنته ايه شو تقول ؟
... : أقول لك إن ريم هيه قلبي ، وكنت أبا أخطبها بس مادري ليش وآفقت عليك ؟
ريم تصيح : متى هذآ ؟ متـى ؟
حميد يدز الريـآل وطلعه برع
ريم تسير صوب حميد والدموع بعينها ..
ريم : حميد والله جذآب والله ، لا تصدقه أرجوك
حميد سـآكت من الصدمه
ريم : حميد والله العظيم جذآب
حميد يمسح دموعها : خلاص حبيبتي أدري إن عيال الحرآم وآيد ، وما يبون يشوفونا فرحـآنين ، أنا مب مصدقنه ومستحيل أصدقهم وأجذبج ، أنا أعرف إنج انسانة طيبة وما عندج هالخرآبيط وهالشي جذبني فيج يا عمري ، لكن أبا أعرف منو اللي مطرشنه لنـآ ؟ أعرف يبون يحرموني منج من الحقد اللي بقلوبهم ..
ريم جـآن تصيح ، حميد شـآل رآسها وحطه بحضنه وبـآسها على رآسهآآ ..
وقعدوا على الطاولة ، ويـآبوا لهم الغـدآآ ..
حميد : فخاطرج حيـآتي ببلد نسير له بشهر العسل ؟
ريم تمسح دموعها : عـآدي أي مكـآن
حميد : نحن ترآنـآ بنسير شهر ، كل بلد بأسبوع
ريم : شهر ؟ وآآآيد
حميد : بس بيصيرون شوي ، اللحظآت الحلوة تمضي بسرعة !
ريم : هيه صح
حميد : يلا عـآد قولي وين تبين تسيرين ؟
ريم : انسير بـآريس ، و فـآرنـآآ
حميد : أوكي باريس بأسبوع وفارنآ بأسبوع و وبنمر مناطق في ايطاليا و تركيا
ريم : أوكيــك
حميد : أنا بسير أحجز على طيرآن الأمارآت
ريم : أوكي
...

في بيت بو جـآسم \ أفنان تكلم صديقتها في الغرفة ::
أفنان : هـآ بشري ؟ شو صـآر ؟
بثينة : شو أقولج ؟ أخوي قـآل حتى ما كلمها بعصبية أونه هوه ما يشك فيها و مدري شو ..
أفنان : حشآآ ، هالحركة ما نفعت ، أوف
بثينة : هآي شكلهآ سـآحرتنه
أفنان : هيه والله
بثينة : انزين إنتي سيري بيتهم وتعدلي يمكن بيعجب فيج
أفنآن : مدري ، بسير اليوم
...

في المــول \ حميد مـع ربيعه رآشد ::
رآشد معصب : اليوم إنته وينك طول النهـآر ؟ نحن متعودين نطلع البحر كل نهآر
حميد : كنت مع حبيبتي نتغذى في المطعم ونتمشى
رآشد : يـآ ويلي ، ألحين حبيبتك بتبعدك عني ؟
حميد : لا تخاف ترى إنته بعد في القلب ذآكرنك
رآشد : هيه بس حبيبتك مغطية علي
حميد : هيه انزين ، أصلاً ريمـآآنه هيه الوحيدة اللي متربعه على عرش قلبي
رآشد : هيه عـآد احشرنـآآ
...